Новости за 26.12.2023

Дар Тоҷикистон дар 6 моҳи аввали имсол бештар аз 587 гирифтори нави бемории норасоии масунияти бадан ё ВИЧ-ро сабт кардаанд, ки дар миёни онҳо кӯдакон низ ҳастанд. Ба ибораи дигар рӯзона дар озмоишгоҳҳои тиббии Тоҷикистон то се нафар мубталои бемории мазкурро ошкор ва сабт кардаанд.

Дандонҳои сирконий ва садаф ҷойи дандонҳои тилоро дар Тоҷикистон гирифтаанд. Чӣ гуна?

Имсол дар бозорҳои Душанбе нархи бахши бузурги маҳсулоти кишоварзӣ боло нарафтааст.

Эмомалӣ Раҳмон дар Нишасти раҳбарони ИДМ дар Русия иштирок мекунад; нархҳои солинавӣ дар бозорҳои Душанбе; тақдими осони шаҳвандии Русия ба қазоқистониҳо; дандони садаф ба ҷойи дандони тилло ва матолиби дигар.

Дар шаҳри Санкт-Петербурги Русия нишасти ғайрирасмии сарони кишварҳои Иттиҳоди Давлатҳои Мустақил сурат мегирад, ки дар он Эмомалӣ Раҳмон, раиси ҷумҳурии Тоҷикистон ҳам ҳузур дорад. Ҳоло маълум нест, раҳбарони 8 кишвар дар бораи чӣ суҳбат мекунанд.

Алексей Навалний, раҳбари зиндонии мухолифони Русияро дар маҳбаси Харпи ҳавзаи мухтори Ямало-Ненетс ҷойгир кардаанд.

Як зан аз ноҳияи Зангиотаи вилояти Тошканди Узбекистон дар муносибати бераҳмона бо духтарандари 13-солааш муттаҳам мешавад.

Вазорати корҳои дохилии Русия таҳиягари силсилафилми аниматсионии "Масяня" Олег Куваевро таҳти пайгарди қонунӣ қарор додааст.

Пизишкон дандони Иззат Амон, ҳомии зиндонии муҳоҷиронро дар Душанбе ҷарроҳӣ кардаанд.

Даргирӣ, таркиш, офатҳои табиӣ, кӯчокӯч ва эътирозҳо дар гӯшаҳои ҷаҳон дар соли 2023 низ идома кард. Баъзе аз ин лаҳзаҳоро дар аксҳо бинед.

Сарвазири Исроил гуфт, ки сулҳ дар Навори Ғазза танҳо дар сурати нобудии гурӯҳи "Ҳамос" имконпазир хоҳад шуд.

Додгоҳи ноҳияи Бостонлиқи вилояти Тошканди Узбекистон як корманди пешини пулисро дар таҷовузи духтари 13-сола айбдор эълом ва 15 сол аз озодӣ маҳрум кардааст. Ҳукм 25 декабр содир шуд ва назари пулису наздиконаш ба иттиҳом маълум нест.

Як маркази байналмилалии омӯзиши забони англисӣ дар радабандии худ Тоҷикистонро аз нигоҳи донистани забони англисӣ дар зинаи пасттарин қарор додааст.

Леонардо Ди Каприо, ҳунарманди маъруфи Ҳолливуд ва продюсери амрикоӣ ҳукумати Қазоқистонро барои афзоиши теъдоди сайгаҳо дар он кишвар табрик гуфтааст.

Қонун дар бораи парчами нави давлатии Қирғизистон 26 декабр расман мавриди иҷро қарор гирифт. Онро президенти Қирғизистон Содир Ҷабборов 22 декабр имзо карда буд.

Ду тифли як хонадон, ки яке чор ва дуюмӣ ду сол дошт, дар канали деҳаи Ваҳдати ноҳияи Шаҳристони вилояти Суғд ғарқ шудаанд. Кумитаи ҳолатҳои фавқулода гуфтааст, сабаби ғарқшавии кӯдакон беназоратии волидон аст.

Варзишгарони тоҷик дар мусобиқаи байналмилалии бокс миёни наврасон ба хотираи муштзани маъруф Аббос Агаларов, ки рӯзҳои 18-22-юми декабр дар шаҳри Бокуи Озарбойҷон баргузор шуд, чаҳор медал (ду тилло, як нуқра ва як биринҷӣ) ба даст оварданд.

Президентҳои кишварҳои узви Иттиҳоди иқтисодии Авруосиё (ИИАО) ва Иттиҳоди Давлатҳои Мустақил (ИДМ) бо даъвати президенти Русия Владимир Путин ба Санкт-Петербург рафтанд.

Мошинҳои боркаши шаҳрвандони Тоҷикистон ва Қирғизистон, ки дар ҷараёни муноқишаи ахири марзӣ дар ду тараф дармонда буданд, иваз карда мешаванд.

Қамчибек Тошиев, раиси Кумитаи давлатии амнияти миллии Қирғизистон (КДАМ) ба зердастонаш дастур додааст, ки ба фаъолияти гаравхонаҳо "таваҷҷуҳи махсус равона кунанд". Ин дастурро Тошиев рӯзи 25 декабр додааст.

Узбекистон ҳаргиз мустамликаи кишваре нахоҳад шуд, гуфт Танзила Норбоева, раиси сенати Маҷлиси Олии Узбекистон рӯзи 25 декабр.

Тими миллии футболи Тоҷикистон таҳти раҳбарии мутахассиси хорватӣ Петар Шегрт ба марҳилаи ниҳоии Ҷоми Осиё-2023 омодагӣ мебинад.

Додгоҳе дар шаҳри Алмаатои Қазоқистон гумонбари ҳамла ба ронандаи автобусро ду моҳ ба ҳабси пешакӣ гирифт. Ҳамла ба ронандаи автобус, ки зан буд, боиси марги се одам шуд.

Мудири пешини Хадамоти марзбонии Қазоқистон Дархан Дилманов 4 сол аз озодӣ маҳрум шудааст. Бо қарори додгоҳ молу мулки ӯ мусодира мешаванд. Додгоҳ Дилмановро ба сӯистифода аз мақом, ки боиси оқибатҳои вазнин шудааст, айбдор кард.