Новости за 11.07.2019

Украинанын президенти Владимир Зеленский 10-июлда Борисполдо жыйын өткөрүп жатканда шаардык кеңештин катчысын залдан кууп чыкты. Президент Ярослав Годунок «адамга оор жаракат келтирип, каракчылык кылган» деген айып коюлганы тууралуу маалыматты Итернеттен таап алгандан кийин, аткаминерге: «Бул жактан чыгып кет, каракчы» деп кайрылды. Шаардык оорукананын начар абалы, шарты тууралуу талкуу болуп жатканда Годунок баса-баса сүйлөп Зеленскийдин көңүлүн өзүнө бурдурган эле. Аткаминер өзү жыйындагы окуяны... Читать дальше...

Орусиянын борбору Москва шаарындагы Кызыл аянтка 10-июлда крым татарларын куугунтуктоону токтотууну талап кылып чыккан жети активистти полиция кармап кетти. Калгандары качып кеткенге үлгүрдү. Жалпысынан акцияга жарым аралдан келген 20дай киши чыккан.  Алар Крым татарлары террорчулукка катышы бар деген шек менен кармалып жатканына нааразылык билдиришкен.  Өткөн айда Ростов-на-Дону шаарынын аскердик соту «Хизб ут-Тахрир» диний-экстремисттик уюмунун белдүү мүчөсү деп саналган беш Крым татарын эркинен ажыраткан. Читать дальше...

Пакистанда 11-июлда эл ташып бараткан поезд жолдо жүк жүктөлүп турган вагонду сүзүп алып, кеминде 11 адам ажал тапты, дагы ондогон адам жабыркады.  Полициянын өкүлү Хафиз Бути өлгөндөрдүн саны мындан да көп болушу мүмкүн экенин, жабыркагандардын арасында үчөөнүн абалы өтө оор экенин билдирди. Анын айтымында, кырсыктаган поездде камалып, чыга албай калган жүргүнчүлөр да бар. Полициянын жетекчиси Умер Саламат кырсыктаган поезд Лахор шаарынын Белужистан провинциясын көздөй жол тартып баратканын айтты. Читать дальше...

Ирандын атомдук энергия боюнча уюмунун жетекчиси Иран дайыма аймактык бүтүндүгүн жана укуктарын коргоого аракет кыларын билдирди.

Кыргызстандык акын Перизат Алмаз кызы Казакстандын Абай медалы менен сыйланды. Сыйлык «Казак-Кыргыз адабий-маданий алакаларын жүргүзүп, Абайды Манастын тилинде сүйлөткөндүгү үчүн» деп берилген. Бул тууралуу Кыргыз улуттук жазуучулар бирикемсинин катчысы Чолпон Орозалиева кабарлады. Маалыматка ылайык, бул медаль кыргызстандык акынга Казакстандын борбору Нур-Султанда өтүп жаткан «Евразия борборлорунун жазуучулары» эл аралык форумунда тапшырылды. «Дүйнөлүк адабият: стереотиптерди жоюу» деп аталган эл аралык форумга Испания... Читать дальше...

Иран Перс булуңунда мунай ташып бараткан Британиянын танкерин беш кеме менен кубалап, колго түшүргөнгө аракет кылды. Бул тууралуу АКШнын бийлик өкүлдөрүнө шилтеме кылып «Reuters» маалымат агенттиги жазды. Ага ылайык, ирандыктар «British Heritage» танкерине өздөрүнүн аймагындагы жээкке токтоо тууралуу буйрук беришкен, бирок британ күзөт кемеси жардамга келип, абага америкалык тик учак көтөрүлгөндөн кийин гана иран кемелери артка чегинген. Британия бул окуя тууралуу азырынча комментарий бере элек.... Читать дальше...

Мурдагы президент Алмазбек Атамбаевди суракка чакыруу процесси мыйзамда кандай көрсөтүлсө ошонун чегинде жүргүзүлөт. Бул тууралуу Ички иштер министрлигинин басма сөз кызматы билдирди. «Ким качан жана канча жолу чакырыла турганы жаңы Жазык-процессуалдык кодексте так жазылган. Чакыруу процесси мыйзамда кандай көрсөтүлсө ошонун чегинде жүргүзүлөт», - деп жазылган мекеменин басма сөз кызматынын маалыматында. Бүгүн, 11-июлда мурдагы президент Алмазбек Атамбаев экинчи жолу Ички иштер министрлигинин Тергөө кызматына суракка барбай койгон. Читать дальше...

