Новости за 25.04.2019

Кызыл-Омпол кени боюнча «Кыргызстандагы ЮрАзия» компаниясына  берилген лицензия кайтарып алынып, кенди иштетүүгө толук тыюу салынды. Бул тууралуу биринчи вице-премьер-министр Кубатбек Боронов Тоң районунун тургундары менен жолугушкан учурда айтты. - Мен расмий түрдө айтып жатам, уран кенин иштетүү жабылды. Алардын (ред: компаниянын) колунда уран кенин иштетмек турсун, чалгындоо жүргүзгөнгө да акысы жок. Лицензияны кайтарып алдык. Лицензия жок болгондон кийин кандай иш жүрсө да ал мыйзамсыз, - деди Боронов. Читать дальше...

Польша менен Беларус "Дружба" өткөргүчү аркылуу орус мунайын кабыл алууну токтотушту.  Буга батыштык сатып алуучулар "булганган жана сапаты начар" деген негизде орусиялык мунайды алуудан баш тартканы жүйө келтирилди.   Беларус 19-апрелде советтик доордо курулган "Дружба" өткөргүчү аркылуу келген мунайдын сапаты кескин начарлап кеткенин билдирген. Булганычтын булагы Орусиянын Самара-Унеча мунай өткөргүчүнө жакын жерден табылганын айткан. Мунай өткөрүүгө жооп берген "Гомельтранснефть - Дружба"... Читать дальше...

«Сөз дайранын» бүгүнкү чыгарылышында байтак, баки, басыр, борч деген сөздөрдүн маанисин талдайбыз.

«Amnesty International» (AI) эл аралык укук коргоо уюму казакстандык активисттер Асия Тулесова менен Бейбарыс Толымбековду «абийир туткуну» деп тааныды. Уюм казак бийлигин экөөнү тез арада боштондукка чыгарууга чакырды.  Уюмдун билдирүүсүнө караганда, Казакстанда тынч жыйынга чогулуу укугу «катаал түрдө чектелет». Өз пикирин билдирип чыккан Тулесова менен Толымбековго «административдик да, кылмыш санкциялары да салынбашы керек болчу». Эки активист Алматыдагы марафон учурунда таза шайлоого чакырык... Читать дальше...

Жогорку Кеңеш кыргыз өкмөтүнүн 2018-жыл үчүн отчётун канааттандырарлык деп тапты. Парламентте 103 депутат «макул», бир депутат «каршы» добуш берди. Эл өкүлдөрү өкмөттүн былтыркы иштери боюнча отчётун 24-апрелде жана бүгүн укту.   Премьер-министр Мухаммедкалый Абылгазиевдин маалыматына караганда, былтыр Кыргызстандын ички дүң өнүмү 3,5% өскөн. Ошол эле учурда чет элдик түз инвестициялардын келиши 7,6% азайган. Ал эми калктын өкмөткө болгон ишеним индекси 0,6% төмөндөгөн. Былтыр республикалык бюджеттин кирешеси – 135,4 млрд. Читать дальше...

Президент Сооронбай Жээнбеков бүгүн, 25-апрелде «Бир алкак – бир жол» форумуна жана «Дүйнөлүк бак өстүрүү - 2019» көргөзмөсүнө катышуу үчүн Кытайдын Бэээжин шаарына жумушчу сапары менен учуп кетти. Президенттин басма сөз кызматы иш сапарынын алкагында өлкө башчысы Кытайдын төрагасы Си Цзиньпин, бизнес-компаниялардын жетекчилери жана илимий чөйрөнүн өкүлдөрү менен жолугушарын билдирди. Сооронбай Жээнбеков менен кошо тышкы иштер министри Чыңгыз Айдарбеков, президенттин аппаратынын тышкы саясат бөлүмүнүн башчысы Данияр Сыдыков... Читать дальше...

«Санарип Кыргызстан: аймактарды өнүктүрүү» аттуу биринчи телекоммуникациялык форумда бир катар аткаминерлер уйкусурап отурганына, айрымдарынын уктап эле калганына күлгөндөр көп.

