Новости за 14.03.2019

Түштүк Африкадагы Малави республикасында суу каптоодон каза болгондордун саны 56 кишиге жетти. Суу ташкынга байланыштуу өлкөдө чукул кырдаал жарыяланды. Соңку бир жума ичинде 83 миңден ашык киши үйлөрүн таштап, коопсуз жерлерге көчүүгө аргасыз болушту. Нөшөрлөгөн жаан-чачындан дарыялар ташкындап, бүтүндөй айылдар суу астында калды. Электр энергия, суу системалары иштен чыкканы кабарланууда. Африканын түштүгүнө тропикалык циклон жакындап келаткандыктан, кырдаал мындан да оорлошот деп күтүлүүдө. Читать дальше...

Бишкектин Жылуулук электр борборунда (ЖЭБ) 14-мартта электр жабдыктарынын иши үзгүлтүккө учурады. Бул тууралуу «Электр станциялары» ишканасынын басма сөз кызматы кабарлады. «Релейлик коргонуудан улам электр жабдуусу (шиналардын биринчи системасы 110 кВ) өчүп калды. Учурда негизги жабдуунун режими жарым-жартылай калыбына келтирилди. Окуянын себептерин териштирүү жүрүп жатат» деп билдирди басма сөз кызматы. 2018-жылдын 26-январда Бишкек ЖЭБинде авария болуп, -20 градустан ашкан катуу суукта абоненттерге беш күн бою жылуулук берилген эмес. Читать дальше...

Казакстандык жана норвегиялык укук коргоочулар «Ата Журттун ыктыярчылары» уюмунун жетекчиси, активист Серикжан Билашты бошотууну талап кылышты.  13-мартта Норвегиянын Хелсинки комитети менен Казакстандын Адам укуктары боюнча бюросу биргелешкен билдирүү таратып, Серикжан Билаш жана ал жетектеген уюм Шинжаңдагы казактардын, улуттук азчылыктардын укуктары жапырт бузулуп жатканын коомчулукка биринчи болуп ачыкка чыгарганын, ал акыркы мезгилде бир нече ирет бийликтин кысымына алынганын кабарлашты. ... Читать дальше...

Кыргызстандын Эл акыны, СССР доорунда Бүткүл союздук Ленин комсомолунун сыйлыгын алган атактуу акын Майрамкан Абылкасымованын жашы азыр сексенден ашып, кадырлуу карылыктын доорун сүрүп жаткан кези.

АКШнын Мамлекеттик департаментинин дүйнөдөгү адам укуктары боюнча 13-мартта жарыялаган отчетунда Кыргызстанда «саясий негизде» камакка алынгандар тууралуу да маалымат айтылган. Анда укук коргоочулар камактагы мурдагы депутаттар Өмүрбек Текебаев менен Садыр Жапаровду саясий негизде камакта жатат деп эсептешери белгиленет. Ошондой эле мурдагы эки премьер-министр Сапар Исаков менен Жантөрө Сатыбалдиевди камакка алуунун айрым саясий өңүтү бар деп санашаары жазылган.    Кыргызстандагы «Саясий туткундарды... Читать дальше...

Кыргызстан менен Тажикстандын чек арасында, Баткен облусунун Ак-Сай айылында кайрадан ок атылганы угулду. Бул тууралуу «Азаттыктын» Баткендеги кабарчысы Жеңиш Айдаров билдирди. Анын айтымында, октор Тажикстандын Ворух анклавы тараптан атылып жатат. Атылган октон улам бир милиция кызматкери жабыр тартканы, ал ооруканага алынып кеткени кабарланды. Мамлекеттик чек ара кызматы болсо октор эскертүү катары атылганын, абал курчуп кеткенин ырастады. Мекеменин басма сөз кызматы жарадар болгон адам тууралуу маалымат такталып жатканын кошумчалады. Читать дальше...

Премьер-министр Мухаммедкалый Абылгазиев Тажикстандын премьер-министри Кохир Расулзода менен телефон аркылуу сүйлөшүп, чек арадагы абалды талкуулады.  Кыргыз өкмөтүнүн басма сөз кызматы кабарлагандай, тараптар абалды турукташтырууга даярдыгын билдиришти. Сүйлөшүүдө окуяны биргелешип иликтөөнүн зарылдыгы тууралуу айтылды. 13-мартта Кыргызстандын Ак-Сай жана Тажикстандын Мехнатабад айылынын тургундарынын ортосунда жаңжал чыккан. Ага Ак-Сай-Тамдык жолунун курулушуна тажик тараптын нааразылык билдиргени себеп болгону айтылууда. Читать дальше...

