Новости за 07.07.2023

په پاکستان کې د مېشتو افغان کډوالو شورا د پاکستان دولت او په هغه هېواد کې د ملګرو ملتونو د سازمان عالي کمېشنرۍ ته یو سر خلاصی لیک استولی دی. په پاکستان کې د مېشتو افغان کډوالو شورا په دې سر خلاصي لیک کې د پاکستان دولت له اړوندو ادارو او د کډوالو په چارو کې د ملګرو ملتونو د سازمان له عالي کمېشنرۍغوښتي، چې د دوی ستونزو ته رسېدنه وشي. دا لیک چې د جون میاشتې په ۲۶مه نېټه په پاکستان کې د افغان کډوالو د شورا له خوا لیکل شوی او د يو شمېر افغان کډوالو له خوا لاسلیک شوی، تېره ورځ د جولای په ۶مه نېټه د... Читать дальше...

د امریکا د استازو د جرګې د بهرنیو اړیکو د کمېټې مشر مایکل مککال وايي، دا چې ولسمشر بایډن ادعا کوي چې نور په افغانستان کې القاعده فعالیت نه کوي او یا دا چې طالبان یې په یو ډول په سیمه کې د ملي امنیت په شریکانو بدل شوي، په بشپړه توګه له واقعیت لرې دي. د جمهوري پال مککال په یو بیان کې چې نن د امریکا د بهرنیو اړیکو کمېټې خپور کړی ویل شوي، د جو بایډن څرګندونې یوازې د طالبانو او القاعده شبکې د پخوانیو اړیکو د سپينولو یوه هڅه تفسیر کېدای شي. وړاندې د امریکا د استازو د جرګې د بهرنیو اړیکو د کمېټې د مشر... Читать дальше...

د پاملرنې نړیواله موسسه وايي، په افغانستان کې د نجونو پر زده کړو له بندیز سره په دغه هېواد کې روغتیايي خدمات مخ په خرابېدو دي. دغه بنسټ په یوه نوي راپور کې ویلي چې دا کار به په راتلونکي کې روغتیايي خدمتونو ته د ښځو پر لاسرسي هم منفي اغېز وکړي او په افغانستان کې به د نرسانو، قابله ګانو او د ښځینه‌وو د تغذيې مشاورینو شمېر کم شي. د پاملرنې نړیواله موسسه وايي، د ښځو لپاره له لازمو او کافي روغتیايي زده کړو پرته به افغانستان روزل شوي روغتیايي کارکوونکي ونه لري. د یادې موسسې په راپور کې ویل شوي چې... Читать дальше...

جرمني اوکراین ته د خوشه‌یي مهماتو له استولو سره مخالفت کړی. د جرمني د بهرنیوچارو وزیره وايي چې هېواد یې اوکراین ته د خوشه یي مهماتو د استولو مخالف دی. انالینابایربوک دا څرګندونې یوه ورځ وروسته له هغه کوي چې امریکايي چارواکو وویل، غواړي کییف ته دا وسلې چې د ملکي وګړو د وژنې په خاطر د نړیوالو له خوا غندل کېږي، چمتو کړي. د بشري حقونو ډلو له دې اقدام سره مخالفت کړی او مېرمن بایربوک وویل، جرمني چې د ۱۱۱ هېوادو په ډله کې د کلسټر مهماتو د نه کارولو لپاره د اوسلو د کنوانسیون غړی دی، هم د دې کار مخالفت کوي. Читать дальше...

د بې پولې خبریالانو سازمان یا 'آر ایس ایف' یوځل بیا د طالبانو له بنده د افغاني الاصله فرانسوي خبریال مرتضی بهبودي د خلاصون غوښتنه کړې ده. د بې پولې خبریالانو سازمان، په پاریس کې د وخت ټاکنې د برښنایي دستګاه په نصبولو سره، یو ځل بیا د طالبانو له بند څخه د افغاني الاصله فرانسوي خبریال مرتضی بهبودي د خلاصون غوښتنه وکړه. يادې ادارې د پنجشنبې په ورځ د فرانسې په مرکز پاریس کې د طالبانو په زندان کې د تېرو شپږو میاشتو د بند د مودې له پوره کېدو وروسته دغه وسیله نصب کړې ده چې د طالبانو په زندان کې د تېرو ورځو، ساعتونو او دقیقو شمېر حسابوي. Читать дальше...

