Новости за 22.04.2019

Түштүк Кореянын президенти мамлекеттик сапар менен Борбор Азияны кыдырууда. Мун Чжэ Индин 21-апрелде Казакстандын баш калаасы Нур-Султанга келди.  Анын бул сапарында экономикалык, инновациялык долбоорлорго өзгөчө басым жасалды. Акордонун маалыматына караганда, корей тарап «Санарип Казакстан 2018-2022» программасына катышууга кызыкчылыгы бар экенин, экономиканын бардык тармагын санариптештирүү тажрыйбасы менен бөлүшүүгө даяр экенин билдирди. Ошондой эле Нур-Султанда эл аралык IT борбор түзүү маселеси талкууланды. Читать дальше...

Ош шаарында Кытай өкмөтү салып берген оорукананы 22-апрелде президент Сооронбай Жээнбеков барып ачты. Аны Кытай 25 миллион 800 миң долларга курганы, жабдууларын да Бээжин бергени расмий кабарланды. Эки жыл мурун курула баштаган, 150 орундуу заманбап ооруканада сегиз бөлүм бар. Адистер жабдуу колдонууну Кытайга барып үйрөнүп келишти. Дарыгерлер эми тажрыйба алмашууга барып келишет. (YI)

АКШнын мамлекеттик катчысы Майк Помпео ооган президенти Ашраф Ганиге телефон чалып, «Талибан» кыймылы менен сүйлөшүүлөр кийинкиге жылдырылганына өкүнүчүн билдирди. Мамлекеттик департамент кабарлагандай, Помпео 21-апрелдеги телефондук сүйлөшүүсүндө талибдердин «жазгы чабуулдарын баштаганы» тууралуу билдирүүсүн да айыптаган.  250гө чукул ооган саясатчылары жана жарандык коомдун өкүлдөрү 19-апрелде Катардын баш калаасы Дохада «Талибан» кыймылынын өкүлдөрү менен жолукмак. Бул талибдер менен Кабул өкмөтүнүн... Читать дальше...

Белгилүү укук коргоочу, “Кылым шамы” адам укуктарын коргоо борборунун жетекчиси Азиза Абдирасулова бейөкмөт уюмдардын коомдук-саясий турмуштагы, ыңкылаптардагы ордуна, таасирине, жарандардын, укук коргоочулардын, саясатчылардын, президенттердин кызыкчылыктары менен укуктарына байланышкан суроолорго жооп берди.

Өкмөт башчы Мухаммедкалый Абылгазиев Кызыл-Омпол уран кенинин ишин экологиялык экспертиза аяктаганга чейин токтотуп турууну тапшырды. Расмий кабарга ылайык, 22-апрелде премьер-министр «Кыргызстандагы ЮрАзия» ишканасынын ишмердигине байланыштуу кеңешме өткөрдү. Өкмөттүн басма сөз кызматы билдиргендей, 2018-жылдын 31-декабрында кен казууга байланыштуу бардык жагдайларды изилдеп чыгуу максатында мекеме аралык жумушчу топ, 18-апрелде мекеме аралык комиссия түзүлгөн. Уран кенине байланыштуу бардык чечимдер... Читать дальше...

Бишкекте XIV эл аралык Jazz фестивалы жыйынтыкталды. Саамалыкка Кыргызстан, Австрия, Швейцария, Түркия баштаган сегиз мамлекеттен келген 11 музыкалык топ катышты. Эл аралык Jazz фестивалы Кыргызстанда 2006-жылдан бери жыл сайын үзгүлтүксүз өтөт. Уюштуруучулардын айтымында, музыканын бул жанрына кызыккандар көбөйүүдө.

Жекшембиде Судандагы нааразылык акциясын уюштургандар Өткөөл аскердик кеңешти тааныбай турганын билдирип, убактылуу бийлик өкүлдөрү менен сүйлөшүүнү токтотушту. Алар тарапкерлерин бийлик жарандык өкмөткө өткөрүлүп берилмейинче нааразылык митингдерин күчөтө берүүгө чакырып жатышат.  Өткөөл аскердик кеңештин башчысы Абдел Фаттах аль-Бурхан бул маселе боюнча жооп ушул жумада маалым болорун билдирген. Буга чейин аскердик бийлик элдин шарданы менен өлкөнү отуз жылдан бери башкарып келген Омар аль-Баширди президенттиктен алып, камаган. Читать дальше...

