ბათუმში დაჭრილი პოლიციელის ქირურგიული ოპერაცია დასრულდა
საპატრულო პოლიციის 29 წლის თანამშრომლის ქირურგიული ოპერაცია დასრულდა ბათუმის რესპუბლიკურ საავადმყოფოში. სამედიცინო კლინიკის დირექტორმა, მალხაზ ხალვაშმა რადიო თავისუფლების კორესპონდენტს უთხრა, რომ „ახლა პაციენტს ქირურგიული ოპერაციის შემდგომი მკურნალობა უტარდება. მდგომარეობა მძიმეა, მაგრამ სტაბილური". საპატრულო პოლიციის თანამშრომელი კისრის არეში ცივი იარაღით არის დაჭრილი. 18 დეკემბერს ბათუმში ჭავჭავაძის ქუჩაზე საპატრულო პოლიციის 29 წლის თანამშრომელი დაჭრეს. როგორც თვითმხილველები ჰყვებიან, შემთხვევა დაახლოებით 20:30 საათზე მოხდა. Читать дальше...