د افغانستان د تېر جمهوري نظام د هوايي ځواک پیلوټان لا هم له خپل نامعلوم برخلیکه شکایت کوي او وايي چې له سختو امنیتي او اقتصادي ستونزو سره مخ دي. په افغانستان کې د طالبانو له بیا ځلي واکمنۍ وروسته د تېر ړنګ شوي جمهوري نظام د هوايي ځواک یو شمېر پیلوټان چې خپل مقصد هېوادونو ته د تللو لپاره په درېیمو هېوادونو کې دي وايي، له جدي امنیتي او اقتصادي ستونزو سره مخ دي. دوی چې ځینې په ترکیې او پاکستان کې دي، له ازادي راډیو سره په خبرو کې وویل، له تېرو څه باندې شلو میاشتو راهیسې بې برخلیکه دي. په پاکستان... Читать дальше...

د افغانستان لپاره د بریتانیا د سفارت شارژدافېر وايي، کابل ته د سفر پر مهال یې د هغو فرمانونو په اړه د طالبانو چارواکو ته خپله اندېښنه په ډاګه کړه چې د ښځو او نجونو حقونه محدودوي. د افغانستان لپاره د بریتانیا د سفارت شارژدافېر وايي، کابل ته یې سفر د بریتانیا د هغې ژمنې ښکارندویي کوي چې د افغانستان د مثبتې راتلونکې لپاره یې لري. رایرټ ډیکسن کابل ته له سفر وروسته پر خپل ټویټر په یو بیان کې لیکلي، چې هلته یې له طالب چارواکو سره په لیدنو کې د نجونو د زدکړو او د ښځو د کار پر موضوعاتو ټینګار کړی. ... Читать дальше...

د چک جمهوریت صدراعظم وايي، د اوکراین راتلونکې د اروپايي ټولنې او ناټو په غړیتوب کې ده. پیټر فیالا، چې د اوکراین له ولسمشر ولودیمیر زیلینسکي سره تر غونډې وروسته نن یوې خبري غونډې ته خبرې کولې وویل: "اوکراین زموږ او د ټولې اروپا د امنیت لپاره د جګړې په حال کې دی." فیالا زیاته کړه چې چک جمهوریت به پر اوسنیو مرستو سربېره اوکراین ته پوځي هیلیکوپټرې هم ورکړي. زیلینسکي له اروپايي چارواکو غوښتي چې سږکال په اروپايي ټولنه کې، اوکراین ته د غړیتوب د ورکولو په اړه د خبرو د پیل لپاره تر وسې وسې هڅې وکړي.

د ملګرو ملتونو سازمان وايي چې د افغانستان له درې نیم ميلیون معتادینو څخه يوازې دېرش زره يې روغتیايي اسانتیاوي په واک کې لري. ملګرو ملتونو د افغانستان لپاره له ۲۰۲۳ م څخه بیا تر ۲۰۲۵ م ميلادي کاله پورې خپل ستراتېژیک چوکاټ اعلان کړ، په دې چوکاټ کې راغلي، که څه هم د کوکنارو د کښت کمولو په اړه راپورونه خپاره شوي، خو بیا هم په افغانستان کې معتادین مخ پر ډېرېدو دي. د دې سازمان په تازه ستراتېژۍ کې ويل شوي چې د افغانستان له درې نیم میليونو معتادینو څخه يوازې دېرش زره معتادین د درملنې اسانتیاوي لري. ... Читать дальше...

په سمنګان ولایت کې د طالبانو امنیتي چارواکي وايي، د ومان شاوخوا ۴ زره کیلوګرامه بوټي یې کشف او سوځولي دي. ومان د ښیښې په نوم مخدرو موادو په جوړولو کې کارول کېږي. د سمنګان امنیه قوماندانۍ په یوه بیان کې چې نن خپور شو ویلي چې دا بوټي په مرکز ایبک ښار کې د امنیه قوماندانۍ د کارکوونکو د هڅو په نتیجه کې کشف او وروسته وسوځول شول. د بیان له مخې په دې تور دوه مشکوک کسان هم نیول شوي دي. پر افغانستان د طالبانو له واکمنېدو وروسته که څه هم د مخدروموادو د تولید کچه په نسبي ډول کمه شوې ده، خو افغانستان... Читать дальше...

