Орусия: жарылуудан жабыркагандардын саны 38ге жетти
Орусиянын Дзержинск шаарындагы “Кристалл” коргонуу ишканасындагы жарылуудан жабыркагандардын саны өсүп жатат. Расмий бийликтердин маалыматы боюнча жабыркагандардын саны 38 адамга жетти. Буга чейин эки адам дайынсыз кеткени кабарланган. Бийлик өкүлдөрү бул маалыматты четке какты.
Жарылуу “Кристалл” деп аталган илимий-изилдөө институтунун аймагында болгон. Институт жардыргыч заттарды өндүрүү жаатында иш алып барат. Жарылуу тротилди иштеп чыккан цехте орун алган. Анын имараты толугу менен кыйраганы кабарланган болчу.