Новости за 04.03.2021

Европан молханийн агенталло экспертиза йолийна Оьрсийчоьнан коронавирусан "Спутник V" вакцина зуьйш, боху оцу агенталлин сайта тIехь. Сихаллин кепехь дIахьош ду зераш, нагахь санна вакцина эвсаре хилар карадахь, иза Европан Бертан пачхьалкхашкахь йохка йолорхьама. “Спутник” Европан эвсараллин, кхерамзаллин, башхаллийн стандарташца толлур ю, боху хаамо. Хьахош дац, мел хан оьшу зераш дIадахьа, амма билгалдоккху, уьш чехкаллица деш хиларна, даимачул сиха чекхдевриг хилар. Европан Бертан Iедална... Читать дальше...

Хьалхо Къилбаседа ХIирийчуьра блогер Джикаева Малика наркотикаш лелорна кхаа шарна набахте хьажош бина сацам хийцам боцуш битина Нохчийчоьнан Лакхарчу кхело. Юьхьанцарчу кхело кхайкхинчу тIаIзарца а догIуш, изолятлорера набахте кхачор ю Джикаева. 19 бутт хан ю цунна такха йисинарг, яздо "КП-Ставрополь" газето. Газетин хаттарна жоп деллачу Джикаеван адвоката Бедоева Инарас хаийтина шаьш сацамна ПхьоьалгIачу кассацин кхеле арздан дагахь хиларх лаьцна. Джикаева Малика лецира Соьлжа-ГIалахь 2020 шеран Зазадоккху-беттан 9-чу дийнахь. Читать дальше...

Пригожин волу меттиг ша юьйцу, цунах кхайкхийна $250 000 шена схьало, боху Кадыровс; Муфтийна Хамхоев Iийсана тоьхна гIуда тIечIагIдина ГIалгIайчоьнан Лакхарчу кхело; Ессентукерчу "гIалгIайн девнехь" лебина эшам хилларш а, тешаш а

Оьрсийчоьнан юстицин министралло "арахьарчу агентийн" статусе язйина "Лоьрийн Альянс". Медицинан белхахошна гIо латтош йолу, йозуш йоцу профсоюз ю иза.  ХIун хийцалур ду хIинца "Альянсан" балхаца аьлла, цуьнан куьйгалхочуьнга Васильева Анастасияга хаьттира Настоящее Время телеканалан корреспонденто. 2018-чу шарахь лоьрийн а, медицинан белхахойн а гIоьнца вовшахтоьхна ю "Лоьрийн Альянс" профсоюз. 30 сов регионалан дакъа ду цуьнан. Вовшахтохараллан коьртехь ю, Навальный Алексейн лор Васильева Анастасия. Читать дальше...

“Терроран тохар“ хила тарло Швецерчу Ветланда гIаларчу бахархошна дина тIелатар, аьлла хета пачхьалкхарчу полицина.

ТIаьххьарчу дийнахь-буса Къилбаседа Кавказехь коронавирус кхетта хилар билгалдаьллачу пациентех велла 29, цомгуш хилла уьнах кхин а 510 стаг. Оьрсийчоьнан уьнна дуьхьалоечу оперативан штабан хаамца, Краснодар-махкахь кхелхина COVID-19 цамгар йолу 14 дархо, Дагестанехь – 6, Ставропол-махкахь – 5, ГIебарта-Балкхаройчохь – 2, ГIалмакхойчохь а, Адыгейхь а – цхьацца. Пандеми йолаелчхьана Къилбаседа Кавказехь уьнах велла лору 7953 стаг. Уггаре дукха нах бу, официалан терахьашца, дийнахь-буса коронавирус кхетта Краснодар-махкахь – 145 стаг. Читать дальше...

ГIалгIайчохь 2019-чу шарахь леллачу протестан лидерийн Есссентуки гIалахь хоттучу девнехь левина бехктIебахьархойн агIор ши теш а, эшамхиллачех цхьа стаг а. Адвокаташна хетарехь, прокурорийн верси тIе ца чIагIйина цара динчу тоьшаллаша. Зазадоккху-беттан 3-чохь левинчу цхьамма бохура ша шеггара хилла "политолог" ву, ша "теллина ГIалгIайчуьра социалан-политикан хьал". Цунах лаьцна дийцира Кавказ.Реалиига кхеле озийначу Ужахов Малсаган адвоката Куриев Мохьмада. И стаг, лебинчех кхиберш а санна... Читать дальше...

ГIалгIайчоьнан Лакхарчу кхело хийцам боцуш битина, магийна а доцуш, гулам хIотторна мехкан муфтийна Хамхоев Iийсана лахарчу кхело I0 эзар сом гIуда кхайкхош бина хилла сацам. Кхелехула шо хьалха дIакъевлина лоручу ГIалгIайчоьнан муфтиятехь 2020 шеран Лахьан-баттахь кхеташо дIаяхьарна туьйхира Хамхоевна гIуда. Низамо ца магадо дIакъевлина ларалучу цхьаьнакхетараллехь барамаш хIитто. Хамхоев Iисан адвоката Оздоев Мохьмад-Басира дицарехь, 15 минотал сов ца лаьттина буьйцу гулам. Бехк тIекховдийнарг ву Несарарчу полицин белхахо ... Читать дальше...

Нохчийчоьнан куьйгалхочо Кадыров Рамзана яздина шен твиттер-каналехь, шена хаьа Оьрсийчуьра совдегар Пригожин Евгений волу меттиг, аьлла, гайтина ша цуьнца шен Соьлжа-ГIаларчу резиденцехь даьккхина сурт. Бегаш беш, Американ Штатийн Iедало Пригожинах йолчу информацех дала кхайкхийна 250 эзар доллар дIадехна цо ФБР-е, яздо "Настоящее время" проекто. "Оццул комаьрша кхаъ схьа ца эцча нийса хир дац, цундела ас официалехь дIахьедо: Пригожин Соьлжа-ГIалахь, со волчохь, хьошалгIахь ву. Сайн гражданан декхар кхочушдан болчу лаамца... Читать дальше...

Маск Илонан SpaceX компанин Starship космосан кеманан прототип иккхина кхиаме охьахиинчул тIаьхьа 10 минот яьлча. Цул хьалха из зер дIахьуш стигала делира 10 километр гергга. SpaceX компанина цу кепара дуьхььара аьтто баьлла кема кхиаме охьахаъо. Видеона тIехь гуш ду космосан кеман цхьа дакъа дага долалуш иза охьахууш. Кхин а месех минот яьлча иза иккхина. Цуьнга хьажна доцуш, SpaceX реза ю шаьш кема зуьш бинчу балхана. И компани кхоьллиначу Маск Илона твиттерехь яздина, Starship охьахиира цхьа а хилла зен доцуш аьлла. Читать дальше...