د افغانستان لپاره د بریتانیا د سفارت شارژدافېر وايي، کابل ته د سفر پر مهال یې د هغو فرمانونو په اړه د طالبانو چارواکو ته خپله اندېښنه څرګنده کړه چې د ښځو او نجونو حقونه محدودوي. رابرټ ډیکسن چې نوی په دې دنده ګومارل شوی وايي، کابل ته د دې لپاره راغلی چې په افغانستان کې روانو ستونزو ته یوه حل لاره ومومي. نوموړی وايي چې د ده سفر د افغانستان د مثبتې راتلونکې لپاره د بریتانیا د ژمنې څرګندونه کوي. مخکې له دې د طالبانو د حکومت د بهرنیو چارو وزارت په یو بیان کې ویلي و، بریتانیا له افغانستان سره د اړیکو... Читать дальше...

اروپايي ټولنې د ځان د دفاع او د روسیې د یرغل پر ضد له اوکراین سره د سمدستي مرستې لپاره د مهماتو او توغندیو د تولید د پراخولو په هدف د پلانونو په تایید سره یو مهم ګام واخیست. د اروپايي ټولنې ریاست نن د جولای ۷مه سهار اعلان وکړ چې د ټولنې غړو هېوادونو او اروپايي پارلمان توافق کړی چې سمدستي د مهماتو د تولید د ملاتړ لپاره له خپلې بودیجې څخه نیم میلیارد یورو ځانګړي کړي. دا موافقه د اروپايي ټولنې د مشرانو د مارچ میاشتې د هغې پرېکړې په دوام کېږي چې اوکراین ته د اړتیا وړ مهماتو د استولو د پراختیا لپاره یې کړې وه.

یو افغان وګړی د امریکا په پلازمېنه واشنګټن ډي سي کې په ډزو وژل شوی دی. د واشنګتن ډي سي پولیسو پرون تایید کړه چې د نصرت احمدیار په نوم دغه افغان د سه شنبې په ورځ د واشنګتن په شمال ختیځه څنډه کې په ډزو ویشتل شوی او ځای په ځای یې ساه ورکړې. د واشنګټن ډي سي پولیسو د هغو معلوماتو په بدل کې ۲۵ زره ډالر انعام ټاکلی چې د نصرت د وژنې د عامل یا د مرتکبینو د نیولو لامل شي. په امریکا کې ځینو مېشتو افغانانو د نصرت احمد یار له کورنۍ سره د مرستې لپاره یو پروګرام هم جوړ کړی چې تر دې دمه ورته څه باندې ۱۶زره ډالر ټول شوي. Читать дальше...

اوکرایني چارواکي وايي، په لویف ښار کې د روسیې په راکټي برید کې لږ تر لږه پنځه کسان وژل شوي دي. اوکراین دا پر ملکي سیمو د روسیې تر ټولو سخت برید یادوي. د اوکراین د کورنیو چارو وزارت پرون د جولای ۶مه وویل چې په دې برید کې د استوګنې د یوې ودانۍ چت او دوه پورتني پوړونه ویجاړ شوي او د یوه ماشوم په ګډون ۳۴ کسان ټپیان شوي دي. د لویف ښار چارواکو په وینا شاوخوا ۶۰ اپارتمانونه او ۵۰ موټرونه هم زیانمن شوي. د اوکراین ولسمشر ولودمیر زیلینسکي یوه ویډیو انلاین شریکه کړې چې په کې د ودانیو د بامونو برخې او... Читать дальше...

