აზერბაიჯანის პრეზიდენტმა ვადამდელი არჩევნები 9 თებერვლისთვის დანიშნა
აზერბაიჯანის პრეზიდენტმა ილჰამ ალიევმა ხელი მოაწერა განკარგულებას, რომლის თანახმად, საპარლამენტო არჩევნები გაიმართება 9 თებერვალს, გაისად.
განცხადება გამოქვეყნდა პრეზიდენტის საინტერნეტო საიტზე სამი დღის შემდეგ, რაც პარლამენტმა, ეროვნულმა კრებამ, რომელშიც მმართველი პარტია, ახალი აზერბაიჯანის პარტია დომინირებს, მიიღო გადაწყვეტილება საკანონმდებლო ორგანოს დაშლის შესახებ, რითაც პრეზიდენტს საშუალება მიეცა, დაედგინა ვადამდელი საყოველთაო კენჭისყრის თარიღი.
ბაქოში ოფიციალური პირები აცხადებენ, რომ ახალი არჩევნები დაეხმარება აზერბაიჯანს, განაახლოს საკანონმდებლო სფერო და დააჩქაროს ეკონომიკური რეფორმები. აზერბაიჯანის პრეზიდენტს აქვს უფლებამოსილება, დაშალოს პარლამენტი და დანიშნოს ვადამდელი არჩევნები. უახლოესი საპარლამენტო არჩევნები აზერბაიჯანში 2020 წლისთვის იყო დაგეგმილი.
2015 წელს ალიევის პარტიამ ხმების დიდი უმრავლესობით მოიგო არჩევნები, რომელსაც ბოიკოტი გამოუცხადეს ოპოზიციურმა პარტიებმა.