Пәкістандағы мешіт маңында жарылыс болып, 25 адам қаза тапты
Пәкістанның солтүстік-батысындағы Пешавар қаласындағы мешіт маңында жарылыс болды, - деп хабарлайды Tengrinews.kz тілшісі DW сайтына сілтеме жасап.
Жергілікті билік мұны террорист-жанкештінің шабуылы деп мәлімдеді. Ол жарылғыш затты мешітте 150-ге жуық адам, оның ішінде жақын маңдағы полиция бөлімшелерінен намаз оқуға келген көптеген полиция қызметкері болған кезде іске қосқан.
25 адам қаза тауып, 80-нен астамы жараланғаны хабарланды. Төтенше жағдайлар қызметі үйінділерді тазалап, ауруханаға жеткізілгендердің көпшілігі ауыр халде жатқандықтан, қаза тапқандар саны артуы мүмкін деген қауіп бар.
Пәкістан премьер-министрі Шахбаз Шариф жарылысты айыптап, кінәлілерге қатысты "қатаң шара қолданылатынына" уәде берген. Шабуылды әзірге ешкім мойнына алмаған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!