Новости за 04.09.2019

Кыргызстандын Евразия Экономикалык Биримдигине кошулганына төрт жылдын жүзү болду. Өкмөт бул мөөнөттө ички дүң өнүм өстү, салыктар көбөйдү, мигранттар которгон акча арбыды деп ыраазы. Ошол эле учурда талдоочулар ЕАЭБге киргени өлкөнүн бажы төлөмү кемип, тышкы соодасы мүчөлүккө чейинки көлөмгө жетпей калганын айтып жатышат. Студиянын коноктору - Экономика министринин орун басары Эльдар Алишеров жана Экономика министринин мурдагы орун басары, эксперт Элдар Абакиров.

Италияда башкаруучу коалиция ыдырагандан кийин жаңы өкмөт куралды жана Жузеппе Конте кайрадан премьер-министр болуп дайындалды.  Көпчүлүк коалициядан Маттео Сальвини жетектеген «Лига» партиясы чыгып кеткенине байланыштуу өкмөттүн жаңы курамында чоң өзгөрүүлөр болду.  Жузеппе Конте кызматтан кетерин 21-августта жарыялаган. Ал өз чечимин башкаруучу коалицияны түзгөн «Беш жылдыз кыймылы» менен «Лига» партиясынын ичиндеги ыйкы-тыйкы менен түшүндүргөн. Конте ошол кездеги вице-премьер-министр Маттео... Читать дальше...

4-сентябрда президент Сооронбай Жээнбеков өкмөт башчы Мухаммедкалый Абылгазиев менен жолукту. Бул тууралуу президенттин басма сөз кызматы маалымдады. Алар мамлекеттин социалдык-экономикалык өнүгүшү, инфратүзүм долбоорлорун ишке ашыруу жөнүндө кеп кылышты. Президент Жээнбеков өкмөт өлкөдөгү ар кандай көрүнүштөргө, чакырыктарга тез реакция кылып, тиешелүү ыкчам чара көрүшү керек экенин белгиледи. Ошондой эле өкмөттүн ишине тоскоол болуучу фактор жок экенин айтты. - Өкмөттүн иши үчүн өлкөдө бардык мүмкүнчүлүктөр бар. Читать дальше...

Орусияда Мамлекеттик Думанын чет өлкөлүк мамлекеттердин кийлигишүүсүн иликтеш үчүн түзүлгөн депутаттык комиссиясы германиялык «Deutsche Welle» телерадио корпорациясынын «аккредитациясын жокко чыгарып коёрун» эскертти. Комиссиянын башчысы Василий Пискарев муну чет өлкөлүк медиа компания Мамлекеттик Дума менен кызматташуудан баш тартып, алар сураган маалыматтарды, түшүндүрмө бербей жатканы менен негиздеди. Депутаттык комиссия Москвада шаардык кеңешке шайлоого катталбай калган оппозициялык жана... Читать дальше...

Бишкектеги мыкаачылык менен коштолгон мушташ анча-мынчага таң калбай калган коомчулукту дагы бир сыйра козгогондой болду.

Украинада өкмөт Киев шаардык администрациясынын башчысы Виталий Кличконун кызматтан өз эрки менен кетүү жөнүндө чечимин колдоду. Бул тууралуу парламент депутаты Алексей Гончаренко «Фейсбуктагы» баракчасына жазды. Анда айтылгандарга ылайык, мындай чечим өкмөттүн бүгүнкү жыйынында кабыл алынды.  Буга чейин президенттик администрациянын башчысы Андрей Богдан жергиликтүү басылмалардагы маегинде Киевдин мэри менен өз ара макулдашуу бар экенин, Виталий Кличконун мэрлик кызматта калар-калбасы ошол келишимдин аткарылышынан көз каранды болорун айткан.

Мурдагы президент Алмазбек Атамбаев Бишкектин 7-кичирайонуна салган «7-апрель шейиттери» мечити кайсы акчага тургузулганы иликтенип жатат. Бул тууралуу Башкы прокуратура маалымат таратып, мечит түшкөн жер «Форум» ишканасына катталганын билдирди. Сөз болуп жаткан мечит ушул жылдын апрель айында ачылып, ага Атамбаев катышкан. Мечиттин айланасындагы сөздөрдөн улам «Азаттык» ага барып келди.

Гонконгдо бийлик кылмышка шектүүлөрдү Кытайга экстрадициялоого жол ачкан талаштуу мыйзам долбоорун парламенттен кайтарып алды. Бул тууралуу 4-сентябрда шаар башчы Керри Лам телекайрылууда билдирди. Оппозиция лидерлеринин бири Жошуа Вонг Керри Ламдын билдирүүсүнө байланыштуу «Твиттердеги» баракчасы аркылуу комментарий берип, «мыйзам долбоорун парламенттен кайтарып алуу өтө аздык кыларын жана өтө эле кеч болуп калганын» айтты.  Гонконгдо талаштуу мыйзам долбооруна байланыштуу миңдеген адам катышкан... Читать дальше...

