Новости за 13.07.2019

په اسلام اباد کي د پاکستان او هند د پخوانيو سفارتکارانو، حکومتي چارواکو، دفاعي ماهرينو، ښځينه فعالانو او ځوانانو غېرحکومتي يا ټريک ټو دوه ورځنۍ غونډه نن [جولای ۱۳مه] پای ته ورسېده. ګډون کونکو د دواړو هېوادونو پر حکومتونو تينګار کړی چي ترينګلتيا کمه کړي. په غونډه کې پاکستانيو ګډون کوونکو سياستوال افراسياب خټک، هند کې د پاکستان پخواني سفير عزيز احمد خان او قايداعظم پوهنتون اسلام اباد ښوونکي سلمان بېټني د مشال راډيو له خبريال طاهر خان سره خبرې کړې دي.

په پاکستان کي د تاجرانو او دکاندارانو لخوا په بجټ کې د نويو لګول شويو ټېکسونو او ګرانۍ پرضد نن په ټول هېواد کې کاربندیز دی. د سرښار اسلام اباد په ګډون په خېبر پښتونخوا ، سیند ، پنجاب ، بلوچستان او ګلګت بلتستان کې کاروباري مرکزونه بند دي او په بازارونو کې د ټېکسونو پرضد بېنرې لګول شوې دي.

ناهید وایي ډېرې ښځې ورته ښه راغلاست وایي او خوشحالیږي چې په لومړي وار یوه ښځه انتخاباتو ته ولاړه ده، خو لا هم په ټولنه کې د یوې ښځې لپاره انتخابي مهم چلول یو اسانه کار نه دې.

په پاکستان کې د تاجرانو او دکاندارانو لخوا په بجټ کې د نويو لګول شويو ټېکسونو او ګرانۍ پرضد نن د جولای پر ۱۳مه په ټول هېواد کې کاربندیز دی. په دې لړ کې د اسلام اباد په اړه د عمران یونس ویډیويي رپورټ وګورئ.

په پاکستان کې د خبريالانو مرکزي اتحاديي - پاکستان فيډرل يونين اف جرنلسټس – په وینا ، پر ميډيا د غيراعلانيه سنسرشپ ، د ځينو ټلويژن چېنلونو د بندولواو د ځينو اپوزېشن سياستوالو پر مرکو د بنديز پرضد د جولايي په ۱۶مه په ټول هېواد کې د تورې ورځې نمالځلو اعلان کړی دی.

د خېبر پښتونخوا په مومندو کې دوکاندارانو او ځايي خلکو د ګرانۍ او نويو ټېکسونو لګیدو پرضد د جولايي پر ۱۳مه احتجاجي مظاهره وکړه. نور حال د شاهنواز ترکزي په ویډیويي رپورټ کې.

په پاکستان کي د تاجرانو د تنظیمونو لخوا په بجټ کې د نويو لګول شويو ټېکسونو او ګرانۍ پرضد په ټول ملک کې کاربندیز شوی دی.

د افغانستان په خوست کې د جولایي پر ۱۲مه چنار دودیزه کلنۍ مشاعره جوړه شوه. دا مشاعره د افغانستان د خپلواکۍ سلمې کالیزې ته ځانګړې شوې وه. په دې اړه د نجیب الله الوخېل ویډیويي رپورټ وګورئ.