Новости за 27.12.2019

Иран армиясынын дениз күчтөрүнүн командири адмирал Хоссейн Ханзади америкалыктар өз агрессиялары менен белгилүү экенин бирок, Ирандын куралдуу күчтөрүнүн күчү жана жогорку даярдыгынан улам Иранга кол салганга батына албайт деп билдирди.

Казакстандын премьер-министринин орун басары Роман Скляр бери дегенде 12 адамдын өлүмү менен аяктаган учак кырсыгы учкучтун катасынын айынан же "техникалык себептен" улам болушу мүмкүн экенин айтты. Анын айтымында, учак учуп-конуу тилкесине эки ирээт куйругу менен урунган. Скляр бул баштапкы гана божомол экенин, анык себеби техникалык экспертизада аныкталарын белгиледи. Кырсыкта 49 адам жараат алды, алардын ичинен 18 кишинин абалы оор. Жарадар болгондордун арсында бир кыргызстандык жаран да бар экени аныкталды. Читать дальше...

Кыргызстанда бүгүнкү күнгө карата 80 сайт экстремисттик жана террористтик мүнөздө экени аныкталды. Бул тууралуу Ички иштер министрлиги кабарлады. Мекеменин маалыматына караганда, Интернеттеги социалдык түйүндөрдө мониторинг жүргүзүлүп, 80 сайт жана 22 аккаунт ушундай багытта экени белгилүү болду. Натыйжада соттун чечими менен 44 сайт жана 10 аккаунт тосмолонду. Быйыл диний-экстремисттик жана эл аралык террористтик уюмдардын идеологиясын жайылтууга шектүү катары 316 адам кармалды. Улуттук... Читать дальше...

Индия менен Пакистан Кашмир облусун экиге бөлүп турган чек арадагы атышуу боюнча бири-бирин күнөөлөдү жана эки ача маалымат таратышты. Пакистан армиясынын генерал-майору Асиф Гафур кагылышта өздөрүнүн эки жоокери окко учканын, Индия үч аскеринен ажыраганын айтты. Ал эми Индия атышууда бир офицер менен бир жайкын тургун өлгөнүн билдирди. Окуянын чоо-жайы тууралуу азырынча так маалымат жок. Быйыл август айында Индиянын өкмөтү Баш мыйзамга өзгөртүүлөрдү киргизип, Кашмирдин Нью-Делиге баш ийген бөлүгүнүн атайын макамын жокко чыгарган. Читать дальше...

Борбордук шайлоо комиссиясы Жогорку Кеңештеги “Ата Мекен” фракциясынын лидеринин депутаттык ыйгарым укуктарын мөөнөтүнөн мурда токтотуп, анын ордуна жаңы депутатты бекитти. Ошону менен катар “Ата Мекенден” депутат болуудан баш тарткан төрт талапкердин арызын канааттандырды. Фракция лидери Алмамбет Шыкмаматов мандатын өз ыктыяры менен тапшырып берди. Талапкерлердин тизмесиндеги үч адам – Талант Узакбаев, Ташполот Балтабаев, Рысбек Мирзаматов жана Болот Шер депутат болуудан баш тартып коюшканы белгилүү болду. Читать дальше...

Ирандын түштүгүндө Бушер провинциясындагы атомдук станцияга жакын жерде 27-декабрда күчү 5,1 баллга жеткен жер титирөө катталды. АКШнын Геологиялык кызматы жер өтө катуу термелбегени менен кесепети тийиши ыктымал экенин эскертти. Мамлекеттик жалпыга маалымдоо каражаттары атомдук станция жабыркабаганын билдиришти. Европалык - Жер ортолук сейсмологиялык борборунун маалыматына караганда, күчү 5,1 баллга жеткен жер титирөө атомдук станциядан 53 чакырым алыстыкта орун алды. Буга чейин станция... Читать дальше...

Жаштар иши, дене тарбия жана спорт боюнча мамлекеттик агенттигинин директорунун орун басары Канат Арпачиев өлкөнүн жети облусунун шартына ылайык жайкы жана кышкы спорт түрлөрүн өнүктүрүү багытында атайын мектептер ачылганын айтты.