Ондогон өлкөнүн лидерлери 25-27-апрелде өтүүчү «Бир алкак - бир жол» форумуна катышуу үчүн Кытайдын борбору Бээжинде чогулуп жатышат. Алар дүйнөдөгү жолдордун курулушун жана деңиз соода жолдорун талкуулашат. Жыйынга катышуучулардын арасында Орусиянын, Өзбекстандын, Кыргызстандын президенттери, Италиянын, Пакистандын премьер-министрлери, Германия менен Франциянын министрлери бар.  Кошмо Штаттар жыйынга расмий өкүлүн жиберген жок. 2013-жылы башталган «Бир алкак - бир жол» долбоору Кытайды Европанын... Читать дальше...

Тажикстандын Файзабад районунда 24-апрелде суу ташкынынан эки адамдын өмүрү кыйылды. "Азаттыктын" тажик кызматы билдиргендей, маркумдар Сайдони айылынын жашоочулары. Алар нөшөрлөгөн жаандан улам сел жүргөн учурда жайлоодо мал карап жатышкан.  Суу каптоо коркунучуна байланыштуу Рудаки районунда Элок дарыясын бойлой жайгашкан Шафак, Комсомол, Адолат жана Руми айылдарынын эли коопсуз жайга көчүрүлдү. Аялдар менен балдар мектеп, мечит, коңшу айылдардын жашоочуларынын үйлөрүнө жайгаштырылды.     Аталган... Читать дальше...

Түндүк Кореянын лидери Ким Чен Ын менен Орусиянын президенти Владимир Путин Ыраакы Чыгыштагы Владивосток шаарында 25-апрелде жолугушту. Тараптардын кездешүүсү шаардагы Федералдык Ыраакы Чыгыш университетинин кампусунда өттү. Алгач алар дээрлик эки саат бою көзмө-көз сүйлөштү. Андан кийин жыйынга эки мамлекеттин тиешелүү жетекчилери кошулду. Жолугушуудан соң Ким Чен Ын Путин менен «абдан маанилүү» сүйлөшүү болгонун айтты. - Биз азыр эле эки тараптуу кызыкчылыктарды жактаган маселелер боюнча мазмундуу пикир алмаштык... Читать дальше...

Облус аймагынын бардык район-шаарларында кыз-келиндер арасында диний экстремизм боюнча түшүндүрүү иштери жүрдү. Ага билим берүү мекемелеринин, ички иштер органдарынын жана дин өкүлдөрү катышты. Облустук ички иштер башкармалыгы «Азаттыкка» билдиргендей, мындай иш-чара аял заты жергиликтүү «хужраларда», диний билим алуу процессинде билип-билбестен «Хизбут-Тахрирдин», салафиттик же такфирчилик топтордук катарына кошулуп калышын токтотуу, экстремизм менен радикализмдин жайылышынын алдын алуу максатында уюштурулду. Читать дальше...

Орусиянын президенти Владимир Путин менен Түндүк Кореянын лидери Ким Чен Ын Владивосток шаарында биринчи ирет жолугушту.

Сириянын Коргоо министрлигинин орунбасары өлкөдөгү америкалык коалициянын кетүүсүн талап кылды.

Орусия президенти Владимир Путиндин Украинанын чыгышындагы жикчилдер көзөмөлдөгөн аймактардын жашоочуларына орус паспортторун берүүнү жеңилдетүү жөнүндөгү жарлыгына байланыштуу Киев БУУнун Коопсуздук Кеңешине кайрылды. Бул тууралуу Украинанын БУУдагы туруктуу өкүлү Владимир Ельченко билдирди. Дипломат Орусия Минск келишимин бузуп жатканын айтты. Буга чейин Украинанын жаңы президенти Владимир Зеленскийдин штабы паспорт берүүнү жеңилдетүүгө байланыштуу дипломатиялык жана санкциялык басымдарды күчөтүүгө үндөгөн. Читать дальше...

Кыргызстандын курама командасы футбол боюнча турнирдин биринчи оюнунда жеңишке жетти.