Экологдор жаз келгенине карабай Бишкектеги абадагы ыштын көлөмү азая элек экенин айтышууда. Өлкөнүн экологиясын көзөмөлдөгөн мамлекеттик мекемелер мындай билдирүүлөрдү негизсиз деп эсептешет.

«Ала-Арча» мамлекеттик резиденциясында президент Сооронбай Жээнбеков Кыргызстандын чет мамлекеттердеги элчилери жана консулдуктарынын башчылары менен жыйын өткөрдү. Мамлекет башчысы Кыргызстандын тышкы саясатындагы негизги багыттар тууралуу кайрылуу жасады.Жыйынга 27 мамлекеттеги элчи жана ири шаарлардагы башкы консулдар менен бирге 34 дипломатиялык мекеменин башчылары катышты.

Сириянын Идлиб провинциясында Орусиянын аба соккуларынан кеминде 10 киши каза болгонун «Reuters» агенттиги козголоңчуларга, жергиликтүү тургундарга жана куткаруучуларга таянуу менен билдирди.  Лондондо жайгашкан Сириядагы адам укуктарына байкоо салуу борбору 13 киши аба чабуулунун курмандыгы болгонун, анын алтоо балдар экенин, 60ка жакын киши жарадар болгонун кабарлады.  Укук коргоочулар орусиялык учактар 24 саат ичинде бир нече жолу бомба таштаганын, бул акыркы айларда Орусия урган эң катуу сокку болгонун айтышты. Читать дальше...

Ирандын Хузестан провинциясында газ түтүгү жарылып, кеминде эки кишинин өмүрүн алды. Өлкөнүн «Фарс» агенттигинин 14-марттагы маалыматында Перс булуңуна жакын жайгашкан Ахваз провинциясы менен Масшахр шаарынын ортосундагы газ түтүгү жарылганы айтылат.   Окуяда канча киши жабыркаганы азырынча белгисиз. Жарылууда автобус, жүк ташуучу машине жана жеңил автоунаа өрттөнгөнү кабарланды.  Ирандын инфраструктурасы эскиргени менен бийлик аны көп жылдан бери иштетип келет. Өлкөдө коопсуздук чаралары сакталбай турганы айтылып жүрөт. Читать дальше...

Каза болгондордун кеминде бешөө окуучу, экөө мектептин кызматкерлери. Дагы ондон ашык адам ар кандай жаракат алды. Окуя Бразилиянын Сузано шаарындагы «Raul Brasil» мектебинде болгонун жергиликтүү бийлик билдирди. Ок аткандар 17 жаштагы Гильермо Монтейро менен 25 жаштагы Энрико де Кастро экени айтылды. Маалыматка караганда, экөө тең мурда ушул мектепти бүтүргөн.  Бразилия полициясынын кызматкери Марсело Салестин айтымында, бычак, тапанча, балта жана жардыргыч зат куюлган бөтөлкөлөр менен куралданган... Читать дальше...

Кыргызстандын Мамлекеттик чек ара кызматынын басма сөз катчысы Салкын Абдыкариева Тажикстанда каза болгон адам тууралуу тажик чек ара мекемесинен расмий билдирүү келек элек экенин билдирди. Анын айтымында, тажик тарап аларга милиция кызматкерлери жабыр тартканы жөнүндө гана кабар берген. Мерт болгон адам жөнүндө маалымат келсе, ал боюнча иликтөө жүрөт. Тажикстандын Улуттук коопсуздук комитетинин Чек ара аскерлеринин башкы башкармалыгы «Азаттыктын» тажик кызматына маалымат берип, 43 жаштагы Хусейн... Читать дальше...

Баткенде чыр чыккан жерде жол курулуп жаткан аймак Кыргызстанга таандык. Бул тууралуу 14-мартта «Азаттыкка» Кыргызстандын Тажикстандагы элчиси Жаныш Рустенбеков билдирди.

Кыргызстан менен АКШ кызматташтык тууралуу жаңы келишим боюнча макулдашуу иштерин жүргүзүп жатат. Бул тууралуу Кыргызстандын АКШдагы элчиси Болот Отунбаев билдирди.

«Супер-инфо» гезитинин жетекчиси Шаиста Шатманова Экономикалык кылмыштарга каршы күрөш боюнча мамлекеттик кызматка (Финполиция) суракка чакырылды. Бул тууралуу гезитке караштуу Super.kg порталы жазды. Маалыматты Шатманова өзү «Азаттыкка» ырастап, буга «ЖМКны колдоо борборунун» сайтына 2012-жылы жайгаштырылып, ошол боюнча жаңыланбай калган жаңылыш маалымат негиз болгонун айтты. Ал кабардын мазмунун ырастаган жок. Шаиста Шатманова алар шартка байланыштуу Финполицияга дүйшөмбү күнү барууга макулдук беришкенин... Читать дальше...