Токмок шаарынын соту дарыканадан 25 миң сом уурдаган жаранды 70 миң сом айып пулга жыгып, 5 жылга эркинен ажарытты. Айыпталуучу Замир Кожоканов кылмышка ооруп жаткан кызына дары алууга акчасы жок үчүн барганын айтып, күнөөсүн мойнуна алып, милицияга өзү барган. Замирдин жакындары жана юристтер сот жеңилдетүүчү жагдайларды эске албай, катаал чечим чыгарды деп эсептешет. Бул окуя социалдык тармактарда кызуу талкууга түшүп, колдонуучулардын көбү соттон ишти кайра карап чыгып, жазасын жеңилдетүүнү суранып жатышат.

12-июлда жаан-чачын жаабайт. Батыштан соккон шамалдын ылдамдыгы секундасына 4-9 метрге жетет. Абанын температурасы: Чүйдө түнкүсүн 17…22, күндүз 33…38; Таласта түнкүсүн 14…19, күндүз 32…37; Баткенде, Ошто, Жалал-Абадда түнкүсүн 17…22, күндүз 33…38; Ысык-Көлдө түнкүсүн 11…16, күндүз 25…30; Нарында түнкүсүн 9…14, күндүз 25…30; Бийик тоолуу райондордо түнкүсүн -1…+4, күндүз 11…16 градус болот. Бишкекте жаан-чачын жаабайт. Абанын температурасы түнкүсүн 20…22°, күндүз 36…38° болот.

Германиянын канцлери Ангела Маркел соңку төрт жуманын ичинде жолугушууларда үчүнчү жолу калтырап-титиреген абалына байланыштуу кооптонгон пикирлерди негизсиз деп атады. Ал «ыйгарым укуктарын өтө жакшы аткара алаарын» айтты. Меркел 10-июлда Финляндиянын премьер-министри Антти Ринне менен жолушканда да калтырап-титиреди. Жолугушуудан  кийинки басма сөз жыйынында: «Менде баары жайында. Мен Украинанын президенти Владимир Зеленский менен жолугушуу маалында эмне себептен ошондой абалда болгонумду иликтеп жатканымды жакында айткам», - деди Меркел. Читать дальше...

Жогорку Кеңештеги «Ата Мекен» фракциясы 2016-жылдан тартып системдүү оппозиция. Бул тууралуу фракциянын лидери, депутат Алмамбет Шыкмаматов «Азаттыктагы» маегинде билдирди. Ал Кыргызстандагы оппозиция жана алардын орду туурасында пикирин айтты:  - Биз сот реформасын, өкмөттүн кадр саясатынын, экономиканы алдыга жылдыра турган концепциясынын, инвестиция тартуу боюнча реалдуу ишинин жоктугун сындап, жер байлыгы боюнча мамлекеттин жүргүзүп жаткан саясаты туура эмес экенин айтып келебиз. Ошону менен биз ашынган радикалдардан айырмабыз ушул. Читать дальше...

Ат-Башыда кыш заводу ачылды. Жумуштун оордугуна карабай аялдар да кыш кынап, үй бүлөнү багып, балдарды чоңойтуунун аракетинде. Ушул тапта ишканада отузга чукул киши эмгектенип жатат.

Орусиянын тышкы иштер министринин орун басары өлкөнүн Иран жана Түркия менен биргелешкен жыйыны Нур-Султан шаарында өтөрүн билдирди.

Грекиянын түндүк-чыгышындагы Халкидики жарым аралында катуу шамалда кеминде алты чет өлкөлүк турист өлдү.  «Reuters» маалымат агенттиги алардын экөө Орусиянын жарандары экенин кабарлады. Ага ылайык, эки жашар уулу менен жүргөн кишини бак басып калган. Грек жалпыга маалымдоо каражаттары ажал тапкандардын арасында Чехиянын жана Румыниянын жарандары да бар экенин жазышты.  Шамалдан жүздөн ашуун адам жабыркады. Жергиликтүү бийлик жарым аралда чукул кырдаал жарыялады.  Шамалдын алдында Грекияда күн катуу ысып... Читать дальше...

Ливандын президенти Мишель Наим Аун АКШнын Ливан парламентиндеги Хезболланын өкүлдөрүн санкциялардын тизмегине киргизүүсү бул өлкөнү сыйлабагандык болуп саналарын айтып, Вашингтонду бул чечимден баш тартууга чакырды.

Бишкектеги Гапар Айтиев атындагы Кыргыз улуттук көркөм сүрөт музейиндеги баалуу эки сүрөттүн жасалма экени аныкталды. Бул тууралуу музейде жоголгон сүрөттөрдүн жана мурдагы директор Юристанбек Шыгаевдин тегерегинде түзүлгөн эксперттик комиссия музейдин фондунда турган 250 сүрөттү текшерип чыккандан кийин белгилүү болгон. Сүрөтчүлөр бирикмесинин төрагасы, комиссия жетекчиси Таалай Усубалиевдин «Азаттыкка» билдиргени боюнча, дагы бир сүрөт шек жаратып жатат.  - Комиссия 250дөй ишти текшерди, - деди ал. Читать дальше...

