საკანონმდებლო ცვლილებების გამო ისრაელის პრემიერ-მინისტრსა და ბაიდენს შორის ცივი საუბარი შედგა
AP-ის ცნობით, ისრაელის პრემიერ-მინისტრმა, ბენიამინ ნეთანიაჰუმ 29 მარტს უარყო აშშ-ის პრეზიდენტ ჯო ბაიდენის წინადადება იმის შესახებ, რომ პრემიერმა უარი თქვას სამართლებრივი სისტემის შეცვლის სადავო გეგმაზე და განაცხადა, რომ მისი ქვეყანა თვითონ იღებს გადაწყვეტილებებს.
ამგვარი საუბარი საჯარო უთანხმოების იშვიათი შემთხვევაა ორ ახლო მოკავშირეს შორის და მზარდი უთანხმოების ნიშანს წარმოადგენს აშშ-სა და ისრაელს შორის ნეთანიაჰუს სასამართლო ცვლილებების გამო, რომლებიც მან მასობრივი საპროტესტო გამოსვლების გამო გადადო.
28 მარტს, საღამოს, ჟურნალისტების შეკითხვაზე, თუ რას იმედოვნებს, რას მოიმოქმედებს პრემიერი კანონმდებლობასთან დაკავშირებით, ბაიდენმა უპასუხა, "იმედი მაქვს, მასზე უარს იტყვის". პრეზიდენტმა დასძინა, რომ ნეთანიაჰუს მთავრობას "არ შეუძლია გააგრძელოს ამ გზით სიარული" და კომპრომისისკენ მოუწოდა იმ გეგმასთან დაკავშირებით, რომელიც აღელვებს ისრაელს.
ნეთანიაჰუს სიტყვებით, ისრაელი დამოუკიდებელია და "გადაწყვეტილებებს თავისი ხალხის ნებაზე დაყრდნობით იღებს და არა საზღვარგარეთიდან ზეწოლის საფუძველზე, მათ შორის, თუნდაც საუკეთესო მეგობრებისგან".
29 მარტს, მოგვიანებით, ნეთანიაჰუს უფრო შემრიგებლური ტონი ჰქონდა და განაცხადა, რომ "ისრაელსა და შეერთებულ შტატებს დროდადრო ჰქონიათ უთანხმოება", მაგრამ მათ შორის ალიანსი "ურყევია". "ამას ვერაფერი შეცვლის", განაცხადა მან სახელმწიფო დეპარტამენტის „სამიტზე დემოკრატიისთვის“.
აზრთა სუსხიანი ტონით გაცვლა-გამოცვლა მოხდა მეორე დღეს მას შემდეგ, რაც ნეთანიაჰუმ მოუწოდა თავის მთავრობას სადავო კანონმდებლობის მოქმედების შეწყვეტის შესახებ, "სამოქალაქო ომის თავიდან აცილების" მიზნით მას მერე, რაც ორი დღის განმავლობაში მიმდინარეობდა მასობრივი საპროტესტო გამოსვლები, რომლებმაც ათობით ათასი ადამიანი გამოიყვანა ისრაელის ქუჩებში.
"იმედია, პრემიერ-მინისტრი ისე იმოქმედებს, რომ შეეცდება რაღაც ნამდვილი კომპრომისის შემუშავებას. მაგრამ, ვნახოთ," - განუცხადა ბაიდენმა ჟურნალისტებს, როცა ჩრდილოეთ კაროლინას ტოვებდა.