په کاپیسا ولایت کې د طالبانو یو چارواکی وايي چې یوه ډبرینه مجسمه یې په یوه کور کې کشف کړې ده. د کاپیسا لپاره د طالبانو د امنیې قوماندانۍ ویاند عبدالفتاح فایز تېر ماښام پنجشنبه ازادي راډیو ته وویل، دا مجسمه چې د کوهبند ولسوالۍ د ارام کوټ سیمې په یوه کور کې تر خاورو لاندې وه، یوه کس موندلې او په دوهم کوهستان ولسوالۍ کې یې خپل کور ته وړې وه. ده زیاته کړه چې دغه سړی په دې تړاو نیول شوی دی. د کاپیسا د امنیه قوماندانۍ د ویاند په وینا دا مجسمه تر زرو کلونو پخوانۍ ده

د نیوزیلنډ د بهرنیو چارو وزیرې پرون پنجشنبې اعلان وکړ چې هېواد یې ملګرو ملتو ته ۱۱ میلیون ډالره ورکوي چې په افغانستان کې یې پر بشري چارو ولګوي. نانایا ماهوتا وویل: "افغانستان په نړۍ کې تر ټولو له سخت بشري بحران سره مخامخ دی او په درو کې څه باندې دوې برخې افغانان بشري مرستو ته اړ دي. د خوراکي موادو د نه مصونیت ترڅنګ افغانان طبي خدماتو، د څښاک پاکو اوبو او زده کړو ته سخته اړتیا لري." دې همدا راز وویل چې نیوزلنډ له افغانانو سره د مرستو دوام ته ځان ژمن ګڼي او له خپلو نړیوالو شریکانو سره یو ځای په... Читать дальше...

د دې اوونۍ د دوشنبې ورځ، چې د جولای ۳یمه وه، په نړۍ کې تر ټولو توده ورځ ثبت شوه. د امریکا د چاپېریال د اټکل د ملي مرکز د معلوماتو پر اساس، په دې ورځ په نړۍ کې د هوا د تودوخې متوسطه درجه د سانتي ګراد تر مثبت ۱۷ واوښته چې دا تر مخکېني ریکارډ چې د ۲۰۱۶ په اګست کې څه کم اوولس درجې ثبت شوی و، لوړه ده. په دې ورځ حتی په انترکتیکا کې چې اوس هلته ژمی دی، د تودوخې درجه لوړه وه. په وروستیو اوونیو کې په اروپايي هېوادونو کې د تودوخې درجه په بې ساري ډول لوړه وه. تېره جون میاشت د بریتانیا لپاره تر ټولو... Читать дальше...

په افغانستان کې د ښځو د سینګارځایونو د بندېدو په اعتراض کې د ښځو د انقلاب په نوم ډلې او یو شمېر سینګارګرو ښځو د طالبانو د پرېکړې پر ضد د احتجاج غږ پورته کړ. 'د افغان ښځو انقلاب' په نوم د یوې ډلې غړیو او یو شمېر سینګارګرو ښځو د طالبانو له لوری د ښځینه سینګارتونونو د بندېدو د پرېکړې په اعتراض کې پرون احتجاجي غونډه وکړه. په یوه ویډیو کې چې دا اعتراض کوونکې ښځې په یوه سرپټي ځای کې لیدل کېږي، یوه معترضه وايي: "طالبانو د سینګارځایونو د بندولو نوی بندیز لګولی چې له کبله یې ډېرې ښځې چې خپلو کورنیو ته... Читать дальше...

د بنګله‌دېش د کرکټ د ملي لوبډلې کپتان تمیم اقبال پرون پنجشنبه ناببره له نړیوالو کرکټ سیالیو استعفا اعلان کړه. اقبال دا پرېکړه یوه ورځ وروسته له دې اعلان کړه چې افغانستان د پنځوس اوره سیاليو لومړۍ مسابقه له بنګله‌دېش څخه وګټله. د بریتانیا د مېل انلاین د راپور له مخې، تمیم اقبال پرون خبریالانو ته وویل، د چهارشنبې په ورځ یې وروستۍ نړیواله لوبه وه او له دې شېبې نور په نړیوالو سیالیو کې برخه نه اخلي. په داسې حال کې چې د تمیم اقبال خبرې د تلوېزیون له لارې په ژوندۍ بڼه خپرېدې، د استعفا د اعلان په مهال د ده له سترګو اوښکې بهېدې. Читать дальше...

