Новости за 15.07.2019

Коргоо кеңешинин мурдагы катчысы, УКМКнын мурдагы төрагасы Бусурманкул Табалдиевге издөө жарыяланды. Бул тууралуу «Азаттыкка» Ички иштер министрлигинин (ИИМ) басма сөз кызматынын өкүлү Карима Аманкулова кабарлады. - ИИМдин Тергөө кызматы тарабынан кримтөбөл Азиз Батукаевдин түрмөдөн мыйзамсыз бошотулушуна байланыштуу Жазык кодексинин 319-беренеси («Коррупция») боюнча сотко чейинки өндүрүш жүрүп жатат. Бул ишке байланыштуу Бусурманкул Табалдиевдин кайда экени аныкталбагандыктан издөө жарыяланды, - деди Аманкулова. Читать дальше...

Кечээки соттоочулар бүгүн соттолуп жатат. Кечээки «кесилгендер» бүгүн акталып жатат.

Москвалык окумуштуу-микробиолог Денис Ребриков балдардын генин түйүлдүк кезинде модификациялоо планын жарыя кылды.

"Темир айым" каймана аты менен таанымал нидерландиялык Жермен Де Рандами UFC уюмунун 65 килограмм салмактагы мурдагы чемпиону.

Түркмөнстанда табыптар колдонмо катары өлкө президенти Гурбангулы Бердымухамедовдун дары чөптөр жөнүндөгү китебин пайдаланып жатышат. Бул тууралуу «Азаттык» радиосунун түркмөн кызматы кабарлады. Мамлекетти башкарган 12 жыл ичинде 50дөн ашык китеп, анын ичинде «Түркмөнстандын дары өсүмдүктөрү» жыйнагын жазган Бердымухамедовдун чыгармачылыгы өлкөдө расмий деңгээлде үгүттөлөт. 2018-жылы октябрда Саламаттык сактоо министрлиги калкка мамлекет башчынын китебинде көрсөтүлгөн чөптөрдөн жасалган чай ичүүнү сунуш кылган.

Бишкектин Ленин райондук соту Жогорку Кеңештин мурдагы депутаты Ыргал Кадыралиеваны аны менен соттошуп келген депутат Сагындык Келдибаевге 50 миң сом моралдык чыгым төлөөгө милдеттендирди. Келдибаев «Азаттыкка» мындай чечим 5-июлда чыкканын билдирди:  - Эгер моралдык чыгымды төлөсө, мен ал каражатты балдар үйлөрүнө котором.  Ыргал Кадыралиева бул ишке байланыштуу бир аз убакыттан соң комментарий берерин айтты. Сот чечиминде белгиленгендей, 2018-жылы Кадыралиева Бишкектеги басма сөз жыйынында Келдибаевдин кош жарандыгы бар экенин... Читать дальше...

Кыйноонун алдын алуу боюнча улуттук борбор камактагы мурдагы башкы прокурор Аида Салянованын саламаттыгына байланыштуу жагдайга көңүл бурууну өтүнүп Жаза аткаруу мамлекеттик кызматынын (ЖАМК) жетекчилигине кат жазат. Борбордун жетекчиси Нурдин Сулайманов Бишкектеги №1 тергөө абагында отурган Салянованы көрүп чыкканын «Азаттыкка» 14-июлда билдирди. Салянова Сулаймановго саламаттыгы начарлап, кыйналып жатканын айткан.  Буга чейин Аида Салянованын адвокаты анын ден соолугуна кабатыр болуп, дарыланышы керек экенин билдирген. Читать дальше...

Москвада оппозиция өкүлдөрүн баш калаанын думасына талапкерлердин тизмесине киргизүүнү талап кылгандарды полиция күч менен таратканга аракет кылып, бир канча активистти кармап кетти. «Азаттыктын» орус кызматы кабарлагандай, 14-июль күнкү акцияга чыккандарды кечки саат сегиздерде тартип сакчылары кармап кете баштады. «Дождь» телеканалы 22, «ОВД-Инфо» басылмасы 38 кишини полиция алып кеткенин маалымдады.  Пушкин аянтындагы митинг оппозиционер Алексей Навальныйдын демилгеси менен уюштурулганы кабарланган. Читать дальше...

Сауд Арабиясы 2019-жылы ажылыкка барыш үчүн кыргызстандыктарга 6010 орун бөлдү. Бул былтыркыдан 500 орунга көп. Зыяраттын баасы бир кишиге 3000 доллар болду.  Муфтияттын басма сөз катчысы Максат Атабаев билдиргендей, алгачкы топ 16-июлда, акыркы топ 1-августта жөнөйт. Жалпысынан Бишкектен жана Оштон 18 авиакаттам болот.  Кыргызстандык зыяратчыларга бирдей кийимдин үлгүсү февралда тандалган. Анын баасы 1500 сом деп чечилген. Ажылыкка аттангандар эмдөөдөн өтүп, даярдыктар уланып жатат.  Былтыр Кыргызстанга ажылык үчүн 5485 квота бөлүнүп... Читать дальше...

Жалал-Абад шаарында иш жүргүзгөн «Справедливость» укук коргоо уюму Кыйноого каршы бүткүл дүйнөлүк бирикмеге мүчө болду. Бул тууралуу «Азаттыкка» уюмдун адвокаты Уткирбек Жаббаров билдирди.  Кыйноого каршы бүткүл дүйнөлүк бирикме - дүйнөдөгү таасирлүү укук коргоо уюмдарынын бири. Курамында ар кайсы мамлекеттердеги 300 өкмөттүк эмес түзүм бар. Буга чейин Кыргызстандан ага «Адам укуктары боюнча кыргыз комитети» мүчө болгон.  «Справедливость» уюму 1994-жылдан бери иштейт. Элге акысыз укуктук жардам берет. Читать дальше...