ისრაელში საპროტესტო გამოსვლების ორგანიზატორებმა ხალხს მოუწოდეს ბაიდენის მხარდასაჭერი დემონსტრაციის ჩატარებისკენ აშშ-ის საელჩოს შენობასთან თელ-ავივში, 30 მარტისთვის, ხოლო ნეთანიაჰუს მოკავშირეებმა კრიტიკა გააორმაგეს. იტამარ ბენ-გვირმა, ნეთანიაჰუს ახლო მოკავშირემ და მინისტრმა, რომელიც პოლიციას ხელმძღვანელობს, ისრაელის არმიის რადიოს განუცხადა, რომ ისრაელი "არ არის ერთ-ერთი ვარსკვლავი ამერიკის დროშაზე". "მე მოველი, რომ აშშ-ის პრეზიდენტს ეს პოზიცია უნდა ესმოდეს,“ - განაცხადა მან.
ნეთანიაჰუმ და მისმა რელიგიურმა და ულტრანაციონალისტმა მოკავშირეებმა სასამართლო ცვლილებები გამოაცხადეს იანვარში, თავიანთი - ისრაელის ისტორიაში ყველაზე მემარჯვენე - მთავრობის ფორმირებიდან რამდენიმე დღის შემდეგ. წინადადებამ გამოიწვია ათწლეულების განმავლობაში ყველაზე მძიმე საშინაო კრიზისი.
ბიზნესის და ეკონომიკის წამყვანი წარმომადგენლები, ასევე და უშიშროების სამსახურის ყოფილი ხელმძღვანელები - ყველა, ამ გეგმის წინააღმდეგ გამოვიდა და განაცხადეს, რომ ეს ქვეყანას დიქტატურისკენ უბიძგებს.
ნეთანიაჰუს, რომელსაც კორუფციის ბრალდებით სასამართლოში აქვს საქმე, და მის მოკავშირეებს, ეს გეგმა მისცემდა საბოლოო სიტყვის თქმის უფლებას ქვეყანაში მოსამართლეების დანიშვნის საქმეში. ის ასევე მიანიჭებდა პარლამენტს, რომელსაც მისი მოკავშირეები აკონტროლებენ, უზენაესი სასამართლოს გადაწყვეტილებების გაუქმების, ხოლო სასამართლოს შეუზღუდავდა კანონების გადახედვის უფლებამოსილებას.
კანონპროექტის ოპონენტები ამბობენ, რომ ასეთი კანონით მოხდება პარლამენტში ძალაუფლების კონცენტრაცია კოალიციის ხელში და დაირღვევა შეკავებისა და გაწონასწორების ბალანსი ხელისუფლების შტოებს შორის.
ამგვარი საუბარი საჯარო უთანხმოების იშვიათი შემთხვევაა ორ ახლო მოკავშირეს შორის და მზარდი უთანხმოების ნიშანს წარმოადგენს აშშ-სა და ისრაელს შორის ნეთანიაჰუს სასამართლო ცვლილებების გამო, რომლებიც მან მასობრივი საპროტესტო გამოსვლების გამო გადადო.
28 მარტს, საღამოს, ჟურნალისტების შეკითხვაზე, თუ რას იმედოვნებს, რას მოიმოქმედებს პრემიერი კანონმდებლობასთან დაკავშირებით, ბაიდენმა უპასუხა, "იმედი მაქვს, მასზე უარს იტყვის". პრეზიდენტმა დასძინა, რომ ნეთანიაჰუს მთავრობას "არ შეუძლია გააგრძელოს ამ გზით სიარული" და კომპრომისისკენ მოუწოდა იმ გეგმასთან დაკავშირებით, რომელიც აღელვებს ისრაელს.
ნეთანიაჰუს სიტყვებით, ისრაელი დამოუკიდებელია და "გადაწყვეტილებებს თავისი ხალხის ნებაზე დაყრდნობით იღებს და არა საზღვარგარეთიდან ზეწოლის საფუძველზე, მათ შორის, თუნდაც საუკეთესო მეგობრებისგან".
