ახალი სახელმწიფო მდივანი ბრიუსელშია, ნატოს შეხვედრაში მონაწილეობის მისაღებად
აშშ-ის ახალი სახელმწიფო მდივანი, მაიკ პომპეო ბრიუსელში ჩავიდა, ნატოს მოკავშირეებთან ევროპაში რუსეთის აგრესიაზე სალაპარაკოდ - ერთ დღეში მას შემდეგ, რაც ის ამ პოსტზე დაამტკიცეს. ყოფილ რესპუბლიკელ კონგრესმენს და არმიის ოფიცერს, რომელიც ბოლო 15 თვის განმავლობაში დაზვერვის ცენტრალური სააგენტოს (CIA) დირექტორად მუშაობდა, მიიჩნევენ აშშ-ის პრეზიდენტის, დონალდ ტრამპის ერთ-ერთ ყველაზე ახლო მოკავშირედ. ის პოსტზე დამტკიცებამდეც ჩართული იყო აშშ-ის დიპლომატიაში, თუმცა ევროპელ მოკავშირეებთან ბრიუსელის შეხვედრა მისთვის პირველი იქნება სახელმწიფო მდივნის რანგში.