Austerrikarar får landslagsnekt
Tre Salzburg-spelarar får ikkje vere med i den austerrikske landslagstroppen i fotball som skal møte Norge i nasjonsligaen 18. november.
Søndag kveld testa seks av spelarane positivt på Covic-19, og blir derfor nekta å reise på landslagssamling.
Ifølgje tv-kanalen ORF hadde tre av spelarane vore aktuelle til kampen mot Norge. Det er ikkje kjent om alle desse har avgitt positiv test.
Salzburg-spelarane som er tatt ut i Austerrike-troppen, er keeperen Cican Stankovic, og forsvararane Andreas Ulmer og Albert Vacci.
Også Werder Bremens austerrikar Marco Friedl er nekta å reise på landslagssamling.
Kampen er heilt avgjerande for gruppesigeren. Norge må truleg score minst to mål og vinne, etter at Austerrike vann 2-1 på Ullevaal i september.