Новости за 17.10.2023

Бар асари ҳамла ба бемористони Навори Ғазза, минтақаи зери итоати гуруҳи "Ҳамос", рӯзи 17-уми октябр садҳо кас кушта ва захмӣ шудаанд.

Дастаи мунтахаби футболи Тоҷикистон дарбозии ниҳоии «Ҷоми Мердека-2023» («Ҷоми Истиқлол-2023»), ки шоми сешанбе, 17-уми октябр, дар шаҳри Куала-Лумпур баргузоршуд, тими миллии Малайзияро бо ҳисоби 2:0шикаст дод ва барандаи ин мусобиқаи байналмилалӣ гардид.

Сафорати Узбекистон дар Исроил, кушта шудани шаҳрвандони ин кишварро дар натиҷаи ҳамлаи гуруҳи фаластиниии "Ҳамос" рад кард.

Вазорати умури хориҷии Қирғизистон қоидаи будубоши шаҳрвандони хориҷиро, ки метавонистанд, бе раводид (виза) дар он кишвар ба сар баранд, тағйир дод.

Wildberries, фурӯшгоҳи азими онлайнии Русия, вориди бозори Тоҷикистон шудааст.

Маҷмааи умумии СММ 22- уми декабри соли 1992 санаи 17- уми октябрро Рӯзи ҷаҳонии мубориза барои бартараф кардани фақр эълом кард. Дар ин рӯз дар саросари ҷаҳон  мардуме, ки дар фақру нодорӣ зиндагӣ мекунанд, мавриди таваҷҷуҳ қарор мегиранд.

Муфаттишони вилояти Суғд латукӯби як нозири бозрасии давлатии автомобилӣ дар ноҳияи Масчоҳро шарҳ доданд. Дар як гузориши телевизионие, ки дирӯз шом нашр шуд, мақомот гуфтанд, ки ронандаи гумонбар ба латукӯби полис боздошт шудааст.

Дар натиҷаи задухӯрди сокинон бо марзбонон дар деҳаи Вуадили ноҳияи Фарғонаи Узбекистон ду нафар кушта шудааст.

Кайрат Боронбоев, соҳибкори зиндонӣ ва қудои пешини Дариға Назарбоева, духтари президенти собиқи он кишвар Нурсултон Назарбоев "дар доираи ҳамкорӣ бо мақомот" як меҳмонхонаи худро ба давлат додааст.

Артиши Исроил то анҷоми сафари президенти Амрико Ҷо Байден амалиёти заминиро ба Навори Ғазза оғоз намекунад. Дар ин бора маҷаллаи Der Spiegel дар такя ба манобеаш хабар додааст. Дар назар аст, ки Байден 18-уми октябр ба Исроил сафар кунад.

Ҳомии ҳуқуқи қазоқистонӣ ва раҳбари бунёди "НеМолчи.kz" Дина Смаиловаро, ки ду соли ахир дар Гурҷистон ба сар мебурд, ба он кишвар роҳ надоданд.

Хабарҳои рӯз

Исроил аз Амрико дархост кардааст, ки дар ҳаҷми 10 миллиард доллар ба Тел-Авив кумаки изтирорӣ кунад. Дар ин бора The New York Times дар такя ба се мансабдор иттилоъ додааст.

Фарҳод Одинаев, як намояндаи мухолифони ҳукумати Тоҷикистон мегӯяд, намояндагони идораи барқи шаҳри Ҳисор барқи манзили модарашро қатъ кардаанд. Мақомот масъаларо шарҳ намедиҳанд, аммо дар ҳафтаи ахир ҳадди ақал чор намояндаи мухолифин гуфтанд, пайвандони онҳоро аз барқ маҳрум кардаанд.

Як созмони мудофеи ҳуқуқи инсон аз мақомоти Тоҷикистон даъват кардааст, ки соҳибкору сиёсатмадори зиндонӣ Зайд Саидовро "ҳарчи зуд ва бе қайду шарт" озод кунанд.

Шӯрои амнияти Созмони Милал қатъномаи пешниҳодкардаи Русия дар бораи маҳкум кардани хушунат дар Ховари Миёнаро рад кард. Дар ин қатънома дар бораи ҳамлаи "Ҳамос" ба Исроил, ки беш аз ҳазор исроилӣ кушта ва наздики ду ҳазор кас маҷруҳ шуд, чизе гуфта нашудааст.

Дар ғарби Афғонистон дар зилзилаи нав дастикам як нафар кушта ва 150 тани каси дигар захмӣ шудаанд. Зилзила баъди он рух дод, ки дар заминҷунбии беш аз як ҳафта пеш садҳо нафар, асосан дар шаҳри Ҳироту атрофи он ҷон доданд. Такрори фалокат мардуми вилоятро ба дарду ранҷи зиёд гирифтор кардааст.

Дар остонаи ҳуҷуми заминии нирӯҳои исроилӣ ба Ғазза садҳо ҳазор фаластинӣ аз хонаҳои худ фирор кардаанд. Амалиёти Исроил бо ҳадафи нобуд кардани Ҳамос анҷом мешавад, ки ҳафтаи гузашта бо ҳамла ба ҷануби Исроил бештар аз 1500 нафарро кушт.

Полиси Кореяи Ҷанубӣ гуфтааст, дар як ҳодисаи ҳамла ба саррофхонаву дуздии миқдори калони пул, панҷ шаҳрванди Тоҷикистон метавонанд даст дошта бошад. Ҳоло полис аз боздошти ду нафари онҳо дар қаламрави Тоҷикистон ва Кореяи Ҷанубӣ хабар додааст.

Мақомот ҳамларо ба як нозири роҳ дар ноҳияи Мастчоҳ шарҳ дода гуфтанд, ронандаро боздошт кардаанд. Ҳодиса рӯзи 13-уми октябр дар яке аз минтақаҳои ноҳияи Мастчоҳ рух додааст.

Кумитаи давлатии амнияти миллии Қирғизистон (КДАМ) аспҳои зотии Қамчӣ Колбоевро ба фоидаи давлат тасарруф кардааст. Ин аспҳо дар маҷмуъ 500 ҳазор доллар арзиш доранд. Дар ин бора маркази матбуотии КДАМ хабар медиҳад.

Бештар аз 1 млн. кас маҷбур шудаанд, ки ба далели зарбаҳои Исроил манзилҳояшонро дар навори Ғазза тарк кунанд. Дар ин бора оҷонсии СММ дар умури кӯмак ба паноҳандаҳои фаластинӣ ва ташкили кор (UNRWA) хабар медиҳад.

Дастаи мунтахаби футболи Тоҷикистон дар бозии ниҳоии «Ҷоми Мердека-2023», ки имрӯз, 17-уми октябр, дар шаҳри Куала-Лумпур баргузор мешавад, бо тими миллии Малайзия рақобат мекунад.

Бештар аз 100 қазоқистонӣ, ки дар Исроил қарор доранд, аз сафорати Қазоқистон дар Исроил хостаанд, ки барои ба хориҷ рафтан ба онҳо кӯмак расонанд. Дар ин бора Ойбек Смадияров, намояндаи расмии вазорати корҳои хориҷии Қазоқистон рӯзи 16 октябр хабар дод. Мақомоти Қазоқистон гуфтанд, бино ба иттилои охирин 67 шаҳрванди Қазоқистон, ки ҳамроҳ бо аъзои хонаводаашон ба бештар аз 100 мерасанд, дар навори Ғазза қарор доранд. Дар бораи маргу мири шаҳрвандони Қазоқистон иттилое нарасидааст, гуфтанд дар вазорат. Читать дальше...