Арвеладзе янги клуби учун дастлабки харидни амалга оширгани айтилмоқда — Бизга қўшилинг: ???? https://t.me/joinchat/AAAAADwt0NGCRoONT4f1_Q
“Халл Сити” клубида иш бошлаган Шота Арвеладзе янги жамоаси учун дастлабки харидни амалга оширгани айтилмоқда. Гарчи клуб ҳали бу ҳақида расмий маълумот бермаган бўлса-да, лекин Туркияда фаолият кўрсатаётган таниқли агентлардан бири Кова Тилавпур мазкур трансфер хусусида маълум қилди. Эронлик ҳужумчи 21 ёшли Аллахёр Сайидманеш “Халл Сити” билан шартнома имзолади. У Туркиянинг “Фенербахче” клубига тегишли эди. Англия клуби эса ҳужумчини сотиб олгани айтилмоқда. Трансфер суммаси тахминан 3 миллион евро атрофида. Сайидманеш Эроннинг “Истиқлол” жамоасида фаолият олиб борган. 2019 йили эса “Фенербахче” клубига кўчиб ўтди ва ушбу жамоада тўп сурди. Кейинчалик ижара асосида “Истанбулспор” ва Украинанинг “Зарья” клубларида ўйнади. Қолаверса, у Эрон миллий терма жамоаси аъзоси ҳисобланади.