Новости за 03.07.2019

Экс-президент Алмазбек Атамбаевдин мурдагы кеңешчиси, камактагы Икрамжан Илмияновго карата козголгон кылмыш ишинин материалдары сотко жиберилди. Улуттук коопсуздук боюнча мамлекеттик комитет (УКМК) Илмиянов алдамчылык менен 150 миң доллар акча каражатын мыйзамсыз ээлеп алган факты тергелип бүткөнүн 3-июлда билдирди. 10-июндагы тергөөнүн жыйынтыгына ылайык, Илмиянов Жазык кодексинин 204-беренесинин 3-бөлүмү («Өзгөчө ири өлчөмдөгү алдамчылык») боюнча кылмыш жасагандыгы тууралуу маалымдалып, тергөө аягына чыккандыгы жарыяланды. Читать дальше...

Бишкек милициясы шаардын чок ортосунда чет элдик жарандын катуу сабалганы боюнча фактыны Кылмыштар менен жоруктардын бирдиктүү реестрине каттады. Бул тууралуу «Азаттыкка» шаардык ички иштер башкармалыгынын басма сөз кызматынын өкүлү Нурбек Токтосунов билдирди. Анын айтымында, катуу сабалып, учурда Улуттук госпиталда жаткан адам Нигериянын жараны. Кылмышка шектүүлөр табыла элек. Издөө-тергөө иштери башталды. Буга чейин шаардын борборунда айрым адамдардын эс-учун жоготуп жаткан ынды кара кишиге жардам... Читать дальше...

Чүй облусунун Токмок шаарында тамакка ууланып, дарыгерлерге 100дөн ашуун киши кайрылды. Ооруканага жаткырылгандардын саны 50 кишиге жетти. Бул тууралуу «Азаттыкка» Саламаттык сактоо министрлигинин басма сөз катчысы Жылдыз Айгерчинова билдирди. Уулангандар Кочкор, Токмок, Ысык-Көл, Чүй аймактык жана Бишкектеги республикалык жугуштуу оорулар ооруканасында дарыланып жатышат. Арасында балдар да бар. Тойго баргандар балык, тоок, краб таякчалары кошулган салат жегенин «Азаттыкка» билдиришкен. Азырынча уулануунун себептери расмий айтыла элек. Читать дальше...

Москва өзөктүк келишимдин европалык мүчөлөрүнүн инстексти Иран менен соода-сатык мамилелеринде натыйжалуу жана реалдуу механизм катары ишке ашырууларын каалайт.

Бул тууралуу VI чакырылыштагы Жогорку Кеңештин V сессиясы өз ишин аяктаганына байланыштуу төрага Дастанбек Жумабеков басма сөз жыйынын өткөрүп жатып билдирди. Ал мурдагы президент Алмазбек Атамбаевдин кол тийбестигин алуу боюнча парламент өз ишин аткарганын, мында мыйзам бузуу болбогонун айтты: - Биз эч кандай регламенттен чыккан жокпуз. Баары мыйзамдуу болду. Парламент өзү кабыл алган мыйзамдарга жоопкерчилик алууга даяр.  Жогорку Кеңеш 27-июндагы жалпы жыйынында Алмазбек Атамбаевди экс-президент макамынан ажыраткан. Читать дальше...

Кыргызстан социал-демократиялык партиясынын (КСДП) расмий өкүлү, мурдагы президент Алмазбек Атамбаевдин кеңешчиси Кундуз Жолдубаева Коомдук телерадиоканал (КТРК) Раиса Атамбаева тууралуу тараткан маалыматты «чындыкка коошпой» турганын айтты:  -Бул коомдук пикир жаратуу максатында жасалган кара пиардын бир түрү. Ал көрсөтүүдө көбүртүп-жабыртылган маалыматтар болду. Так фактылар болгон жок. Атайылап каралоо үчүн жасалган, - деди Жолдубаева.  «Ала-Тоо 24» телеканалы 2-июлда «Көлөкө. Инвесторлордун... Читать дальше...

Орусиянын Федералдык коопсуздук кызматы же ФСБ Татарстандын мечиттерине видеокамераларды орнотууну көздөп жатат. Казандагы мечиттердин жетекчилери муну Шинжаңдагы мусулмандар кабылган кырдаалга салыштырышты.

