კორპუსში მომხდარი აფეთქების გამო 77 წლის მამაკაცს სხეულის 35% დამწვარი აქვს - გუგა ქაშიბაძე
დამწვრობის ცენტრის ხელმძღვანელის გუგა ქაშიბაძის თქმით, საცხოვრებელ კორპუსში აფეთქებისას დამწვარი მამაკაცი რეანიმაციაშია.
„შემოყვანილია 77 წლის მამაკაცი, სხეულის 35%-ანი დამწვრობით, მეორე-მესამე ხარისხის დამწვრობაა. დამწვრობა ძირითადად მიღებული აქვს თავის არეში, დაზიანებული აქვს ორივე ზედა კიდური, ასევე გულმკერდი და სასუნთქი გზები. მოთავსებულია რეანიმაციულ განყოფილებაში. უტარდება შესაბამისი მკურნალობა“, - უთხრა „ინტერპრესნიუსს“ ქაშიბაძემ.
როგორც დამწვრობის ცენტრის ხელმძღვანელი ამბობს, მამაკაცის ასაკიდან და მიღებული დაზიანებებიდან გამომდინარე, მისი დიაგნოზი „საკმაოდ მძიმეა“.
შსს-ს ცნობით, თბილისში, თევდორე მღვდლის ქუჩაზე მდებარე კორპუსში მომხდარი აფეთქების შედეგად 1 მოქალაქე დაშავდა.