ცესკოს პირველადი მონაცემები ღამის 2 საათისთვის გამოქვეყნდება

ცესკო ვარაუდობს, რომ პირველადი მონაცემი ღამის 02:00 საათისთვის გამოქვეყნდება. „მას შემდეგ, რაც ყველა საარჩევნო უბანზე საუბნო შემაჯამებელი ოქმები შედგება, ისინი მიეწოდება შესაბამის საოლქო საარჩევნო კომისიებს, რომლებიც უმოკლეს ვადაში აიტვირთება საარჩევნო მართვის სპეციალურ ელექტრონულ პროგრამაში. ცენტრალური საარჩევნო კომისია საუბნო შემაჯამებელ ოქმებს მიღებისთანავე, ეტაპობრივად განათავსებს სპეციალურ ვებგვერდზე. ვვარაუდობთ, რომ პირველადი მონაცემი დაახლოებით ღამის 2 საათისთვის გვექნება“, - განაცხადა ცესკოს სპიკერმა ანა მიქელაძემ.


საპრეზიდენტო არჩევნების დასრულების შემდეგ თავდაპირველად დაითვლება აღანეთიდან მიღებული ქართველი სამხედრო პერსონალის ხმები, რომლებმაც საკუთარი არჩევანი ყველაზე ადრე, 25 ოქტომბერს გააკეთეს.