Новости за 16.10.2019

Тажикстанда президент Эмомали Рахмон Конституциянын кабыл алынганына 25 жыл толгонуна байланыштуу мунапыс жарыялоону чечти жана парламенттин төмөнкү палатасына «Мунапыс жөнүндө» мыйзам долбоорун жөнөттү. Анда кылмышка шектүү, соттолгон, жазасын өтөп бүткөнү менен соттолгону жоюла элек 20 миңден ашуун адамга мунапыс берүү каралган.  Бул мыйзам долбоорунун буга чейинкилерден башкы айырмасы - мунапыс менен абактардан бошогондор көбөйөт.  Документте өтө оор кылмыш үчүн соттолуп, 12 жылдан ашык убактан бери түрмөдө отурган аялдар... Читать дальше...

«Санарип аймак» долбооруна быйыл жыл аягына чейин Кыргызстандагы бардык айыл өкмөттөр сыноо иретинде кирип иштей баштайт. Бул тууралуу «Кабар» улуттук маалымат агенттигиндеги маегинде Маалымат технологиялары жана байланыш боюнча мамлекеттик комитеттин төрагасы Дастан Догоев билдирди. Догоевдин айтымында, система «Түндүк» платформасы аркылуу бардык мамлекеттик органдарды камтыйт. Кыргызстанда 453 айыл өкмөтү бар. «Түндүк» платформасы аркылуу бүгүнкү күндө 31 кызмат электрондук жол менен көрсөтүлүүдө. Читать дальше...

Түрк тилдүү мамлекеттердин кызматташтык кеңеши Түркиянын Сириядагы аскердик операциясына колдоо көрсөтүшкөнүн расмий Анкара билдирди.

АКШда Нью-Йорк шаардык прокуратурасы Түркиянын «Halkbank»  мамлекеттик банкына «көз боёмочулук» жана «арам акчаны адалдоо» боюнча кылмыш ишин козгоду. Ага ылайык, аталган банк Вашингтондун санкциясына карабай Иранга 2012-2016-жылдар аралыгында 20 миллиард доллар которгон деп айыпталып жатат. Нью-Йорктун прокурору Жеффи Берман 15-октябрда «Банктын мындай чектен чыккан иштерине түрк өкмөтүндөгү жогорку даражалуу аткаминерлер да аралашкан, алар миллиондогон доллар пара алып турушкан» деп билдирди. Читать дальше...

Аксы районунун Чоңтовар-Сай айылына түшүп келген бугулар айыл тургундарын чочулатып жатканын жергиликтүү айылдыктар «Азаттыкка» билдиришти. Алар тараткан кайрылууда: «Эки жума мурда бир мүйүзү арааланып кесилген бугу айылга келип, мектепке каттаган окуучуларды жана малды кубалап, коркунуч жаратып жатат. Ал түгүл кээ бир автоунааларды сүзүп жиберген учурлар катталды. Бул багытта биз жергиликтүү бийликке жана токой чарбасына кайрылганыбыз менен чара көрбөй жатышат», деп айтылат. Биологиялык ар... Читать дальше...

Башка бирөөнүн турак үйүн өзүнө каттатып пайда көргөнү үчүн издөөдө жүргөн кыргыз жараны Москвада кармалды. Ички иштер министрлигинин маалыматына караганда, 41 жаштагы кыргызстандык 2010-жылы жеке нотариустун жардамы менен жасалма кол коюп, өзүнө таандык болбогон үйдү каттатып алган. Кийин аны банкка күрөөгө койдуруп, 300 миң сом насыя алган. Ош облусунун Алай райондук ички иштер башкармалыгында кылмыш иши козголуп, тергөө башталган. Учурда кылмышка шектүү адамды Кыргызстанга алып келип жоопко тартуу жолдору такталып жатат. Читать дальше...

Дин иштери боюнча мамлекеттик комиссиянын төрагасы Зайырбек Эргешов теңирчилер диний уюм катары каттоодон өтүү тууралуу арыз менен кайрылса, мамлекеттик комиссия аны кайра карап чыгууга даяр экенин билдирди. Ал бул тууралуу 16-октябрда Жогорку Кеңеште «Дин тутуу эркиндиги жана диний уюмдар жөнүндө» мыйзам долбоору талкууланып жаткан учурда айтты. -Теңирчилер ушундай эле арыз менен буга чейин да кайрылган. 2016-жылы «булардын ишин терең карап чыккыла» деген соттун чечими чыккан. Жүргүзүлгөн талдоонун... Читать дальше...