Кыргызстандын вице-премьер-министри Жеңиш Разаков баштаган делегация  20-апрелде Өзбекстандын Фергана шаарында Өзбекстандын премьер-министринин орун басары Элёр Ганиев баштаган өкмөт өкүлдөрү менен жолугушту. Эки өлкөнүн өкмөттөрү тараткан расмий кабарга ылайык, алар 2004-жылы 24-июлда кабыл алынган «Мамлекеттик чек ара жөнүндөгү келишимге» кирген жана бул келишимге кирбеген өткөрмө бекеттерине тиешелүү маселелерди талкуулашты. Сүйлөшүүлөрдүн жыйынтыгында протоколго кол коюлду. Өткөн жуманын соңундагы жыйынга Кыргызстандан Баткен... Читать дальше...

Пакистандын премьер-министри Имран Хан Тегеранда Ирандын президенти Хасан Роухани менен жолукту. Бул тууралуу Ирандын IRNA мамлекеттик маалымат агенттиги кабарлады. Бүгүн, 22-апрелде эки лидер расмий өкүлдөр менен бирге кеңири курамдагы сүйлөшүүлөрдү өткөрөт. Ошондой эле Имран Хан Ирандын жогорку лидери аятолла Али Хаменеи менен да жолукмакчы. Пакистандын премьер-министри Иранга эки күндүк расмий сапары менен 21-апрелде келген. Ирандын мамлекеттик маалымат каражаттары бул сапарда «террорчулукка... Читать дальше...

Украинадагы президенттик шайлоодо бирдиктүү улуттук экзит-поллдун жыйынтыгына ылайык, алдыда келаткан талапкер Владимир Зеленский боюнча кыргызстандык жаш юмористтердин пикирин чогулттук.

Жогорку Кеңештин депутаты Асел Кодуранова Юстиция министрлигинин жетекчилиги «Кыргызстан социал-демократиялык партиясынын (КСДП) төрагасы ким?» деген суроого жооп бере албаганын айтты. 22-апрелде министрликтин алдында экс-президент Алмазбек Атамбаевдин тарапкерлери, партиянын мүчөлөрү митинг өткөрүп, Кодуранова министрликтин жетекчилиги менен сүйлөшүүгө кирип чыкты.  Партия мүчөлөрү уюмдун айланасындагы талашты жөнгө салыш үчүн өкмөткө жети күндүк мөөнөт коюп тарашты. Алар эгер маселе чечилбесе андан ары чоң митингдер уюштуруларын айтышты. Читать дальше...

Кыргызстанда 25-апрель - Салттуу музыка күнүнүн 15 жылдыгына карата атайын жумалык өтүп жатат. Маданият, маалымат жана туризм министрлиги кабарлагандай, 20-апрелден тартып Бишкектеги маданият имараттарында түрдүү иш-чаралар уюштурулууда. Чеберлердин сабактары, ыр-күү менен коштолгон жыйындар, музейлерге саякаттар өткөрүлүүдө. 22-апрель Дастан күнү, 23-апрель Күү күнү, 24-апрель Ыр күнү деп белгиленди. 25-апрелде Ала-Тоо аянтында чоң көргөзмө-жармаңке жана гала-концерт болот.  2013-жылы Жогорку... Читать дальше...

Украинанын Борбордук шайлоо комиссиясынын расмий маалыматына караганда, президенттикке талапкер Владимир Зеленский 73 пайыз добуш алды. Бул - бюллетендердин 90 пайызы саналгандан кийинки маалымат. Анын атаандашы, мамлекет башчы Петро Порошенкону шайлоочулардын 24,5 пайызы колдогон. Бул кечээ добушканалар жабылгандан кийин дароо жарыяланган улуттук экзит-поллдун маалыматтары менен дээрлик дал келет. Актер жана куудул Владимир Зеленский Украинанын тарыхында эң көп добуш алган биринчи президент болуп калды. Читать дальше...

Маданият кызматкерлери жана айрым коомдук ишмерлер 22-апрелде Кубакы ашуусунда жыйын куруп, Ысык-Көлдө уран кенин иштетүүгө каршылык билдиришти. Ага катышкандар «Азаттыкка» кабарлашкандай, эки жүздөй киши чогулду. Алар кендин элге жана келечек муунга зыян экенин белгилеп, аны иштетүүнү токтотууга үндөштү.  Кинематографисттер союзунун башчысы Айбек Дайырбеков киночулардын атынан президентке кайрылып, уран кенин казууга жол бербөөнү өтүндү.  Коомчулукта Ысык-Көлдүн Көк-Мойнок айыл аймагындагы... Читать дальше...

БУУнун баш катчысы Шри-Ланкадагы жардырууларды айыптап билдирүү жасап, ыйык жайларды урматтоо зарыл экенин баса белгиледи.

Казакстандын борбори калаасына биринчи жолу Түштүк Кореянын президенти мамлекеттик сапары менен келди.

Шри-Ланкадагы бир катар жардырууларга катыштыгы бар деген шек менен 7 киши кармалганын Mehr агенттиги The Guardian басылмасына шилтеме берип жазды.

