Новости за 20.12.2017

Iамеркан Цхьанатоьхначу Штатийн финансийн министралло санкцийн "Магнитскийн тептаре" ваьккхина Нохчийчоьнан куьйгалхо Кадыров Рамзан. "Кхел йоцуш нах хIаллакбарна а, адамийн бакъонаш хьешарна а, къоманна тIехь къизаллаш лелорна" аьлла, билгалдаьккхина министраллехь. "Адамаш дарна а, кхел йоцуш нах хIаллакбарна юкъара йолу администраци Кадыровс, ша урхалхо хиларе терра,  Iуналлехь латтош ю. Кадыровн омраца вийна ву цуьнан политикан цхьа оппонент, цо Нохчийчохь долчу хьолах ма-дарра дийцар бахьана долуш", яздо пресс-релиз тIехь. Читать дальше...

Бутт гергга хан хьалха Нохчийчоьнан чоьхьарчу гIуллакхийн министраллан Соьлж-ГIаларчу полисхойн урхаллан ханна декхарш кхочушдан хIоттийначу Кадыров Хас-Мохьмадан хIинцале а полицин лахара лейтенант чин ду. Чоьхьарчу гIуллакхийн миниcтраллан официалан сайтехь бу и хаам. Оцу хаамаша гойту Кадыровн куьйгакIел масех полковник а, подполковник а, майор а, капитан а, кхин а полицин лаккхарчу даржашкара нах хилар. Соьлж-ГIалин полисхойн хьалхо хьаькам лаьттина Висмурадов Абушайх полковникан даржехь вара. Читать дальше...

Дахначу кIирандийнахь къаьркъа оьцуш лаьцна ши стаг дIахецна аьлла, яздо "Кавказан узел" агенталло. Ницкъаллийн структурийн белхахоша информаци тIе ца чIагIйина. Бутт карабеачхьана Соьлж-ГIаларчу туьканашкахь, "Лента" супермаркетехь а цхьана дихкинера маларш дохкар. КIиран Iуьйранна "Лента" олучу туьканара масех къаьркъан шиша а эцна араволучу хенахь, лаьцна дIавигинера полисхоша ши стаг аьлла, дийцина "Кавказан узел" агенталле махкарчу Мурад цIе йолчу вахархочо. "Эца магийначу сахьташ юкъахь эцна доллушехь и къаьркъа, лаьцнера и шиъ. Читать дальше...

Германерчу ZAZA цIе йолчу зорбанехь араяьлла вевзаш волчу нохчийн поэтан Юсупов Iилманан рогIера байтийн гулар. "Ден дош" цIе йолчу цу гуларехь арахецна поэто ша оьрсийн маттахь язйина а, нохчийн маттера ша оьрсийн матте гочйина а стихаш. Тайп-тайпанчу шерашкахь язйина йолу кхо бIе сов байт ю керлачу киншки тIехь ешархойн тидаме йиллина. Юсупов Iилман нохчийн уггаре а вевзачарех цхьа поэт ву.  Цуьнан хIинцалц схьа ненан маттахь пхиъ поэзин гулар араяьлла. Иштта кхечу поэташца цхьаьна арахецначу... Читать дальше...

Соьлж-гIалахь цхьанакхетар хилла нохчийн омбудсменан Нухажиев Нурдин Оьрсийчуьрчу Швейцарин миссин куьйгалхочун гIовсаца Францен Патрикца а, оцу пахьалкхан векалтан лакхарчу хьехамчаца Кольде-Коровиной Доротеяца а. Дакъалоцуш хилла вовшахкхетарехь ишта мехкан куьйгалхочун кхеташонан хьаькам Алиев Тимур а, ЧимарзаевгIеран доьзалан хьалхара стаг - Чимарзаев Насруди а. Нохчийчуьра вахархо Чимарзаев Мохьмад-Эми шен доьзалца Швейцарехь веха дуккха а зама хилла. Кху аьхка цуьнан хIусамнана Тайсумова... Читать дальше...