17-октябрда Кыргызстандын аймагында түнкүсүн жаан-чачын болбойт, күндүз Чүй облусунун кээ бир райондорунда жаан, тоолуу райондорунда кар жаайт, калган аймактарда жаан-чачын жаабайт. Батыштан соккон шамалдын ылдамдыгы секундасына 4-9 метрден, күндүз Чүй, Талас, Ысык-Көл облустарынын кээ бир райондорунда 15-20 метрге жетет. Абанын температурасы: Чүйдө түнкүсүн 2…7, күндүз 16…21; Таласта түнкүсүн 0…5, күндүз 15…20; Баткенде, Ошто, Жалал-Абадда түнкүсүн 4…9, күндүз 19…24; Ысык-Көлдө түнкүсүн 0…5... Читать дальше...

Кой-Таш айылында 7-8-август күндөрү түзүлгөн кырдаалды иликтөө боюнча мамлекеттик комиссиянын мүчөлөрү бүгүн, 16-октябрда Кой-Ташка барып, бул айылдын жашоочулары менен жолугушту. Өкмөттүн басма сөз кызматы комиссиянын өкүлдөрү айылдагы бир катар объектилерге, анын ичинде турак үйлөр менен өрттөнүп кеткен айылдык милиция бөлүмүнө барышканын кабарлады. Кой-Таш окуясын иликтеген мамлекеттик комиссия премьер-министр Мухаммедкалый Абылгазиевдин чечими менен 29-августта түзүлгөн. Комиссияны вице-премьер-министр Жеңиш Разаков жетектейт. Читать дальше...

Экс-президент Роза Отунбаеванын демилгеси менен уюштурулган «Санариптештирүү дүйнөдө жана бизде» аттуу конференция бүгүн, 16-октябрда Ош жергесинде уланууда. 15-октябрда санариптештирүү процессиндеги дүйнөлүк жана жергиликтүү жетишкендиктер менен мүмкүнчүлүктөр боюнча жыйын Баткен облусунда өткөн. Жыйындар 17-октябрда Жалал-Абадда жыйынтыкталат. - Өмүр бою бир эле кесипти аркалай албайсың. 3-4 жолу кесибин өзгөртүү деген бүгүнкү күндө мыйзам ченемдүү көрүнүш болуп калды. Демек, баарыбыз Интернет... Читать дальше...

«Азаттык» радиосу жемкорлукка каршы күрөштү күчөтүү боюнча жарыялаган сынакка келип түшкөн материалдарды жарыялоону улантат.

Жеңүүчүлөрдүн арасында эл аралык мелдештерде байгелүү орундарды камсыздап келген Алексей Крупняков, Улукбек Жолдошбеков өңдүү таанымал спортчулар болду.

Түркиянын бийлиги дүйнөнүн колдоосу менен же колдоосу жок болсо да Сириянын түндүгүндөгү “террорчуларга” каршы операцияны уланта берерин жарыялады.

Кара-Суу райондук шаар куруу жана архитектура башкармалыгынын 60тай кызматкери иш таштоосун улантууда. Ушул тапта мекемеде кызматкерлер менен жетекчиликтин жыйыны өтүп жатат. Ушул жылдын 21-июнунда жетекчиликтин орой мамилесине жана башкармалыктагы акча топтоого нааразы болгон 52 кызматкер райондук мамлекеттик администрацияга жана Мамлекеттик курулуш агенттигине арыз менен кайрылышкан. Ал азыр үч ай аралыгында каралып, бул убакытта Кара-Суу райондук шаар куруу жана архитектура башкармалыгынын... Читать дальше...

Ирактын коопсуздук боюнча эксперттеринин бири Америка ИШИМдин 3000 мүчөсүн Сириядан Иракка өткөрүүнү пландап жатканын жана ал үчүн үч аймакты аныктап койгонун билдирди.

Улуу Британиянын билим берүүгө адистешкен «Quacquarelli Symonds» компаниясы Европа менен Борбор Азиянын өнүгүп келе жаткан өлкөлөрүнүн эң мыкты университеттеринин рейтингин түздү. Кыргызстандын Билим берүү жана илим министрлигинин басма сөз кызматы кабарлагандай, рейтингге 350 университет кошулган. Кыргызстандын эки жогорку окуу жайы - Борбор Азиядагы Америка университети (АУЦА) жана Кыргыз-Түрк «Манас» университети мыкты 190 жогорку окуу жайынын катарынан орун алган. Биринчиси 163-орунда болсо, экинчи окуу жайы 190-катарда жайгашкан. Читать дальше...