Ушул күндөрү Бразилияда өтүп жаткан футбол боюнча Түштүк Америка өлкөлөрүнүн кубогу жарым финалдык оюндарга жетти. Бүгүн таңкы саат алтыда Бразилия менен Аргентинанын курама командалары финалга жолдомо алыш үчүн ойношту. Курамына Лионел Месси кошулганына карабай, Аргентинанын футболчулары үй ээсине 2:0 эсебинде утулуп калды. Ал эми Бразилиянын курама командасындагы эң мыкты оюнчу Неймар алган жараатына байланыштуу ойногон жок. Оюндун жүрүшүндө биринчи таймда алгачкы голду Габриэл Жезус киргизсе... Читать дальше...

Тышкы иштер министринин орун басары Нуран Ниязалиев башында турган кыргыз делегациясы БУУнун Билим берүү, илим жана маданият маселелери боюнча уюму - ЮНЕСКОнун Дүйнөлүк маданий жана жаратылыш мурастары өкмөт аралык комитетинин Баку шаарында өтүп жаткан жыйынына катышууда. 43-сессиянын алкагында «Кыргызстандын маданий жана жаратылыш мурастары» аттуу көргөзмө уюштурулду. Ачылыш аземине Азербайжандын маданият министринин орун басары С.Мамедалиев, ЮНЕСКОнун Азия - Тынч океан аймагы боюнча борборунун башчысы Ф.Жинг... Читать дальше...

Казак бийлиги Түркстан облусундагы Арыс шаарынын ар бир тургунуна компенсация катары 100 миң теңгеден (263 доллар) төлөп берүүнү пландап жатат.

Евробиримдиктин өкүлдөрү менен Борбор Азиянын тышкы иштер министрлеринин Бишкекте өтүүчү жолугушуусунун алдында сегиз эл аралык уюм Азимжан Аскаровду эркиндикке чыгаруу маселесин көтөрүштү.

Орусиянын Екатеринбург шаарында кыргыз диаспорасынын башчысы Камчыбек Каримовду атып кетишти. Окуя 2-июлда күндүз саат үч-төрттөрдө Каримов жашаган үйдүн жанында болгон. Кылмышкерлер маркумдун сумкасынан акчасын алып, из жашырганы айтылууда. Жалпы орусиялык кыргыз конгрессинин өкүлү Матмырза Болотбеков бул кол салуу аны карактоо максатында уюштурулганын айтты: "Жеке ишкер катары соода менен алектенчү. Акчасын тонойбуз деп, артынан түшүп, атып кетишкен деп боолгоп турабыз. Өзү такыр криминалга аралашпаган... Читать дальше...

Финансы министринин орун басары Мирланбек Байгөнчөков берген арызына ылайык ээлеген кызматынан бошотулду. Тийиштүү буйрукка премьер-министр Мухаммедкалый Абылгазиев кол койду. Өкмөт башчынын дагы бир буйругу менен Сүйөркул Абдыбалы тегин финансы министринин орун басары болуп дайындалды. Министрдин жаңы орун басарын борбордук аппараттын жамаатына өкмөттүн аппарат жетекчиси-министр Самат Кылжыев тааныштырды. (КЕ)

Орусия Коргоо министрлиги суу астында сүзүүчү кеменин өрттөнүүсүнөн 14 аскер курман болгонун кабарлады.

Ишкер Жалил Атамбаевге жана анын жакындарына таандык компаниялар 40 миллион сом салыкты жашырганы аныкталганы кабарланды. Экономикалык кылмыштарга каршы күрөшүү мамлекеттик кызматы (Финпол) Оштогу ишкер Жалил Атамбаевдин салыктан буйтаганы тууралуу фактыга байланыштуу териштирүүнүн алгачкы жыйынтыгын 3-июлда жарыялады. Сүрүштүрүү иштери "Азаттыктын" иликтөөсүнөн кийин башталган.  Көрсөтүүдө айтылган фактылар Кылмыштар менен жоруктардын бирдиктүү реестрине 22-апрелде катталган. Иликтөө иштери... Читать дальше...