د چین د ګانسو د شمال لوېدیځ ولایت له مرکز لینژو څخه په سوداګري مالونو بار یو ریلګاډی افغانستان ته وخوځېد. د چین د سینهوا خبري اژانس د راپور له مخې، په دې رېلګاډي کې، چې د چهارشنبې په ورځ د افغانستان د حیرتان بندر په لور روان شو، په ۳۹ کانتینرونو کې د یو نیم میلیون ډالرو په ارزښت مال وړل کېږي. د راپور له مخې دا سوداګري مال، چې د موټر پُرزې، فرنیچر، دفتري او تخنیکي وسایل په کې شامل دي، د چین د سین کیانګ ایالت، قرغیزستان او ازبکستان له لارو تېرېږي. د افغانستان د تېر جمهوري حکومت په مهال د چین... Читать дальше...

د فرانسې په نانت ښار کې یو افغان کډوال تورن شو چې پر یوې دوولس کلنې نجلۍ یې جنسي تېری کړی دی. دا پېښه د جون په یوولسمه د نانت ښار په زړه کې شوې وه خو دغه افغان چې ۲۹ کلن دی، د جون په ۲۹ مه رسماً تورن شو. د فرانسې د خبري رسنیو د راپور له مخې، پولیس وايي چې تورن یې د هغو نښو او شواهدو پر اساس وموند چې نجلۍ دوی ته بیان کړي وو. هغې ویلي چې تورن کس په زوره له لاسه نیولې او د ښار په مرکزي برخه کې یې د یوه پله لاندې بیولې او له تجاوزه وروسته یې همالته پرې ایښې ده.

د هوا پېژندنې ادارې د افغانستان په ۱۲ ولایتونو کې د شدیدو ورښتونو اټکل کړی او ویلي چې ممکن د بارانونو په نتیجه کې په یو شمېر ولایتونو کې سېلابونه جاري شي. په افغانستان کې د روان لمریز کال په څه باندې درېیو میاشتو کې د طبیعي پېښو له کبله لږترلږه یو نیم سل تنه مړه شوي دي. د طالبانو د حکومت له پېښو سره د مبارزې وزارت وايي چې سېلابونو او توپانونو د سر د تاوانونو ترڅنګ ډیر مالي زیانونه هم اړولي دي. د دغه وزارت ویندوی شفیع الله رحیمي پرون رسنیو ته په یوه استولي پیغام کې وویل: "د بېړنیو حالاتو د عملیاتي... Читать дальше...

فارین پالیسي: فارین پالیسي خپرونې په یوه مقاله کې په دې اړه لیکلي چې ترهګر د امریکایانو هغه وسلې پېري او د نړۍ په بېلابېلو سیمو کې یې د امریکا په ملګرو کاروي، چې امریکایانو په افغانستان کې شاته پرېښې وې. سرچینه زیاتوي، امریکا د ۲۰۲۱ کال په اګست کې له افغانستانه ووته. د راپورونو په اساس، امریکايي ځواکونو د شاوخوا ۷ میلیارد ډالرو په ارزښت پوځي تجهیزات او وسلې چې په کې بېلابېل ډول وسلې، مخابراتي وسایل او حتی زغره وال ګاډي هم شامل دي، په افغانستان کې پرېښودل. ګڼ دا وسایل د طالبانو له بیا واکمنېدو سره د دوی د جنګیالیو لاس ته ولوېدل. Читать дальше...

د وروستیو کلونو د اقلیمي بدلونونو له رامنځته کېدو سره، پاکستان په سیمه کې له دغو بدلونونو یو ډېر اغېزمن هېواد دی. د ملګرو ملتونو د راپور له مخې، که د دغه هېواد د لوړو څوکو یخچالونه اوبه شي د سختو سېلابونو له راوتو سره به تر ۷ میلیونو زیات پاکستانیان زیانمن کړي.

د نیمروز ولایت په مرکز زرنج ښار کې لسګونه موټرسایکلونه، د ښاري ټکسیو پر ځای فعالیت کوي. په دغه ښار کې دولتي ټرانسپورټ نه شته او ډېر خلک یې له موټر سایکلونو کار اخلي. خو ولې داسې کوي؟