Новости за 25.12.2017

Оьрсийчоьнан Пачхьалкхан Думан депутаташ а, Роскомнадзоран векалш а кехат хьажо дагахь бу Кадыров Рамзанан Facebook-ехь а, Instagram-ехь йолу агIонаш дIакъовлар бахьана долуш. Цунах лаьцна хаам бина Думан информацехула йолчу комтетан куьйгалхочо Левин Леонида.   Нагахь гергарчу хенахь Кадыровн социалан машанашкарчу агIонашна блок хIотторан бахьана ца къастахь, шаьш цига официалан кепара кехаташ хьажор ду боху цо. Нохчийчоьнан куьйгалхочун Кадыров Рамзанан Инстаграмера аккаунтна блок хIоттийначул... Читать дальше...

Москох  "Славянский бульвар" метрон станцехь лаьттан бухара урамах дехьаволийлана чукхетта автобус.  И бахьана долуш вийна 5 стаг, 15 стаг лазийна ву.   "Интерфаксо" бинчу хаамца, автобус, гIашлойн некъа тIе а яьлла, тIекхетта адамашна. Цул тIаьхьа иза чуяхана лаьттан бухара урамах дехьаволийлана. ТАСС агенталло дийцарехь, иза хилла некъахойн автобус. Цунна урхалла деш хилла стаг лаьцна ву.

Истанбулехь вийна 36 шо долу Гуьржийчоьнан вахархо Алханишвили Давид, криминалан гонашкахь Панкисера Дато санна вевзаш волу, хаам бо  "Рrimecrime" агенталло. Цунна герз диттина муьлш бу ца хуучу наха, цу гIалахь цхьана ресторанехь. Агенталло дийцарехь, Алханишвили уьйраш йолуш вара криминарлан гонашкахь. Цхьана версица иза верна куьгбехке хила мега криминалан авторитет волчу Калашов Захарийн (Молодой Шакро) уллера нах.

Нахалахь "жужжалка" (зуз дон) олу, "УВБ-76" радиостанци лекъна ГIура-беттан 24-чу сарахь. Цунах лаьцна хаам бина ВКонтакте-рчу цу радионна хьажийначу агIонане язбеллачу радиоезархоша. "УВБ-76" тулгIенашна тIехь царна ца хезна и станци болх беш хилар билгало йолу сигнал. КIирандийнахь, Москох хенаца сарахь 9 сахьт долуш, цу радиостанцин тулгIенашна тIехь цхьаммо оьрсийн маттахь реп лакхийтина, цул тIаьхьа масийтта минот яьлча "Сий хуьлда Украинин" бохуш мохьбиттина, яздо TJournal-о. Карарчу хенахь радиостанци лекъна ю... Читать дальше...

Деношкахь Литуван Сеймо а, Iедалан, махкарчу партийн куьйгалхоша а Вильнюсехь тIеийцира Европехь тховкIело йолчу Нохчийн Республикан Ичкерин куьйгалхойн тоба. Сеймехь а, пачхьалкхан кхийолчу урхаллашкахь къамелаш хилира Ичкерин минстрийн кабинетан куьйгалхочун Закаев Ахьмадан.

НАТО-н куьйгалхоша шаьш саготта хилар хаийтина, хIорда бухула лелачу Оьрсийчоьнан флото, "шийла тIом" дIабирзинчул тIаьхьа ца хиллачу кепара, Атлантикехь а, Лаьттаюккъерчу хIорда чохь а жигаралла гойтуш хиларна. НАТО-н инарлин секретаро Столтенберг Йенса кIирандийнахь немцойн жрналистана хаам бина, 2014-чу шарахь дуьйна Оьрсийчоьнан тIеман хIордан ницкъаш хаъала чIагIбина, хIорда бухула лела 13 керла кема а дина. Шен агIор НАТО-н тIеман хIорда бухула лелачу ницкъийн буьйранчо вице-адмирало Леннон Эндрюс... Читать дальше...

Нохчийчоьнан куьйгалхочо Кадыров Рамзана дIахьедар дина, Нохчийчохь теракташ ян кечбелла тIемалой бу аьлла, хаам бо news.vse42.ru сайто. Цо дийцарехь, террорхой Гуьржийчу кхаьчна, амма Iедалш кийча ду уьш далаца. Кадыровс чIагIдарехь, ницкъаллин структураша шайн Iуналлех латтош ду дерриг а, цара йойтур яц теракташ. Нагахь уьш дIакхачахь (Нохчийчу), цара баккъалла а зулам дийр ду, теракт йийр ю. Цундела шайна хьалхе дуьйна хаа деза уьш мичахь бу а, хIун деш бу а, бохуш дийцина Кадыров Рамзана.

Нохчийчуьра а, Дагестанера а джиперш (ницкъалчу машенийн дай) Соьлж-ГIалахь вовшах а кхетта, бахара шерачу аренна 2000 метр тIехула йолчу ТIерлойн лаьмнашкарчу НикIара. 1944-чу шарахь, вайнах махках баххарх, дIатесначу битинчу дайн кхерчех синна кхача ийцира экспедицино.