ცეცხლის შეწყვეტის მიუხედავად სირიის ჩრდილოეთში თავდასხმები გრძელდება

თურქეთის ავიაციის მიერ მოწყობილი თავდასხმების შედეგად 18 ოქტომბერს დაიხოცა 14 სამოქალაქო პირი, მიუხედავად აშშ-ის შუამავლობით მიღწეული ცეცხლის შეწყვეტისა, რომელიც ძალაშია შესული. ცნობას ავრცელებს ომის სამეთვალყურეო წყარო.

სირიის სამეთვალყურეო ცენტრის თანახმად, თურქეთის ავიაციის თავდასხმას და მისი მოკავშირე სირიელი მებრძოლების იერიშს სოფელ ბაბ ალ-ხეირზე, 14 ადამიანი ემსხვერპლა.

რვა მებრძოლი დაკარგა ქურთთა მეთაურობით მოქმედმა სირიის დემოკრატიულმა დანაყოფმა. მისმა წარმომადგენლმა, მუსტაფა ბალიმ თურქეთი დაადანაშაულა შეთანხმების დარღვევაში, რომელსაც მიაღწიეს ანკარაში აშშ-ის ვიცე-პრეზიდენტის, მაიკ პენსის ვიზიტის დროს.

ბალის თქმით, გრძელდება იერიშები სამოქალაქო ობიექტებზე, მებრძოლებზე, ასევე საავადმყოფოზე.

 ცეცხლის შეწყვეტის შესახებ შეთანხმებით, ხუთი დღით უნდა შეჩერებულიყო საბრძოლო მოქმედებები და აშშ უნდა დახმარებოდა ქურთთა ძალებს, გასულიყვნენ „უსაფრთხო ზონიდან“ , როგორც მას თურქეთი უწოდებს,  და რომელიც სურს შეიქმნას საზღვრის გასწვრივ.

თურქეთის პრეზიდენტმა, რეჯეპ ტაიპ ერდოანმა განაცხადა, რომ შეთანხმება სრულდება. მან მუქარა გამოთქვა, რომ თუ ქურთთა ძალები არ დატოვებენ ზონას, ის განაახლებდა იერიშს.

თურქეთი არეალში ტოვებს თავის ძალებს, რადგან, ერდოანის თქმით, უსაფრთხოების გამო ეს ასეა საჭირო.