Новости за 21.05.2024

Әлмәт районында Кичүчат авылында ат чабышы сезоны ачылды. Катнашучылар арасында тәҗрибәле җайдаклар да, балалар да бар. Оештыручылар билгеләп үткәнчә, яшь спортчылар саны артканнан-арта. Бу хакта «Әлмәт таңнары» хәбәр итә.

Татарстан Журналистлар берлеге рәисе, «Яңа Гасыр» телерадиокомпаниясе генераль директоры, ТР Дәүләт Советы депутаты Илшат Әминов Татарстан Журналистлар берлегенең XXI съездында катнашты. Ул республика районнарыннан килгән хезмәттәшләренә массакүләм мәгълүмат чаралары вәкилләре исемнәрен махсус электрон энциклопедиядә мәңгеләштерү мөмкинлеге турында искәртте.

Казан федераль университеты ректоры Ленар Сафин Александр Невский ордены белән бүләкләнде. Бу карарны Россия Президенты Владимир Путин имзалаган. Документ хокукый актларны рәсми бастырып чыгару порталында чыкты.

Татарстан Журналистлар берлеге рәисе, «Яңа Гасыр» телерадиокомпаниясе генераль директоры, ТР Дәүләт Советы депутаты Илшат Әминов фикеренчә, яңа квалификация таләпләрен, заманча журналистның һөнәри стандартларын формалаштырырга тырышырга кирәк. Бу хакта ул Татарстан Журналистлар берлегенең XXI съездында сөйләде.

Чечня башлыгының өлкән улы Әхмәт Кадыров республиканың физик культура һәм спорт министры итеп билгеләнде. Бу хакта РИА Новости яза.

ТР Журналистлар берлеге рәисе, «Яңа Гасыр» телерадиокомпаниясе генераль директоры, Татарстан Дәүләт Советы депутаты Илшат Әминов хәзерге тормышның журналистлар кулында булуын әйтте. «Вакыйга без язгач, сөйләгәч кенә булган дип исәпләнә», – диде ул журналистика һәм массмедиа өлкәсендә «Бәллүр каләм» XXVII республика конкурсына йомгак ясау бәйрәмендә.

Татарстанда климат буенча җәй 26-27 майда килергә тиеш. Бу хакта Казан федераль университеты профессоры Юрий Переведенцев белдерде, дип яза «Челнинские известия».

Татарстан Журналистлар берлеге рәисе, «Яңа Гасыр» телерадиокомпаниясе генераль директоры, ТР Дәүләт Советы депутаты Илшат Әминов «Татмедиа»да Татарстан Журналистлар берлегенең XXI съездында катнашты. Ул журналистларының уртача хезмәт хакы төбәк буенча уртача күрсәткечтән ким булмавын теләвен әйтте.

ТР Премьер-министр урынбасары Ләйлә Фазлыева журналистика һәм массмедиа өлкәсендә «Бәллүр каләм» XXVII республика конкурсына йомгак ясаганда журналистларны һөнәри бәйрәмнәре белән котлады. «Татарстан Рәисе Рөстәм Миңнеханов исеменнән сезгә хезмәтегез, республика казанышларын яктыртуыгыз өчен рәхмәт белдерәм», – диде ул.

2024 елда Казан мәктәпләренең 11нчы сыйныфны тәмамлаучы 5,8 мең укучысы өчен соңгы кыңгырау яңгыраячак. Быел 9нчы сыйныфны 14 мең укучы тәмамлый. Бу хакта Татарстан башкаласы мэриясенең матбугат хезмәте хәбәр итә.

ЛДПР фракциясе депутатлары, партия лидеры Леонид Слуцкий җитәкчелегендә, эш бирүчеләргә хезмәткәрләрне сезонлы аллергия чорында читтән торып эшләргә күчерергә тәкъдим иттеләр. Бу закон проекты Дәүләт Думасына кертелде.

Бүген журналистика һәм массмедиа өлкәсендә «Бәллүр каләм» XXVII республика конкурсы лауреатлары билгеле булды. Бәйрәмдә хәрби хәрәкәтләрдә һәлак булган журналистларны бер минутлык тынлык белән искә алдылар. Бу фикерне «Һөнәрдә иң яхшысы» номинациясендә җиңүчеләрне бүләкләгән Россия Герое Рәсим Баксиков белдерде.