Соьлж-ГIаларчу "Олимпийск" спорткомплексехь Ерриг Оьрсийчоьнан  охьатохаран турнир ю дIахьош гоьваьллачу спортхочун Вараев Iадлан дагалацарца вовшахтоьхна. Дакъалаца гулбелла къовсадаларшкахь Москохара а, Петарбухара а, Краснодарера а, Ставрополера а, Дагестанера а, ГIалгIайчуьра а, ХIиричуьра а, ГIебарт-Балкхаройчуьра а, Кхарачойн-Чергазичуьра а, Казахстанера а, Эрмалойчуьра а, иштта кхечу а пачхьалкхашкара латархой. Вараев Iадлан 1988 шарахь Сеулехь олимпан ловзаршкахь детин призер а ваьлла, Европан, дуьненан чемпион вара. Читать дальше...

Телефонехула терроризм кхийкхорна кхаа шарера итт шаре кхаччалц набахтехь яккха хенаш тухуш низаман проект тIеэцна Оьрсийчоьнан Думано, хаамбо Интерфаксо. Карарчу хенахь террорах харц хаамбечарна 5 шаре кхаччалц ю тоха магийна хан. Нагахь санна, хулиганалла лелочу наха эккхийтар ду кечдеш, я цIе тосуш ю аьлла, адамна зен хуьлучу кепехь телефон тохахь 200 эзар соьма тIера 500 эзаре кхаччалц гIуда кхачор ду я белхаш бан безар бу кхаа шаре гергга. Оцу барамашца маршонех воккхур вац зуламхо. Социалан инфраструктуран объекташкахь... Читать дальше...

Сатуев Хьусайн Асар дац со Готтачу гIуна чохь санна, Дуьненчохь со вуьсу, бIарзлой. Дагахь а ца хилларг данне - Лам, хаьрций, некха тIе базло. Я кхерах Iинах со тотту, Некъана боцца зил тухуш, Сан кхел еш, соьга ца хотту-  ДIашарво, чурт а ца дугIуш. ЦIе тосу мискачу цIенна, Соь тIитI дIа ма ала бохуш. Со хIунда кхоьллина, стенна, Сайн кхерчан да хила воцуш? Со-м веъна варий кха аха, Мацах да ваьхначу лома, Техкадеш цхьа къохка ага, Доьзалаш кхиабан хьоме. Латта ас назманах оху, Сайн деган хIу тосуш бIаьста. Читать дальше...

Сатуев Хьусайн Ца йирзина чевнаш Iаьржа денош генадевли. Ерза кхии мехкан чевнаш. Йирзи туьро, тоьпо йинарш, Дагна йинарш ма ца йирзи. Дуьне мел ду баржабина, ХIаллак хилла доьзалш бисна. Нана лоьхуш, бераш доьлху, Бераш лоьхуш, нана йоьлху. Нанас берех дог ца дуьллу, Уьш набарах дуьхьалтуьйсу, ТIеман денош гена дийларх, Ненан даг чохь тIом ца тийна. Нана лоьхуш, бераш доьлху,  Бераш лоьхуш, нана йоьлху. ДогIмийн чевнаш ерза кхиъна, Дегнийн чевнаш лаза йисна...

Сатуев Хьусайн Мама дIаяхна Цхьа жима йоI яра кетIахь Воьдург а, вогIург а сецош. Хьаьнгга а олура:" ХIей таг! Тхан мама... мама дIаяхна." - ДIаяхна-а? - тидаме волуш, Дог духуш, ас леци дакъа. - Яхийта, яхийта! - бохуш, Мама дIаяхийти дадас. - ХIан-хIа, и-м хир даций иштта, Мама цIайогIур ю кеста, - Олуш, со дIавоьду сихха, Цу йоьIан къа-бала кхетта. Шен деган цуьргана Iеткъа И боккха бала дIабоькъуш, Жима йоI лаьттара кетIахь, Дуьне а орцане доьхуш. Шо-шераш замано даьхьна... Читать дальше...

Иласхан-Юьртара божарий сийсазбеш социалан машанакахула къамелаш дина Шелковскерчу кхиахой схьа а гулбина, царех цхьанна полисхочо еттарх кху беттан 13-чу дийнахь "Кавказ.Реалии" сайто бина хаам талла болийна Талламан комитето. Маршо Радионо шен сайтехь зорбане яьккхинера полисхочо барт а хоттуш, кхиазхочунна етташ видео.

Кутаев Руслан набахтера араваьлла 4 шой, 10 буттий хан а яьккхина. Цуьнан гергарнаш, доттагIий, юьртахой бевза-безарш дуьхьал баханера цунна. "Кхи дIа хIун Iалашо ю хьан?" аьлла шега деллачу хаттарна, "Ваха дагахь ву" аьлла, жоп делира Руслана.