პროკურორის თქმით, ნიკა გვარამიას საქმეს მინიჭებული აქვს გრიფი „საიდუმლო“
„მოწმეს ჰქონდა კონკრეტული ინფორმაცია ფაქტობრივი გარემოებების შესახებ და ის მოწმის სტატუსით დაიკითხა. ყველა შეკითხვაზე პასუხი მივიღეთ“, - თქვა პროკურორმა ელიზბარ გოზალიშვილმა თბილისის საქალაქო სასამართლოში „მთავარი არხის“ დირექტორის ნიკა გვარამიას მაგისტრატი მოსამართლის თანდასწრებით დაკითხვის შემდეგ.
პროკურორის ინფორმაციით, მოცემულ საქმეს მინიჭებული აქვს გრიფი „საიდუმლო“ და, შესაბამისად, ბრალმდებელი ამ საკითხზე საუბრისგან თავს იკავებს.
„საქმეს რატომ დაედო გრიფი „საიდუმლო", ამაზე რომ პასუხი გავცე, მე მომიწევს ფაქტობრივი მონაცემების გამჟღავნება, რისი უფლებაც კანონით არ მაქვს. თუ რა მუხლით, რა ფაქტთან დაკავშირებით მიმდინარეობს გამოძიება, ამ ამის შესახებ კომენტარს ვერ გავაკეთებ“, - თქვა პროკურორმა.
ნიკა გვარამიას ადვოკატის, დიმიტრი საძაგლიშვილის თქმით, საქმე ნიკა გვარამიას მიერ „ფეისბუკზე“ დაწერილ ტექსტს უკავშირდება.
„უზურპატორი, თავის ხუნვეიბიენებიან მანქურთებიანად, უნდა დ ა ვ ა მ ხ ო თ !“ - დაწერა 3 დეკემბერს ნიკა გვარამიამ.