Новости за 12.05.2019

Ԥхынгәы 21, 2019 шықәсазы Аԥсны имҩаԥысраны иҟоуп Ахада иалхрақәа. Ишԥазыҟоу уи ҳтәылауаа, гәыӷрақәас мамзаргьы гәрамгарас ари ахҭыс иадырҳәалои? Абарҭқәа уҳәа рзы лгәаанагара ҳамалдоит Sputnik аколумнист Елеонора Коӷониаԥҳа.

Атуристтә сезон ҿыци атранспорттә мҩақәеи захьӡу азҵаатәы иалацәажәон арадио Sputniк Аԥсны адырраҭара "Коӷониаԥҳа лымҩаду" аҿы. Атранспорттә фирма "А-Такси" ахада Елла Хьециаԥҳа илҳәеит амашьынарныҟәцаҩцәеи, иара убас урҭ ирымоу апассаџьыртә транспорти хылаԥшра шарҭо атәы.

Донецктәи жәлар рреспублика хәышықәса ахыҵра иадҳәалоу агәырӷьаратә усмҩаԥгатәқәа рылахәразы уахь инеит 17 тәылак рҟынтәи асасцәа.

Иахьа, лаҵара 12 рзы Аԥсны жәлар рпоет Баграт Шьынқәба диижьҭеи 102 шықәса ҵит. Ашәҟәыҩҩы аԥсуа литератураҿ адагьы, Кавказ жәлар рлитератураҿы, иара иааидкыланы адунеитә литератураҿы хәы змаӡам алагала ҟаиҵеит.

Атуристтә сезон ҿыци атранспорттә мҩақәеи захьӡу азҵаатәы иалацәажәон арадио Sputniк Аԥсны адырраҭара "Коӷониаԥҳа лымҩаду" аҿы. Аҳәынҭқарратә усбарҭа ахада Рабсҭан Габлиа иҳәеит агәаҭарҭатә ҭыԥ "Ԥсоу" аҿы атуристтә аамҭазы иҟоу агәаранқәа ирызкны Урыстәыла рколлегацәеи дареи имҩаԥырго аиҿцәажәарақәа ртәы.

Лаҵара 11 рзы Очамчыра имҩаԥысит "Ochamchira Run-2019" захьӡу аҩрази дуатлон ази аиԥхныҩлара.

Аԥсуаа жәытә аахыс ирылан аҩнра ицаз аҭыԥҳа аӡатә лзынашьҭра атрадициа. Уи амҩаԥгашьа уаанӡатәи аформеи иахьатәи аҭагылазаашьеи ртәы дазааҭгылоит Sputnik аколумнист, Нарҭдырреи адәынтәи афольклорҭҵаареи рцентр аҭҵаарадырратә усзуҩ Есма Ҭодуаԥҳа.

Ҳара ҳазнысхьоу ҳҭоурых мҩаду, ҳԥышәа иаҳнарҵахьеит - аԥсуа ҳәынҭқарра баагәарас иамоу – иара зыхьчо бџьарла еиқәныху ажәлар роуп. Аха уи абџьар аныҟәгашьеи ахархәашьеи ахатә ԥҟарақәа ирықәныҟәатәуп. Абри иазкуп Аԥсуаҭҵааратә институт аетнологиеи антропологиеи рыҟәша аҭҵаарадырратә усзуҩ, ААУ адоцент Марина Барцыцԥҳа иахьатәи лматериал.