Алайда төрт метрлик кудукка түшүп кеткен адам куткарылды
Ош облусунда куткаруучулар кудукка түшүп кеткен адамды аман-эсен алып чыгышты.
Өзгөчө кырдаалдар министрлиги кабарлагандай, окуя бүгүн 20-февралда Алайдын Гүлчө айылынын Бубаев көчөсүндөгү турак үйдүн короосунда болгон.
40 жаштагы жергиликтүү тургун кудук казып жатып төрт метр тереңдикке түшүп кетип, үстүн шагыл басып калган. Кырсык болгон жерге беш куткаруучу жана фельдшер барган. (RK)