Монтенегродо парламент 27-декабрда "Дин тутуу эркиндиги жана диний жамааттардын укуктук абалы тууралуу" мыйзам долбоорун кабыл алды. Документти жыйынга катышкан бардык депутаттар колдоду. Анын алдында мыйзам долбооруна каршы чыгып жаткан оппозициячыл депутаттардын баары жыйындан күч менен чыгарылган жана убактылуу камакка алынган. "Демократиялык фронт" оппозициячыл фракциясынан 36 депутат мыйзам долбооруна Серб православ чиркөөсү менен биргеликте иштеп чыккан 100дөн ашык кошумча-алымчаны киргизүүнү талап кылып жаткан. Читать дальше...

Өзгөчө кырдаалдар министрлигинин "Сел жана суу ташкындарынан коргоо" агенттигинин мурдагы башчысы маркум Сапарбек Бакыевдин сөөгү өзү туулуп-өскөн Ош шаарынын Озгур айылында жерге берилди. Маркумдун жаназасына вице-премьер-министр Кубатбек Бороновдун жардамчысы, өзгөчө кырдаалдар министри Нурболот Мирзахмедов келди. Сапарбек Бакыевди 25-декабрда үйүнүн жанынан атып кетишкен. Милиция киши өлтүрүүнүн себептерин жана версияларын айта элек. Ош шаардык ички иштер башкармалыгы киши өлтүрүү фактысы боюнча кылмыш иши козголуп... Читать дальше...

Казакстандагы учак кырсыгынан жабыркаган бир кыргызстандык азыр ооруканада жатат. Бул тууралуу "Азаттык" радиосуна Тышкы иштер министрлигинин расмий өкүлү Уланбек Дыйканбаев билдирди. "Башкы консулдуктун маалыматы боюнча, Кыргыз Республикасынын бир жараны ооруканада" деди ТИМ өкүлү. Бүгүн 27-декабрда эртең менен "Bek Air" авиакомпаниясына таандык "Fokker-100" учагы Алматынын аэропортунан Нур-Султанды көздөй сапар алган. Бир нече убакыттан кийин Гүлдала айылынын четине кулап түшкөн. Ичинде, баштапкы маалыматка караганда... Читать дальше...

Узап бараткан жылда Кыргызстандын экономикасында кандай тенденциялар байкалды?

Жогорку Кеңештин "Ата-Мекен" фракциясында Алмамбет Шыкмаматовдун ыйгарым укуктары мөөнөтүнөн мурда токтотулганына байланыштуу мандат депутаттыкка талапкерлердин тизмесиндеги кезектүүлүк боюнча кийинки талапкер Нурбек Сыдыгалиевге өткөрүлүп берилди. Бул тууралуу Боршайком билдирди. Мекеменин маалыматына караганда, 27-декабрда БШК Шыкмаматовдун ыйгарым укуктарын өз арызынын негизинде мөөнөтүнөн мурда токтотуу жөнүндө токтом кабыл алды. Жогорку Кеңештин депутатынын бош мандаты бар болгонуна байланыштуу бул орун Нурбек Сыдыгалиевге берилди. Читать дальше...

Борбордук шайлоо комиссиясынын 27-декабрдагы маалыматына караганда, берген арызынын негизинде “Ата Мекен” парламенттик фракциясынан депутат Алмамбет Шыкмаматовдун ыйгарым укуктары мөөнөтүнөн мурда токтотулду. Боршайкомго арыз жазганын Шыкмаматов бүгүн жарыялады. Ал депутаттыктан кетүүнү чечкенин, “Ата Мекен” партиясынан да биротоло чыкканын, лидер Өмүрбек Текебаев менен мамилеси бузулганын, бирок саясаттан кетпей турганын билдирди. Өмүрбек Текебаев Шыкмаматовдун бүгүнкү билдирүүсү боюнча азырынча комментарий бере элек. Читать дальше...

Орусиянын коргоо министрлиги кечээ, 26-декабрда Иран, Орусия жана Кытайдын үч тараптуу машыгууларына  Орусиянын Балтика флотунун үч кемеси катышарын маалымдады.