Кыргызстанда жалпы жонунан 3294 диний уюм бар. Бул тууралуу Дин иштери боюнча мамлекеттик комиссиянын төрагасы Зайырбек Эргешов Жогорку Кеңештин 16-октябрдагы жалпы жыйынында айтты. Анын маалыматына караганда, 3294 диний уюмдун ичинен 2665и мечиттер жана казыяттар. 69у ар кандай фонддор. Андан тышкары медреселер да бар. Өлкөдө соттун чечими менен 20 экстремисттик уюмдун ишине тыюу салынган. Ал эми диний уюм түзүш үчүн кеминде 200 адамдын макулдугу керек жана ал нотариустан күбөлөндүрүлүшү зарыл. Читать дальше...

Кыргызстандын Борбордук шайлоо комиссиясы «жергиликтүү кеңештин депутатынын төш белгиси ката менен даярдалган» деген маалыматты четке какты. Комиссиянын аппаратынын шайлоолорду уюштуруу бөлүмүнүн башчысы Төлөгөн Айтикеев «Азаттык» радиосуна билдиргендей, төш белгидеги жазууда ката жок. - Ката болушу мүмкүн эмес. Төш белгилер тендер аркылуу даярдалган. Биз өзүбүз карап, текшергенбиз, - деди ал. 16-октябрда айрым маалымат булактары төш белгидеги жазуу ката экенин, «жергиликтүү» деген сөздө «ү»... Читать дальше...

Болгариянын Футбол федерациясынын төрагасы Борис Михайлов Англиянын командасы менен беттешүү маалындагы окуядан кийин кызматтан кетти.

Мурдагы президент Алмазбек Атамбаевдин бизнестеги өнөгү катары сөз болгон Субихи Пархати кармалды.

Мурдагы президент Алмазбек Атамбаевдин бизнестеги өнөгү катары сөз болгон Субихи Пархати кармалды.

Жогорку Кеңештин депутаты Жанарбек Акаев Кыргызстандын Түркиядагы элчиси Кубанычбек Өмүралиевдин Түркиядан «Ыйман» фондуна каражат сураганы тууралуу Дин иштери боюнча мамлекеттик комиссиянын пикирине кызыкты. - Өткөндө бир окуя болуп, Түркиянын элчиси «биз силерге мечит салып бергенбиз. Жардам берип атабыз» деп айтып чыккан. Жардам сурап жүрүп ушундай сөздү угушубуз керек беле? Динге, окутууга кандай каражат кетет? Экономика жана башка маселелер менен иштешибиз керек. Бирок ушул багытка элчибиздин акча сурашы кандай көрүнүш? Читать дальше...

Буга чейин швециялык "Лос-Анджелес Гэлакси" клубунун чабуулчусу "Матрица" киносундагы Неонун кыймылын туураган челлендж жарыялаган. Анын эрежеси боюнча топту баштан өйдө тээп, ал түшүп келе жатканда чалкалап, төшү менен тосуп кармап туруу керек.

Бир туугандар Райк жана Андреас Адамстар ушул тапта Берлинде жашап, ээн-эркин каалагандай жүрө алат. Качандыр бир кезде аларды башка миңдеген немис үй-бүлөлөрүндөй белгилүү Берлин дубалы бөлүп турган. 1989-жылдын январь айында дубал Германияны демократиялуу Батыш жана коммунисттик чыгышка бөлүп турган символ болгон. Ал убакта дубалдын турганына отуз жылдан ашкан. Бир туугандар анын урап калышын күтпөй, достору менен бириге чабуул баштаган. Рок музыканттар Райк жана Адамстын ал убактагы жашоосу кийинки тасмада.

Алай районунун Күн-Элек айылында 225 орунга ылайыкташкан мектеп ачылды. Имараттын курулушу 2015-жылы башталган. Мектеп интернетке туташтырылган жана заманбап компьютердик техника менен жабдылган. Анын ачылышына биринчи вице-премьер-министр Кубатбек Боронов катышты. Ошондөй эле Боронов Алайдын Согонду айылындагы 60 балага эсептелген «Наристе-Согонду» бала бакчасынын ачылыш салтанатына да катышты. Бүлөлү айылында ал жаңы курулган административдик имараттын ачылышына жана Сопу-Коргон айылында спорт... Читать дальше...