Миңнеханов Мәскәүдә Бәһрәйн короле белән очрашты
Татарстан Рәисе Рөстәм Миңнеханов Мәскәүдә Бәһрәйн короле Хәмад бен Исә Әл Халифә белән очрашты, ул бүген Россиягә Президент Владимир Путин чакыруы буенча эш сәфәре белән килде. Бу хакта ТР Рәисенең матбугат хезмәте җитәкчесе Лилия Галимова хәбәр итә.
«Россия Федерациясе Бәһрәйн белән хезмәттәшлеккә зур әһәмият бирә. Безнең ил корольлекне Якын көнчыгыш төбәгендә мөһим сәүдә-икътисади һәм инвестицион партнер итеп күрә», - диде очрашу башында ук Миңнеханов.
Ул шулай ук кунакка Татарстанда узган KazanForumда Бәһрәйн делегациясенең катнашуы өчен рәхмәт белдерде һәм корольлек гаиләсе әгъзасы Шәйх Хамад бән Ибраһим Әл Халифәнең чарага керткән хезмәтен билгеләп үтте.
Соңгы сәфәрләр нәтиҗәләре буенча 2023 елда Бәһрәйн белән Татарстан арасында товар әйләнеше 30 тапкыр — 450 мең долларга кадәр артты. Яклар бу санны аз дип һәм Бәһрәйнгә җибәрергә мөмкин булган продукция номенклатурасы бик киң була ала дип саный.
Рөстәм Миңнеханов Бәһрәйн компанияләренә Татарстанда инвестицион проектларда катнашырга тәкъдим итте.
Бәһрәйн короле Президент Владимир Путин чакыруы буенча Россиядә булуына шат икәнлеген әйтте, шулай ук киләсе сәфәрендә Казанга килергә теләге барлыгын белдерде.