«Бүтүн Кыргызстан» саясий партиясы 2020-жылы боло турган парламенттик шайлоодо өзүнүн платформасы менен чыгат. Бул тууралуу партиянын лидери Адахан Мадумаров «Азаттыктагы» маегинде билдирди. Ал өлкөдөгү бардык прогрессивдүү саясий күчтөр менен биригүүгө даяр экенин, ал жетектеген партия дайыма ачык болгонун кошумчалады. Мадумаров өлкөдөгү саясий кырдаал, өзү жетектеп турган партиянын келечек пландары, экономика, саясаттагы абал тууралуу «Азаттыктын» «Бийлик сырлары» берүүсүндө жооп берди. (КЕ)

Украинанын жикчилдер көзөмөлдөгөн Донбасс аймагынын тургундары орус жарандыгын жеңилдетилген жол менен алмай болушту. Тиешелүү жарлыкка 24-апрелде орус президенти Владимир Путин кол койду. Расмий Киев бул чечимди кескин айыптап чыкты.

Украиналык Анатолий Патий апельсиндин данегин эгип, андан экзотикалык мөмө-жемиштер фермасын түзө алды. Ишкердин күнөсканаларында апельсин, мандарин, лимон, банан, ананас, анжир, авокадо жана башка өсүмдүктөр бар.

Шри-Ланканын коргоо министрлиги өлкөнүн бир катар шаарларындагы жардырууларды уюштурган тогуз жанкечтинин бири аял болгонун маалымдады.

Кен казган компанияларга берилген лицензияларга карата инвентаризация иштери аягына чыгып калды. Бул тууралуу бүгүн, 25-апрелде парламент жыйынында өкмөт башчы Мухаммедкалый Абылгазиев депутаттардын суроолоруна жооп берип жатып билдирди. Өкмөт башчы анын жыйынтыгы менен тоо-кен тармагындагы саясат өзгөрө турганын айтты. - Азыр инвентаризация, талдоо жүрүп жатканына байланыштуу лицензия берилбей жатканы үчүн көп арыз-даттануулар болуп жатат. Ошого карап тоо-кен тармагында кайсы багытка кетип жатканыбызды аныктайбыз... Читать дальше...

Жогорку Кеңештин депутаты Исхак Масалиев Алмаз Мамбетовдун Мамлекеттик каттоо кызматына жетекчи болуп дайындалышын сынга алып, буга чейин ага байланыштуу аудио жазуу тараганын айтты. Премьер-министр Мухаммедкалый Абылгазиев депутатка жооп берип жатып Мамбетовго «ыплас сөздөрдү азыраак колдон» деп эскерткенин билдирди. «Кесиптешибиз Балыкчы шаарында санариптештирүү боюнча жакшы кадамдарды жасады. Анын ичинен элге мамлекеттик кызматты жеткирүү боюнча. Эми Интернетте жүргөн боюнча ага жанагындай сөздөрдү азыраак колдон деп айттым»... Читать дальше...

Жогорку Кеңеш кыргыз өкмөтүнүн 2018-жыл үчүн отчётун угууга киришти.

Кыргызстанда майып балдардын жеке кароочусу катары 4903 киши айлык алууда. Бул тууралуу бүгүн парламент жыйынында эмгек жана социалдык өнүгүү министри Улукбек Кочкоров билдирди. Анын айтымында, тубаса майып төрөлүп, 18 жаштан ашкандардын ата-энеерине да акча чегерүү боюнча сунуштар иштелип жатат. "Биз алты миң баланын ата-энесине беребиз деп пландаганбыз. Бүгүн 4903 кишиге берилип жатат, себеби ушунча киши кайрылды. Азыр тубаса майып болуп төрөлүп, 1-топтогу майыптыгы бар, бирок 18 жаштан ашкандар 4981 адамды түзөт экен. Читать дальше...

Иран Ислам Республикасынын тышкы иштер министри БУУнун баш катчысы менен жолугушуп, аймактагы маселелер жана Американын бир тараптуу мыйзамсыз иш-аракеттери тууралуу сүйлөштү.

Түштүк магистралда 25-апрелде түнкү саат 2:00 чамасында жол кырсыгы катталып, эки киши оор абалда ооруканага жеткирилди. Бул тууралуу “Азаттыкка” Бишкек шаардык Жол кыймыл коопсуздугун камсыздоо боюнча башкы башкармалыктын басма сөз кызматы кабарлады. Маалыматка караганда, кырсык “Ала-Тоо” ресторанынын маңдайында болгон. Mercedes-Benz автоунаасынын 18 жаштагы айдоочусу катуу ылдамдыкта баратып, жолдун четиндеги тосмону сүзгөн. Натыйжада машина күйүп кеткен. Андагы эки киши ооруканага жеткирилди. Читать дальше...