Ош жергесинде жер титиреди. Өзгөчө кырдаалдар министрлигинин маалыматына караганда, 27-декабрда саат 05:54тө Кыргызстан менен Тажикстандын чектешкен аймагында очогунда күчү 3,5 баллга жеткен титирөө катталды. Жердин титиреши Ош облусунун Алай районунун Бор-Дөбө айылында 2,5 балл болуп сезилди.  Кыйроо жана жабыркагандар тууралуу маалымат жок. (RK)

Кыргызстандын Тышкы иштер министрлиги Казакстанда учак кырсыгынан жабыркагандар арасында кыргызстандыктар бар же жогун тактап жатат. Бул тууралуу “Азаттык” радиосуна мекеменин расмий өкүлү Уланбек Дыйканбаев билдирди. Бүгүн 27-декабрда эртең менен "Bek Air" авиакомпаниясына таандык "Fokker-100" учагы Алматынын аэропортунан Нур-Султанды көздөй сапар алган. Бир нече убакыттан кийин Гүлдала айылынын четине кулап түшкөн. Ичинде, баштапкы маалыматка караганда, 95 жүргүнчү жана экипаждын беш мүчөсү болгон. Читать дальше...

Ошто Өзгөчө кырдаалдар министрлигинин "Сел жана суу ташкындарынан коргоо" агенттигинин башчысы Сапарбек Бакыевди 25-декабрда үйүнүн жанынан атып кетишти.

«Якутиядагы кыргыз конгресси» аймактык бирикмесинин төрагасы Жазбек Бекболиев кылмышка шектелип кармалганын 27-декабрда «Комсомольская правда» гезитинин расмий сайты кабарлады. Кабарга тиркелген видеодон күч кызматкерлери аны кафеде отурган жеринен колуна кишен салып кетип жатканын көрүүгө болот. Ошондой эле видеодо күч кызматкерлери анын жанынан Кыргызстандын паспортторун барактап, суроолорду берип жатышат. Сайттагы маалыматка караганда, Бекболиевге мыйзамсыз миграция уюштурууга байланыштуу кылмыш иши козголду. Читать дальше...

Бүгүн таңга маал кулаган учакта 95 жүргүнчү жана экипаждын беш мүчөсү болгон.

Бүгүн 27-декабрда эртең менен "Bek Air" авиакомпаниясына таандык "Fokker-100" учагы Алматынын аэропортунан Нур-Султанды көздөй сапар алган. Бир нече убакыттан кийин Гүлдала айылынын четине кулап түшкөн. Ичинде, баштапкы маалыматка караганда, 95 жүргүнчү жана экипаждын беш мүчөсү болгон.

Жогорку Кеңештеги “Ата Мекен” фракциясынын лидери Алмамбет Шыкмаматов депутаттык мандатын тапшырып, партиядан чыкканын жарыялады. Ал буга себеп катары “Ата Мекен” партиясынын лидери Өмүрбек Текебаев менен мамилесинин бузулганын айтты. Шыкмаматов өз чечими тууралуу “Азаттык” радиосуна кыскача маек берди.

Ош, 27-декабрь, 2019-жыл. /ca-irnews.com/. Кара-Кулжа-Алайкуу автоунаа жолу кардан тазаланып, ачылганы менен айрым аймактары кайра эле жабылып калууда.

ЖМКалар Ирактын президенти Бархам Салих өз каалоосу менен отставкага кеткенин кабарлашты.

Жогорку Кеңештеги “Ата Мекен» фракциясынын лидери Алмамбет Шыкмаматов депутаттыктан кетүүнү чечти. Бул тууралуу ал бүгүн “Азаттык” радиосуна өзү билдирди: “Мен мандатымды тапшырып БШКга арыз менен кайрылдым. Ошондой эле “Ата Мекен” партиясынан да биротоло чыктым” деген саясатчы мындай чечиминин себептерин кийин айтарын белгиледи. - Текебаев Өмүрбек Чиркешович өтө күчтүү саясатчы, мыйзам чыгаруу жаатында астына киши салдырбайт. Күчтүү политтехнолог, тажрыйбасы мол, саясий комбинациялардын атасы, харизмасы бар күчтүү лидер жана тарыхый инсан.

Алматыдан Нур-Султан шаарына жол алган "Bek Air" компаниясына таандык учакта 95 жүргүнчү жана экипаждын беш мүчөсү болгон. Маалымат каражаттары жети адам каза болгонун жазууда. Алматы аэропортунун маалыматы боюнча, учак жергиликтүү саат 7ден 5 мүнөт өткөндө учуп чыгып, бир аз убакыт өткөндөн кийин радардан көрүнбөй кеткен. "Bek Air" компаниясына таандык учак аэродромдун чегинен тыш жерге кулаган. Тирүү калгандар бар. Кырсыктын жеринде куткаруу кызматтары иштеп жатат” деп айтылат аэропорт тараткан маалыматта. Читать дальше...