Дүйнөлүк державалар Иранды 2015-жылдагы өзөктүк келишимге кайтууга чакырып жатышат. Германия, Британия, Франциянын тышкы иштер министрлери, Евробиримдик 2-июлда биргелешкен билдирүү таратып, Тегеранды өзөктүк келишимди буза турган кадамдардан оолак болууга үндөштү. Мындай чакырык Иранда аз байытылган уран чектен ашып кеткени ачыкка чыккандан кийин жасалды. Дүйшөмбүдө Иранда аз байытылган урандын запасы 2015-жылдагы эл аралык келишимде каралган 300 килограммдык лимиттен ашып кеткени расмий белгилүү болгон. Читать дальше...

Кыргызстанда сууга чөгүп каза болгондордун саны көбөйүп жатат. Буга байланыштуу Өзгөчө кырдаалдар министрлиги жарандарга кайрылып, жайкы мезгилде сууга түшүүдө этият болууга чакырууда. Мекеме шар аккан сууга, терең саздарга жана көлмөлөргө түшпөөгө кеңеш берип, сууда сүзө турган кемселдерди кийип алуу зарыл экенин эскертти. Министрликтин басма сөз катчысы Элмира Шерипова билдиргендей, быйыл жыл башынан бери 57 адам сууга чөгүп кетти. Анын он сегизи 12 жашка чейинки балдар, он экиси өспүрүмдөр.... Читать дальше...

Бишкектеги «Медиафорум» имаратынын алдында бүгүн «эски элитага каршы» тынчтык митинг өтөт. Бул тууралуу митингди уюштуруп жаткан мурдагы президент Алмазбек Атамбаевдин тарапкерлери билдиришти. Алардын маалыматына караганда, митингде «Эски элита кетип, жаңы элдик лидерлер келсин!» деген чакырык бийликке ташталат. Ага Атамбаев өзү да катышарын билдирген. Бийлик Атамбаев жана анын тарапкерлеринин митинг тууралуу маалыматына расмий комментарий бере элек. 27-июнда Жогорку Кеңештин Атамбаевдин «экс-президент» макамын алып... Читать дальше...

Орусиянын президенти Владимир Путин Аскер-деңиз флотунун 14 жоокеринин өлүмүн иликтөөнү коргоо министри Сергей Шойгуга тапшырды. Путин Шойгуну 2-июлда кабыл алып, окуяны «флот, жалпы эле армия үчүн чоң жоготуу» деп атады. Ал министрге иликтөөнү жерине барып жүргүзүүнү тапшырды.  1-июлда Баренц деңизинде Түндүк аймактык Аскер-деңиз флотунун 14 жоокери суунун тереңинде илимий изилдөө менен алектенген аппаратта чыккан өрттөн каза болушкан. Кырсык изилдөөнүн алкагында биометрикалык ченөө иштерин жүргүзүп жаткан маалда болгону... Читать дальше...

Президенттик аппараттын соттук реформа жана мыйзамдуулук боюнча бөлүмүнүн мурдагы башчысы Манасбек Арабаев Раиса Атамбаевага каршы көрсөтмө берди. Анын мурдагы президент Алмазбек Атамбаевдин жубайына каршы көрсөтмө берип жатканы тууралуу укук коргоо органдарынын видеосу коомдук «Ала-Тоо 24» телеканалында 2-июлда жарыяланды. "Көлөкө. Инвесторлордун мүлктөрүнө кол салган Атамбаевдин эң жакын адамдары» деп аталган программада Арабаев Раиса Атамбаева аны курулуш компаниянын ишин сотто кароого көмөктөшүүнү сураганын айткан. Читать дальше...

Түркия бийлиги бул өлкөгө барып иштөөнү каалаган кыргызстандар үчүн документ алуунун жол-жобосун жеңилдетти. Бул тууралуу Кыргызстандын Тышкы иштер министрлиги билдирди. Маалыматка караганда, макулдашуу тышкы иштер министри Чыңгыз Айдарбековдун май айында Түркияга болгон расмий сапарында түзүлгөн.  Ага ылайык, Анкара Түркияга барып иштей турган кыргызстандыктарга документ алууда төлөнүүчү акчаны арзандатты. Түркиянын Үй-бүлө, эмгек жана социалдык кызмат көрсөтүүлөр министрлигинин чечими менен эми... Читать дальше...