Новости за 16.03.2021

2021-чу шеран Зазадоккху-беттан 10-чу дийнахь "гIалгIайн протестан" лидерех лору Саутиева Зарифа изоляторера цIахь латточу хьоле яьккхира Ессентуки гIалахь дов хоттучу Кисловодскан кхело. Амма прокуратуро и сацам латкъаме а баьккхина, хийцийтина Ставропол-мехкан Лакхарчу кхеле, ткъа 16-чохь Саутиева изоляторе дIайигина юха а. Ставрополехь тIеэцначу сацамна резабоцчу Саутиева Зарифин накъосташа, иза а санна, шайна тIехь ечу кхеле ийзийна, изоляторехь латточу гIалгIайн лидерша мацалла кхайкхийна... Читать дальше...

Къилбаседа Кавказехь болх боцуш бисинчарна батте ца кхоччуш тоьар ду шаьш гулдина ахча; Оьрсийчу депорт йина Садуев Илес карош вац гергарчарна; "Новая газето" доьху Iедале шен редакци чохь химин коьчал яржор таллар

Къилбаседа Кавказехь болх лохуш 1-3 бутт болу, аьлла белхазаллехь бехачу нехан кхоалгIачу декъо, 9% наха шаьш эха шарахь лоьху къахьега меттиг, боху, ткъа 26% респонденташ болх лоьхуш лела шарахь лаххара а. Дустар – Краснодар-махкахь, масала, болх боцчех 19% бен яц шарал сов къахьега меттиг лохуш. Иштта ду HeadHunter цIе йолчу онлайн-рекрутинган платформо далийна терахьаш. Кавказ.Реалиина HeadHunter-о бовзийтинчу талламо гойту Къилбаседа Кавказехь хеттаршна жоьпаш деллачу нахах, шаьш болх бечу меттигашкара дIа а ца бовлуш... Читать дальше...

Зазадоккху-беттан 12-чу дийнахь Францино депортацин лагерера араваьккхина, кемана а хаийна, Европан хенаца 9 сахьт 20 минот йолуш, Москва доьдучу кеманца дIахьажийна шайн пачхьалкхехь шераш даьхна волу нохчийн мухIажар Садуев Илес. Оцу хенахь дуьйна зIе хаьдда цуьнца цуьнан Францехь бисинчу доьзалан а, накъостийн а, Нохчийчуьрчу гергарчарна а дац Садуевх Москва дIакхаьчча хилларг хууш. Цунах саготта ю Маршо Радиоца зIенехь йолу Садуевн зуда а, цуьнан уллера доттагI а. 2015-чу шарахь Нохчийчуьра Iедал иза лаца гIоьртира... Читать дальше...

Оппозицин политик Навальный Алексей Владимир гIалина герга йолчу Покроверчу №2 набахтехь ву. Оцу хьокъехь хаам баржийна цуьнан инстаграмехь а фейсбукехь а шен Навальныйн цIарх. "Маршалла ду массаьрга «чIагIбинчу тергаман А секторера». Ала деза, Оьрсийчоьнан набахтийн системан аьтто баьлла со цецваккха. Суна ца моьттура Москвана I00 километр бен юьстах йоцчу меттехь бакъйолу концлагерь хир ю" – яздина Навальныйс. Сурт хIоттийна шен баьшна корта а болуш – текстехь бахарехь, дукха хан йоццуш баьшна цуьнан корта. Читать дальше...

Москварчу Iедале шен редакцин хIусамехь яьржина химин коьчал таллар дехна "Новая газето". 300 эзар хьажархо волчу "Новости Москвы" телеграм-канало оршотан сарахь, видеотергам бечу Потаповски урамерчу "Новой газетин" цIенна уллерчу камера чуьра ю аьлла, видео яржийна.  Юург дIасакхачош воолчу "Яндексан" курьеран духарахь стаг ву цу чохь вилспетца, ткъа вилспетан тIехьарчу чкъурга чуьра яьржаш го газ. "Ховсалаш, терроран тохар ден машен ю шуна хIара: курьер ву аьлла араваьлларг газ яржош ву, цIенна чуволлучохь, контейнер ю чкъурга чохь. Читать дальше...