Кыргызстандын президенти Сооронбай Жээнбеков 10-июлда Швейцариянын Берн шаарында ири бизнес өкүлдөрү менен жолугушуп, биргелешкен инвестициялык долбоорлорду ишке ашырып, өндүрүм экспорттоону кеңейтүүнүн зарылдыгын белгиледи. Мамлекет башчы өлкөлөр ортосундагы соода-экономикалык байланыштар колдо бар мүмкүнчүлүктөргө шайкеш келбегенин жана Кыргызстан «ВСП+» макамынын базасында Швейцария менен кызматташууга кызыгаарын айтты. Ал Кыргызстан Швейцариянын рыногуна экологиялык таза жана сапаттуу айыл чарба өндүрүмүн... Читать дальше...

«РухЭш» сайты өткөргөн котормолор конкурсу акыркы убакта бул жанрдын алкагы кеңейгенин көрсөттү. Адистердин айтымында, кийинки кезде англис, француз, немис, чех, түрк, орус, казак, өзбек, итальян тилинен кыргызчаланган чыгармалар көбөйдү.

Орусиянын Венедагы эл аралык уюмдардагы туруктуу өкүлү МАГАТЭнин башкаруучулар кеңешинин жыйынында сүйлөп жатып, Ирандын өзөктүк программасы боюнча келишим бир гана өзөктүк маселелерди чечүүгө эмес, ошондой эле Тегеран менен соода-экономикалык мамилелерди нормалдаштырууга багытталганын эскертти.

Япониянын өкмөт башчысы Ирандын президенти менен БУУнун Башкы Ассамблеясынын жыйынынын алкагында жолугушу мүмкүн.

Мурдагы президент Алмазбек Атамбаев экинчи жолу Ички иштер министрлигинин Тергөө кызматына суракка барган жок. Бул тууралуу «Азаттык» радиосуна адвокат Сергей Слесарев билдирди: - Мен азыр ИИМге кайрадан кат даярдап жатам. Алар кол тийбестиги бар кишини суракка чакыруу менен алар кайрадан мыйзамды бузуп жатышат. Дагы бир жолу кошумча нормативдик актылар аркылуу биздики туура экенин түшүндүрүп кат жөнөтөм. Жактоочу 10-июлда ИИМде болуп келгенин, өз позициясын оозеки түрдө түшүндүргөнүн, ошого карабай чакыруу келгенин айтты. Читать дальше...

Ысык-Көлдөгү «Хан-Теңири» лагеринде эки кишини өлтүрүп, бир адамды барымтага алганы кабарланган адамга мамлекеттик издөө жарыяланды. Бул тууралуу облустук милициянын басма сөз катчысы Сталбек Усубакунов билдирди. 4-июлда Ак-Суу районундагы «Хан-Теңири» альплагеринде бир киши эки адамды атып өлтүрүп, үчүнчүсүнө бычак сайып, бир аялды барымтага алып качып кеткени кабарланган. Ошол эле күнү ал барымтадагы аялды бошоткон. Бычак тийген адамга медициналык жардам көрсөтүлгөн. Кылмыш үчүн ошол эле лагерде... Читать дальше...

Ош шаарындагы кичирайондордун биринде сойкулук уюштурган көмүскө жай аныкталды. Аны уюштуруучулар укалоо (массаж) салону катары көрсөтүп келишкен. Ички иштер министрлигинин басма сөз кызматы тараткан маалыматка караганда, жергиликтүү тургундар күмөн ойлорду жараткан мекемени текшерүүнү суранып ички иштер органдарына арыз менен кайрылышкан. Топтолгон материалдар Кылмыштар менен жоруктардын бирдиктүү реестрине катталды. Жазык кодексинин 167-беренесинин 1-бөлүмү («Сойкулукка жана бузукулукка көмөктөшүү») боюнча сотко чейинки иликтөө башталды. Читать дальше...

Ушул күндөрү Свердлов райондук сотунда Бишкек Жылуулук электр борборун (ЖЭБ) оңдоп-түзөөгө байланыштуу козголгон кылмыш иши боюнча териштирүү жүрүп жатат.

АКШ бийлигинин жогорку даражалуу бир аткаминери Вашингтон Ирандын тышкы иштер министри Мухаммад Жавад Зарифти санкциялардын тизмегине азырынча киргизбей тургандыгын билдирди.