Татарстан Журналистлар берлеге рәисе, «Яңа Гасыр» телерадиокомпаниясе генераль директоры, ТР Дәүләт Советы депутаты Илшат Әминов Россия һәм халыкара дәрәҗәдә ярышу мөмкинлеге булган видеоконтент җитештерү булдыру кирәклеген әйтте. Бу хакта ул Татарстан Журналистлар берлегенең XXI съездында сөйләде.

Журналистика һәм массмедиа өлкәсендә «Бәллүр каләм» XXVII республика конкурсының Гран-при иясе билгеле булды. Ул – «Ватаным Татарстан» газетасы журналисты Риман Гыйлемханов.

Конкурс номинацияләрендә җиңүчеләр дипломнар, «Бәллүр каләм» статуэткалары һәм акчалата премияләр белән бүләкләнде.

Татарстан Журналистлар берлеге рәисе, «Яңа Гасыр» телерадиокомпаниясе генераль директоры, Татарстан Республикасы Дәүләт Советы депутаты Илшат Әминов «Татмедиа»да Татарстан Журналистлар берлегенең ХXI съездында журналистлар эшенә заманча технологияләрнең һәм тенденцияләрнең йогынтысын анализлады.

Россия Президенты Владимир Путин белдергәнчә, махсус хәрби операциядә катнашучылар, тугры, җаваплы һәм белемле кешеләр җитәкче вазифаларга күтәрелергә тиеш. Хәзер бу максат белән илдә «Геройлар вакыты» проекты гамәлгә ашырыла, әмма бу әлеге юнәлештә беренче адым гына, дип белдерде Россия Президенты Владимир Путин Калмыкия башлыгы Бату Хасиков белән очрашуда.

Татарстанда майның өченче декадасында уртача һава температурасы климатик нормадан 3 градуска түбән булачак. Бу турыда Татарстан Гидрометеорология һәм әйләнә-тирә мохитне күзәтү үзәге матбугат хезмәте белдерде.

Татарстанда беренче тапкыр Муниципаль инвестиция форумы узачак. Чараның эшлекле программасы 24 майдан 25 майга кадәр була. Форум үзе 23 майда башлана. Бу хакта Инвестицияләр һәм үсеш агентлыклары милли ассоциациясе хәбәр итә.

КФУның Милли һәм глобаль медиа чаралары кафедрасы мөдире, профессор Васил Гарифуллин быел журналистика юнәлешенә җиде бюджет урыны бүлеп бирелгәнлеген әйтте. Бу хакта ул «Татмедиа»да Татарстан Журналистлар берлегенең ХXI съездында сөйләде.

Татарстан мәгариф һәм фән министры Илсур Һадиуллин киләчәктә Бердәм дәүләт имтиханы (БДИ) процедурасында үзгәрешләр булачагын кире какмады. Бу хакта ул Татарстан Министрлар Кабинетында брифингта белдерде, дип яза «Татар-информ» хәбәрчесе Надежда Гордеева.

«Татмедиа»да Татарстан Журналистлар берлегенең ХXI съездында КФУның Милли һәм глобаль медиа чаралары кафедрасы мөдире, профессор Васил Гарифуллин катнашты. Ул Татарстан Хөкүмәтеннән журналист кадрлар әзерләүне финанслау белән бәйле озак елларга исәпләнгән максатчан программа булдыруны сорап мөрәҗәгать итте.

Татарстанда 2024 елның I кварталында минималь куллану бюджеты 23381 сум тәшкил итә. Әлеге карарны Татарстан Премьер-министры Алексей Песошин имзалады.

Бүген Татарстан матбугаты көненә багышылап «Татмедиа»да оештырылган бәйрәмдә журналистика ветераннары хис-кичерешләре белән уртаклашты.

«Татар-информ»га билгеле булганча, журналист Лика Исаева белән хушлашу мәрасиме пәнҗешәмбе көнне, 23 майда, Казанда Бертуган Батталовлар урамындагы 16нчы йортта «Наташа» хосписында була. Җеназа уку 11.00 сәгатьтә башлана.