Новости за 03.08.2022

ГIалгIайчохь шегара дIаяха гIоьртина зуда йен гIоьртина цIийнда. Дуккха а уьрсаца йина чевнаш йоллушехь, иза дийна йиссира – дахар хадо кхераме йолчу чоконаш зен ца хуьлуш дирзина иза. "Клуб добрых дел" цIе йолчу гIоьналлин фондан куьйгалхо Матиева Ната хIинца дарбан цIийнахь ю.

Кадыров Ахьмадан цIарахчу спортан комплексо тендер хIоттийна "Ахмат Арена" стадионан вип-меттигашкахь кхача кечбарна лерина. Лаккхара хьешаш ресторанехь санна кхабархьама бюджетера 2,3 млн сом дайъа кийча бу. Тендерехь ма-ярра юьйцуш ю вип-хьешийн меню. Бовхачу кхачанна юкъахь – нехчаца, томатаца, базиликца котаман накха, тайхойн кепехь кхерзина дуга, картолаца цIен-чIара, бежанан жижгах а, хIоэх а кечбина кхачанаш, бецашца, тIоца а, гIаймакхан эспусмаца, мерза бурчаца бежанан жижгах йина кегийра рулеташ а. Читать дальше...

Ставрополан наркотикашна дуьхьало латточу комиссино "Георгиевск-Новопавловск" некъа тIехь нохчийн полицин белхахой дIалацарх хаам бина – церан машенахь наркотикаш карийна. Официалан версица, машен лелориг 26 шо долу Нохчийчуьра лахара сержант вара, цуьнца цхьаьна кхин а шиъ махкахо а хиллера – царах цхьаъ республикан полицехь болх беш ву. Таллам боьдучу юкъанна тIаьххьарчо шен хечин киснара хьала а яьккхина, дIакхоьссира порошокан кепехь хIума чохь йолу ларча. Цо дийцина, ша интернетехь эца а эцна, Георгиевскехь "закладка" схьаэцна, аьлла. Читать дальше...

ФСБ-но, МВД-но ГIалгIайчохь терроризмана гIо латторна бехкебийраш дIалоьцуш операци дIаяьхьна. Ницкъахоша бахарехь, гIоьналлин ахча гулош хьийзина уьш хьехамчана Ахмеднабиев Исраилна, иза Оьрсийчохь магийна йоцчу "Исламан пачхьалкхаца" воьзна хета низамхошна. Newstracker зорбано шен хьасташна тIе а тевжаш хаамбо, кхо стаг дIалацарх, амма ши цIе бен ца йоккху цара – Картоев Тимирлан, Дербичев Хаваж а. Лаьцначарна бехкбаккхар дIакхайкхор а гойтуш, арахецначу видео тIаьхь гуш верг а вац ши стаг бен. Читать дальше...