«Республика» партиясынын лидери Өмүрбек Бабанов Экономикалык кылмыштарга каршы күрөш боюнча мамлекеттик кызматта (Финансы полициясы) төрт сааттай сурак берип чыкты. Ал сурактан чыгып, банк иши боюнча тергөөчүлөрдүн суроолоруна жооп бергенин маалымдады. Өмүрбек Бабанов Улуттук коопсуздук боюнча мамлекеттик комитетте (УКМК) жана Финансы полициясында, азыркы тапта өзүнө байланыштуу баш-аягы сегиз иш иликтенип жатканын айткан. Алардын ичинен учурда төртөөнүн чоо-жайы белгилүү. Калган иштер боюнча Бабанов өзү да... Читать дальше...

Башкаруу академиясынын ректору, саясат таануучу Алмазбек Акматалиев билим берүү жана илим министри Гүлмира Кудайбердиеванын кызматтан кеткени боюнча «Азаттыкка» комментарий берди. Ал Кудайбердиева чоң тармакты башкарып, жакшыбы-жаманбы аракет кылды деп эсептейт. - Министр болуп, өкмөттүн мүчөсү болуп иштөө бүгүнкү заманда өтө татаал, - деди ал. - Министрдин колунда деле мүмкүнчүлүк азыраак. Президент, өкмөт, коом тарабынан да көзөмөл күчтүү. Гүлмира Кудайбердиева үч жыл чоң тармакты жетектеди. Жаманбы-жакшыбы аракет кылды. Читать дальше...

Казакстанда үч күн катары менен кытай ишканаларынын курулушуна каршы нааразылык акциялары өтүүдө. Украин парламенти - Жогорку Рада депутаттардын иммунитетин чектөө жөнүндө мыйзамды колдоду. Париж өкмөтү үй-бүлөдөгү зомбулук менен күрөшүүгө 5 миллион евро бөлөт. Жыл башынан бери эле Францияда зөөкүр түгөйүнүнүн колунан 100дөн ашуун аял каза тапты.

Нарын облусунда Кеңеш айылындагыдай авариялык абалда турган 22 мектеп бар. Бул тууралуу Жогорку Кенештин депутаты, экс-спикер Чыныбай Турсунбеков “Парламентаризм сабактары” берүүсүндөгү маеги учурунда билдирди. Ал контейнерден куралган мобилдик үйдө билим алып жаткан Кеңеш айылындагы эски мектеп туурасында, мындан эки жыл мурда Билим берүү жана илим министри баш болгон тийиштүү органдарга маалымат берилгенин белгиледи. Өткөн жылы Кеңеш жана Эмгек-Талаа айылындагы мектептин долбоорун түзүү үчүн 150... Читать дальше...

Кайсы тармак болбосун мамлекеттик түзүмдө иштеген жооптуу кызматкер өзүнүн мурдагы жасаган ишине жооп бербей кутулуп кетип, жооптуу кызматтардын кадырын кетирди. Бул тууралуу мурдагы билим берүү жана илим министри Каныбек Осмоналиев министр Гүлмира Кудайбердиеванын кызматтан кетиши боюнча «Азаттыкка» комментарий берип жатып билдирди. Ал эгемен Кыргызстандын тарыхында далай өкмөт башчы кылган ишине жооп бербей кеткенин белгилеп, билим берүү жана илим министринин иштен кеткенин да ошонун бир элементи катары баалады... Читать дальше...

Түркияда ишке ашпай калган төңкөрүш аракетинен бери үч жыл өткөнүнө жана өзгөчө кырдаал абал жоюлганына карабастан коопсуздук күчтөрү бийликтин буйругу менен  төңкөрүшкө кымындай да байланышы бар адамдарды камоолорду улантууда.

4-сентябрда Москва шаарындагы Тверь райондук соту 27-июлда нааразылык акциясына катышкан Кирилл Жуковду үч жылга эркинен ажыратты. Тергөөдө ага митинг маалында Улуттук гвардиянын жоокеринин туулгасын тартып жиберип, анын денесин ооруткан деп айып коюлган. Судья өкүмдү окуп жатып: «Жуков жоокер бийлик өкүлү экенин сопсонун билген, кылмыштуу оюн ишке ашыруу максатында жоокердин туулгасын тартып алыш үчүн сол колу менен башка бир чапкан», - деп айтты. Мамлекеттик айыптоочулар Жуковду 4,5 жылга эркинен ажыратуу тууралуу өтүнүч келтиришкен. Читать дальше...

Казакстанда үч күн катары менен кытай ишканаларынын салынышына каршы нааразылык акциялары өтүп жатат.

Казакстанда үч күн катары менен кытай ишканаларынын салынышына каршы нааразылык акциялары өтүп жатат.

