BBC: ნორვეგიაში თავდამსხმელმა მშვილდისრით რამდენიმე ადამიანი მოკლა
BBC-ის ინფორმაციით, ნორვეგიის ერთ-ერთ ქალაქ კონგსბერგში რამდენიმე ადამიანი გარდაიცვალა, მას შემდეგ, რაც მათ მშვილდისრით შეიარაღებული კაცი თავს დაესხა. არიან დაშავებულებიც. მედიის ინფორმაციით, თავდამსხმელმა ცეცხლი გახსნა ქალაქში მდებარე Coop Extra-ის სუპერმარკეტში. პოლიციის ცნობით, თავდამსხმელი უკვე დაკავებულია. სავარაუდოდ, ის დამოუკიდებლად მოქმედებდა. მათივე თქმით, უცნობია მსხვერპლთა რიცხვი. დაშავებულები ახლოს მდებარე საავადმყოფოებში გადაიყვანეს.