Казанда узачак БРИКС Уеннарына 10 мең билет сатылган
23 апрельгә Казанда узачак БРИКС Уеннары ярышларына 10 мең билет сатылган. Бу хакта турнирны оештыручылар хәбәр итә.
Ярышлар 2024 елның 11-23 июнендә үтә. Хәзерге вакытта йөзү, спорт гимнастикасы, фехтование, синхрон йөзү, дзюдо, суга сикерү, бадминтон, каратэ, спорт көрәше, самбо, ушу, көрәш һәм билбау көрәше кебек дисциплиналарга билет сатып алырга мөмкин.
Татарстан спорт министры Владимир Леонов билгеләп үткәнчә, алдагы көннәрдә – 6-7 майда - башка дисциплиналарга да билетлар сатуга чыгачак.
«Алар арасында җиңел атлетика, нәфис гимнастика, пляж волейболы, баскетбол ике төр ярышы, бокс, өстәл теннисы, ишү спорты, теннис, авыр атлетика кебек дисциплиналар бар», - диде ул.