ბარსელონა პარალიზებულია საპროტესტო გამოსვლების გამო
ხუთდღიანი საპროტესტო გამოსვლების და გენერალური გაფიცვის გამო კატალონიის ლიდერებისთვის განაჩენის გამოცხადების შემდეგ ბარსელონა პარალიზებულია.
პოლიციის ცნობით, ნახევარი მილიონი ადამიანი გავიდა ქუჩაში კატალონიის დედაქალაქში 18 ოქტომბერს, შეჩერებულია ტრანსპორტი და დაკეტილია გზები. დემონსტრაციები უპირატესად მშვიდობიანია, თუმცა იტყობინებიან პოლიციასთან ერთი-ორი შეტაკების შესახებაც.
ესპანეთის უზენაესმა სასამართლომ 14 ოქტომბერს კატალონიის 12-დან ცხრა სეპარატისტ ლიდერს ხანგძლივი პატიმრობა მიუსაჯა 2017 წლის სეპარატისტულ მოძრაობაში მათი როლისთვის.
12-ვე პოლიტიკოსი დანაშაულს უარყოფს.
გამოტანილმა განაჩენებმა გამოიწვია მღელვარება და პროტესტი, რომელთა დროსაც ასამდე პირი დაშავდა.