1937-жылдын 26-декабрында Кыргызстан Коммунисттик (большевиктер) партиясынын Борбордук комитетинин катчысы Керим Кенебаев Нарын райондук партия комитетинин биринчи катчылыгынын милдетин аткарууну Абдулла Качибековго жүктөгөн буйрукка кол койгон.

23-апрелде Жалал-Абад облусунун көпчүлүк аймактарында, Чүй, Ош, Баткен, Ысык-Көл, Нарын облустарынын кээ бир райондорунда мезгил-мезгили менен жамгыр жаап, бийик тоолуу райондордо кар түшөт. Тоолуу автожолдорго муз тоңот. Батыштан соккон шамалдын ылдамдыгы секундасына 4-9 метрге жетет.  Абанын температурасы: Чүй өрөөнүндө түнкүсүн 3...8, күндүз 13...18, Талас жергесинде түнкүсүн 2...7, күндүз 12...17, Баткен, Жалал-Абад, Ош облустарында түнкүсүн 6...11, күндүз 16...21, Ысык-Көл дубанында түнкүсүн 3...8... Читать дальше...

Кыргызстан чет элден келип иштеген мигранттарга патент системасын киргизүүгө камынууда.

Сауд Арабиясынын баш калаасы Эр-Риядга жакын жердеги полиция бөлүмүнө каршы уюштурулган кол салуу токтотулуп, чабуул койгон төрт адам атып жок кылынды. Төрт полиция кызматкери жарадар болду. Бул тууралуу жекшембиде «Al-Arabia» телеканалы өз булактарына таянып кабарлады.   Маалыматка ылайык, Зулфи конушундагы полиция бөлүмүнө пулемет, бомба жана Молотов коктейли менен чабуул коюлган. Кол салуу үчүн «Ислам мамлекети» террордук тобу жоопкерчилик алды. Окуянын чоо-жайы иликтенип жатат.

Экс-президент Алмазбек Атамбаев башкарган Кыргызстан социал-демократиялык партиясынын (КСДП) мүчөлөрү уюмдун айланасындагы талашты жөнгө салуу үчүн өкмөткө жети күндүк мөөнөт коюшту. 22-апрелде Бишкекте Юстиция министрлигинин алдына митингге чыккандар ушундай талап менен тарашты. Алар эгер маселе чечилбесе, андан ары чоң митингдер уюштуруларын айтышты.  22-апрелде Бишкекте Юстиция министрлигинин алдына чогулгандар партиянын лидери катары Сагынбек Абдрахманов катталганы мыйзамсыз болгонун белгилеп, нааразы болушту. Читать дальше...

Өзбекстанга быйыл үч айда бир жарым миллионго жакын турист келди. Менчик туризм уюмдар бирикмесинин маалыматына караганда, бул сан былтыркы ушул мезгилге салыштырмалуу эки эсе көп.  Бирикменин төрайымы Гүлчехра Исмаилова 2017-жылы Өзбекстанга 2,7 миллион турист келгенин, 2018-жылы 5,3 миллион чет элдик саякат жасаганын айтты.  Өзбекстан туристтерди көбүрөөк чакыруу максатында былтыр жүздөн ашуун мамлекетке виза режимин жойгон.

21-апрелде Ош шаарында ТҮРКСОЙ уюмунун курамындагы өлкөлөрдүн ЮНЕСКО боюнча комиссияларынын жыйыны өттү. Анда Кыргызстандын маданият, маалымат жана туризм министри Азамат Жаманкулов көкбөрүнү жана башка жалпы улуттук оюндарды түрк элдеринин атынан ЮНЕСКОнун маданий мурастарынын тизмесине киргизүүнү сунуш кылды. Министрдин пикиринде, айрым окшош улуттук баалуулуктарды ар ким өз атынан каттабастан, жалпы түрк дүйнөсүнүн атынан каттатса туура болот. Ошондой эле жыйында ЮНЕСКОго катталган бир катар тарыхый жайлардын абалы тууралуу кеп козголду. Читать дальше...

«Hindustan times» басылмасы Шри-Ланкадагы жардыруулардын курмандыктары 290 адамга жеткенин жазды. Анын алдында «News 1st» басылмасы бул каргашадан курман болгондор 262 киши экенин кабарлаган. Жарадарлар 500дүн тегерегинде.  Шри-Ланкада 21-апрель күнү катар-катары менен сегиз жардыруу болгон. Өлкөнүн коргоо министри Рувана Вийервардена аны жанкечтилер ишке ашырганын айткан. Тышкы иштер министрлиги өлгөндөрдүн ичинен кеминде 27 адам чет өлкөнүн жарандары экенин кабарлады. Кылмышка шектүүлөрдү кармоо учурунда үч полиция кызматкери мерт болгон.