გიგა ბოკერია: საბოლოო მარცხი განვაცდევინოთ ჩვენი ქვეყნისთვის საზიანო კანდიდატს
ამის შესახებ საპრეზიდენტო არჩევნების დასრულების შემდეგ გამართულ პრესკონფერენციაზე განაცხადა "ევროპული საქართველოს" ერთ-ერთმა ლიდერმა გიგა ბოკერიამ. მისი თქმით, წინასწარი შედეგები ადასტურებს იმას, რომ ოპოზიცია იმარჯვებს, რაც მათი პოლიტიკური ძალის ერთ-ერთი მთავარი მიზანი იყო. „ჩვენ გვქონდა და გვაქვს დიდი ეროვნული ამოცანები და დიდი ეროვნული ამოცანა იყო ივანიშვილის გუნდის ამ სამარცხვინო და ჩვენი ქვეყნის ინტერესებისთვის საშიში კანდიდატის გამარჯვების არდაშვება. ამ ეტაპზე პირველ ტურში მაინც მინიმუმ. ეგზიტპოლები მიუთითებს, რომ ეს ამოცანა მიღწეულია“, - განაცხადა გიგა ბოკერიამ და მოუწოდა მომხრეებს, რათა მშვიდად, ყოველგვარი ძალადობის გარეშე დაიცვან ის ხმები, რომელიც მიიღო მთლიანად ოპოზიციამ. „ ახლა ეს არის მთავარი ამოცანა და მეორე ტურშიც საბოლოო მარცხი განვაცდევინოთ ივანიშვილის გუნდს და ჩვენი ქვეყნისთვის საზიანო კანდიდატს სალომე ზურაბიშვილს. ეს არის ჩვენი ამოცანა და ამაზე ვიქნებით კონცენტრირებულები",- განაცხადა ბოკერიამ.
