სულ მცირე 4 ადამიანი, მათ შორის ჟურნალისტი დაიღუპა ავღანეთის დედაქალაქ ქაბულში მომხდარი ორი აფეთქების შედეგად. ადგილობრივ ხელისუფალთა ინფორმაციით, თვითმკვლელმა დანაღმული მოტოციკლეტი ააფეთქა ავღანეთის დაზვერვის სამსახურის შენობასთან. ქაბულის პოლიციის უფროსმა, დაუდ ამინმა სააგენტო AFP-ს აცნობა, რომ დაიღუპა სამი და დაიჭრა 6 სამოქალაქო პირი. ცოტა ხანში ამავე რაიონში მოხდა მეორე აფეთქება. სააგენტო AP პოლიციის თანამშრომელზე დაყრდნობით იუწყება, რომ დაიღუპა ჟურნალისტი და დაიჭრა 2 პოლიციელი. ჟურნალისტის ვინაობა ჯერჯერობით უცნობია.