29 მარტს, მოგვიანებით, ნეთანიაჰუს უფრო შემრიგებლური ტონი ჰქონდა და განაცხადა, რომ "ისრაელსა და შეერთებულ შტატებს დროდადრო ჰქონიათ უთანხმოება", მაგრამ მათ შორის ალიანსი "ურყევია". "ამას ვერაფერი შეცვლის", განაცხადა მან სახელმწიფო დეპარტამენტის „სამიტზე დემოკრატიისთვის“.
აზრთა სუსხიანი ტონით გაცვლა-გამოცვლა მოხდა მეორე დღეს მას შემდეგ, რაც ნეთანიაჰუმ მოუწოდა თავის მთავრობას სადავო კანონმდებლობის მოქმედების შეწყვეტის შესახებ, "სამოქალაქო ომის თავიდან აცილების" მიზნით მას მერე, რაც ორი დღის განმავლობაში მიმდინარეობდა მასობრივი საპროტესტო გამოსვლები, რომლებმაც ათობით ათასი ადამიანი გამოიყვანა ისრაელის ქუჩებში.
"იმედია, პრემიერ-მინისტრი ისე იმოქმედებს, რომ შეეცდება რაღაც ნამდვილი კომპრომისის შემუშავებას. მაგრამ, ვნახოთ," - განუცხადა ბაიდენმა ჟურნალისტებს, როცა ჩრდილოეთ კაროლინას ტოვებდა.
ისრაელში საპროტესტო გამოსვლების ორგანიზატორებმა ხალხს მოუწოდეს ბაიდენის მხარდასაჭერი დემონსტრაციის ჩატარებისკენ აშშ-ის საელჩოს შენობასთან თელ-ავივში, 30 მარტისთვის, ხოლო ნეთანიაჰუს მოკავშირეებმა კრიტიკა გააორმაგეს. იტამარ ბენ-გვირმა, ნეთანიაჰუს ახლო მოკავშირემ და მინისტრმა, რომელიც პოლიციას ხელმძღვანელობს, ისრაელის არმიის რადიოს განუცხადა, რომ ისრაელი "არ არის ერთ-ერთი ვარსკვლავი ამერიკის დროშაზე". "მე მოველი, რომ აშშ-ის პრეზიდენტს ეს პოზიცია უნდა ესმოდეს,“ - განაცხადა მან.
ნეთანიაჰუმ და მისმა რელიგიურმა და ულტრანაციონალისტმა მოკავშირეებმა სასამართლო ცვლილებები გამოაცხადეს იანვარში, თავიანთი - ისრაელის ისტორიაში ყველაზე მემარჯვენე - მთავრობის ფორმირებიდან რამდენიმე დღის შემდეგ. წინადადებამ გამოიწვია ათწლეულების განმავლობაში ყველაზე მძიმე საშინაო კრიზისი.
ბიზნესის და ეკონომიკის წამყვანი წარმომადგენლები, ასევე და უშიშროების სამსახურის ყოფილი ხელმძღვანელები - ყველა, ამ გეგმის წინააღმდეგ გამოვიდა და განაცხადეს, რომ ეს ქვეყანას დიქტატურისკენ უბიძგებს.
ნეთანიაჰუს, რომელსაც კორუფციის ბრალდებით სასამართლოში აქვს საქმე, და მის მოკავშირეებს, ეს გეგმა მისცემდა საბოლოო სიტყვის თქმის უფლებას ქვეყანაში მოსამართლეების დანიშვნის საქმეში. ის ასევე მიანიჭებდა პარლამენტს, რომელსაც მისი მოკავშირეები აკონტროლებენ, უზენაესი სასამართლოს გადაწყვეტილებების გაუქმების, ხოლო სასამართლოს შეუზღუდავდა კანონების გადახედვის უფლებამოსილებას.
კანონპროექტის ოპონენტები ამბობენ, რომ ასეთი კანონით მოხდება პარლამენტში ძალაუფლების კონცენტრაცია კოალიციის ხელში და დაირღვევა შეკავებისა და გაწონასწორების ბალანსი ხელისუფლების შტოებს შორის.
