Новости за 27.12.2017

Шайх Арсанов Дени вийна 100 шо кхачар билгалдоккхуш гуламаш дIабаьхьна Нохчийчохь. Дуккха а нах гулбеллера кхаарин дийнахь Хьалха-Мартанахь цуьнан зияртехь. Соьлж-ГIала чуволлучохь БухIан-юртахь а, Теркйистерчу Галнехь а цхьаьнакхетарш дIадаьхьира шейх дагалоцуш. Мовладаш йийшира, доIанаш а дира.   Шайх Арсанов Дени вийна 1917 шарахь ГIура-беттан 27-чу дийнахь, Соьлж-ГIалин йистехь гIалгIазкхийн а, оьрсийн эскархойн а баьччанашца а цхьаьна а кхетта цIавоьдуш. Кхаа баттахь латтийна цуьнан а, цуьнца... Читать дальше...

Facebook социалан машано дIахьедар дина, Нохчийчоьнан куьйгалхочуьнан Кадыров Рамзанан аккаунт болх бечура сацийна, Iамеркан финансийн министралло кхайкхийна санкцеш бахьана долуш аьлла. Цунах лаьцна хаам бина ВВС-н Оьрсийн сервисо. Шайна хиина, шаьш иза тIе а чIагIдо, аккаунт Iамерко кхайкхийначу санкцешна кIеллахь волчу стага, я цуьнан цIарах лелош хилар. Цуьнца доьзна, Facebook жоьпаллехь ю цу тайпа аккаунташ болх бечура дIаяха, аьлла Facebook-ан зорбанан сервисо, яздо ББС-н Оьрсийн сервисо.

Тахана Iуьйранна, йохон гIерташ санна, неIтуьйхира со чохь вехачу петаран. Iуьйранна бархI сахьт далале хан яра иза. Чуьра бераш а кхераделла, дIатебира, шайн юргIанаш кIел а дуьйлуш. ОьгIазвахана, цара ма-тоххара, буьрса неI схьайиллира ас а, хIун хилла, тIом-м ца баьлла вайна, аьлла.  "Ваша, тIом тахана дуьйна болалуш бу-кх, хьайн паспорт гайтахь", - аьлла, шен маса топ белшаш тIехь дIанисйира герзхочо. Паспорт юха схьа а кховдийна, хаьттира цхьа а шеко йолуш лулахой буй кхузахь, аьлла. Бац дера... Читать дальше...

Украино а, Донбассера йозуш йоцуш ю шаьш аьлла дIакхайкхийнчу ДНР а, ЛНР а шина республико хуьйцуш бу йийсаре лецна нах, хаам бо Интерфаксо. Маршо Радион корреспонденто дийцарехь, йийсархой хуьйцуш бу Донецкан кIоштан Горловка олучу эвлан йистехь. Украина дIавала дагахь ю 306 стаг. Царна дуьхьал лур ву сепаратисташа лецна 74 украинахойн йийсархо. Дийцарехь, 10 сов стаг реза ца хилла Украинера дIаваха. Хийцар дIадирзича украинахой беркеманашца дIабуьгур бу Харкиве. Цигахь уьш цхьаьнакхетар бу президентца Порошенко Петроца. Читать дальше...

2018-чу шарахь президентан харжамашкахь дакъалаца дагахь Оьрсийчоьнан коьртачу харжамийн комиссе кехаташ чуделла президенто Путин Владимира. Цунах лаьцна хаам бина Оьрсийчоьнан хаамийн агенталлаша. ЦИК-ан белхахоша протоколана тIе куьйгаш таIийна, документаш схьаоьцуш, хаам бина ТАСС агенталло. Официалан кепара Путин хьалхататтар хилира де хьалха Москох ВДНХ-ан павильонехь. Iедалхой боцурш, цу форумехь дакъалоцуш бара културан а, спортан а, шоу-бизнесан а векалш. Ша Путин цу гуламехь вацара. Путинан 65 шо ду. Читать дальше...

Нохчийчохь хьалхара тIом боьдуш кхечу берашца цхьаьна, карахь кехаташ а доцуш, Соьлж-ГIалара Дагестане дIайигина хилла 5 шо долу Ибрагимова Хьава. Ши де хьалха, ГIура-беттан 25-чу дийнахь, шен нана йолчу цIайирзина иза. Цу хеначохь заьIапхо йолу жима зуда Буйнакскерчу интернатехь ехаш хилла. Иза хьена ю хиина, ДНК-экспертиза бахьана долуш. Ибрагимова Хьава Нохчийчу цIаерзарх лаьцна хаам бина Нохчийчуьрчу чоьхьарчу гIуллакхийн министраллехь, яздо "Кавказский узело".

ПIаьнгазахь ГIура-беттан 26-чохь дIаяьхьначу лерринчу операцин жамIаш довзийтина Гуьржийчоьнан пачхьалкхан кхерамазаллин сервисо. Цуьнан векалша дийцарехь, Чатаев Ахьмадана гIо дина аьлла бехке а вина, дIалаьцна 5 стаг. Уьш бу цу чIожера бахархой Горнакашвили Зураб, Алдамов Руслан, Маргошвили Рамаз, Чопанашвили Бадур, Мачаликашвили Темирлан. Гуьржийчоьнан ницкъаллин структурийн векалша чIагIдарехь, цу наха гIо дина Чатаевна, Марадиди эвлана гергахь долу доза а хадийна, Туркойчьура Гуьржийчу кхача а, Тбилисехь чохь ваха петар лаца а. Читать дальше...

ГIалгIайчуьрчу вахархочо Угурчиев Руслана латкъам бина, ГIалгIайчуьрчу чоьхьарчу гIуллакхийн министраллан экстремизмаца къийсам латточу декъехь къиза хьийзийна ша аьлла. Цо дийцарехь, цунна дуьхьал бехктакхаман гIуллакх долийна полисхоша, бакъо а йоцуш, герз лелийна аьлла. Цунах лаьцна шинарин дийнахь хаам бина "Мемориал" центро. 37-шо долчу Угурчиевс гIо дехна "Мемориале" ши кIира гергга хьалха. Цо дийцарехь, Чиллан-баттахь Несарахь герзхоша цуьнан хIусаме кхоьссина тапча. ЦIийнах хьаьжча царна иза кара а йина. Читать дальше...