15-мартта Кыргызстанда жаан-чачын болбойт. Тоолуу райондордо жолдор тайгак болот. Шамалдын багыты өзгөрүлүп турат, ылдамдыгы секундасына 1-6 метрге жетет. Абанын температурасы: Чүйдө түнкүсүн 0...5, күндүз 14...19, Таласта түнкүсүн -1...+4, күндүз 14...19, Ысык-Көлдө түнкүсүн 0...-5, күндүз 5...10, Ошто, Баткенде, Жалал-Абадда түнкүсүн 1...6, күндүз 14...19, Нарында түнкүсүн -6...-11, күндүз 3...8 градус болот. Бишкекте жаан-чачын болбойт. Абанын температурасы түнкүсүн 0…2, күндүз 16…18 градус болот.

АКШда чоң пара төлөп балдарын Йел, Стэнфорд өңдүү абройлуу университеттерге өткөргөн ата-энелер менен 25 миллион долларлык коррупциялык схемага катышкандарга айып коюлду.

Бакай-Ата районунун Май айылынын тургундары Шыралжын кенин жабууну талап кылып чыгышты. Бул тууралуу «Азаттыктын» Таластагы кабарчысы Альбина Сулайманова кабарлады. Жашоочулар мындай талабын Шыралжын кенинде адамдар жоголуп жатканы менен түшүндүрүштү.  Май айылынын 34 жаштагы Рамис Тотонов аттуу тургуну 31-январда иштен чыккан боюнча үйүнө кайтып келген эмес. Ал дагы эле табыла элек. Эки баланын атасы алтын чыккан жерде эки жарым жылдан бери иштеп жүргөн. Бул тууралуу маалыматты жергиликтүү милиция ырастап... Читать дальше...

Бүткүл дүйнөлүк банктын өкүлү араб өлкөлөрүндөгү куралдуу чыр-чатактар олуттуу каржылык зыян алып келип, аймактагы кээ бир өлкөлөрдү экономикалык кыйроонун чегине жеткиргенин билдирди.

Жогорку Кеңештин мурдагы депутаты, саясатчы Камчыбек Ташиев кыргыз-тажик чек арасындагы кырдаалга байланыштуу өз пикирин «Фейсбуктагы» баракчасына бөлүштү. Ал «Баткендеги талаш жер үчүн баарына даяр» экенин жазып, азыркы бийликти «жагдайды жөнгө сала албайт» деп айыптады. Ошого байланыштуу саясатчы өзү жаңжал чыккан аймакка жөнөгөнүн кабарлады. «Кээ бирөөлөр айтышы мүмкүн «пиар» деп, бирок мен эч качан пиар менен жашаган эмесмин. Мен үчүн Кыргызстанымдын ар бир метр жери ыйык жана маанилүү. Мен Баткенге жөнөп жатам... Читать дальше...

Нарын шаарында Индиянын маданият күнү белгиленди. Ал Индиянын мамлекеттик ишмери Махатма Гандинин 150 жылдыгына арналды. Анын алкагында Индиядагы диний көп түрдүүлүк, байыркы маданияты менен искусствосу тууралуу кеңири маалымат берилип, жаштарга йога менен машыгуу уюштурулду. Дүйнө элине тараган йоганын философиясы, тарыхы жана сыры тоолуктар үчүн жаңылык болгону менен аны үйрөнүүгө кызыкчылык күчтүү экендиги байкалды.

Йемендин саламаттыкты сактоо министрлиги өлкөнүн борбор калаасында холера эпидемиясынын күч алып жатканы тууралуу эскертүү жасады.

Расмий маалыматтар боюнча учурда Кыргызстанда 480 миң адам орто жана чакан ишкерлик менен алектенет. Ишкерлер жыл өткөн сайын чакан бизнестен пайда көрүү оорлоп баратканын айтып, мамлекетке колдоо көрсөтпөгөнү үчүн нааразы.

Кыргызстан Бириккен Улуттар Уюмунун (БУУ) Майыптардын укуктары жөнүндө конвенциясын ратификациялады. Бул тууралуу мыйзамга президент Сооронбай Жээнбеков кол койду. Конвенцияны БУУ 2006-жылдын 13-декабрында кабыл алган. Кыргызстан ага 2011-жылдын 21-сентябрында кошулган. Анын максаты - майыптарга адамдын бардык укуктарын жана негизги эркиндиктерин толук жана бирдей камсыз кылуу, коргоо жана колдоо, ошондой эле алардын ар-намысын сактоо. Расмий маалыматтарга караганда, Кыргызстанда 181 миңден ашуун майып адам каттоого алынган. Читать дальше...