Быйыл Кыргызстан боюнча 15 мектептин курулушу бүтүп, ишке кирди. Курулушу бүтө эле дагы 124 мектеп бар. Демөөрчүлөрдүн колдоосу менен курулган жеке менчик мектептер да быйыл окуучуларга эшигин ачты. "Азаттык" баш калаадагы жана аймактардагы жаңы ачылган мектептердин сүрөттөрүн чогултту.

Германияда Берлин шаардык полициясы чечен улутундагы грузин жараны Зелимхан Хангошвилини өлтүрдү деп шек саналган адамдын сүрөтүн жарыялады. 40 жаштагы Хангошвили 23-августта киши колдуу болгон, аны ошол күнү түшкө жуук Моабит районунда атып кетишкен. Кылмышка шектүү ошол эле күнү кармалган. Полиция ал Орусиянын жараны экенин билдирген.  «The Insider» басылмасы жана «Bеllingcat» уюмунун иликтөөчү журналисттери кылмышка шектүүнүн орус атайын кызматтары менен байланышы бар экенин жазып чыгышкан. Читать дальше...

Чүй облустук милициясынын башчысы Самат Курманкулов эсине келип, өз алдынча дем алууда. Бул тууралуу «Азаттыкка» саламаттык сактоо министринин орун басары Мадемин Каратаев билдирди. Анын айтымында, Курманкулов эртең, 5-сентябрда кадимки палатага которулат. - Курманкулов өзүнчө дем алып, көзүн ачып атат. Оң колу сырткы реакцияны сезип жатат. Болжол менен эки жумадай ошол ооруканада жатат. Андан кийин Москвдагы реабилитациялык борборго которулат - дейт Мадемин Каратаев. Чүй милициясынын башчысы... Читать дальше...

Ирандын бийлиги Ормуз кысыгында кармалган Британиянын кемесинин экипажындагы жети адамды бошотту. Тышкы иштер министрлигинин расмий өкүлү Аббас Мусави 4-сентябрда мамлекеттик телеканалда түз эфирде сүйлөп жатып, Тегеран мындай чечимди «гуманитардык себептен» улам кабыл алганын, бошотулган жети адамды кеменин капитаны тандап бергенин айтты. Ирандын деңиз аскерлери 19-июлда Ормуз кысыгынан Британиянын эки кемесин кармашкан. Алардын бирөө Либериянын желеги менен бараткан жана көп өтпөй эле коё берилген. Читать дальше...

Түркияда мектеп курагындагы балдарын кошо ала келип, окуткан кыргызстандык мигранттар жыл сайын көбөйүүдө. Муну алар бул өлкөдөгү билим берүүдө чет элдиктерге бирдей мамиле жана окуунун жогорку сапаты менен түшүндүрүшөт.

5-сентябрда түнкүсүн Чүй, Талас, Жалал-Абад, Ысык-Көл, Нарын облустарынын көпчүлүк аймактарында, Ош, Баткен облустарынын кээ бир райондорунда жамгыр жаап, күн күркүрөйт. Тоолуу райондордо кар жаашы мүмкүн.  Батыштан соккон шамалдын ылдамдыгы секундасына 4-9 метрге, кээ бир райондордо 15-20 метрге жетет. Абанын температурасы: Чүй өрөөнүндө түнкүсүн 9…14, күндүз 22…27; Таласта түнкүсүн 4…9, күндүз 21…26; Ош, Жалал-Абад, Баткен аймактарында түнкүсүн 12…17, күндүз 23…28; Ысык-Көл дубанында түнкүсүн 9…14... Читать дальше...

Бүгүн, 4-сентябрда Казакстандын Жаңы-Өзөн шаарынын акими болуп Максат Ибагаров дайындалды. Ал ушул кезге чейин «Өзөнмунайгаз» нефть компаниясынын башкы директорунун орун басары болгон. Ибагаровго чейин Адилбек Дауылбеков аким болуп эки жыл иштеди.  Жаңы-Өзөндө айыл чарба жана өнөр жай багытындагы биргелешкен 55 ишкананы ачуу боюнча казак-кытай өкмөттөрүнүн макулдашуусуна каршы, соңку үч күндөн бери нааразылык акциялары өтүп жатат. Алар президент Касым-Жомарт Токаевди эмдиги аптадагы Кытайдагы иш сапарынан баш тартууга чакырышууда. Читать дальше...

Жогорку Кеңештеги КСДП фракциясынын депутаттары Ирина Карамушкина, Асел Кодуранова жана Карамат Орозова Улуттук коопсуздук боюнча мамлекеттик комитеттин (УКМК) тергөө абагында отурган мурдагы президент Алмазбек Атамбаевге жолугуп чыгышты. Карамушкина «Азаттыкка» билдиргендей, Атамбаевдин абалы жакшы жана ал абакта кармоо шартына, ден соолугуна байланыштуу арызданган жок. - Ал туура жолдо жүргөнүбүзгө ишенет. Ага карата коюлган 16 айыптын биринде да далил базасы жок экенин, ошондуктан тергөө менен кызматташпай турганын айтты. Читать дальше...