Новости за 27.06.2019

Жогорку Кеңеш Алмазбек Атамбаевди экс-президент деген статустан ажыратты. Башкы прокуратура Атамбаев өлкөнү башкарып турган мезгилде бир нече мыйзам бузган деп, кылмыш ишин козгоого уруксат алды. Мурдагы президент жана анын тарапкерлери бул аракетти саясий куугунтук катары санап, Атамбаевдин Кой-Таштагы үйүндө штаб түздү. Постсоветтик чөлкөмдө биринчи жолу парламент тарабынан экс-президентти кол тийбестиктен ажыратуу Кыргызстандагы коомдук-саясий абалга кандай таасирин тийгизет? "Эксперттер талдайт" талкуусуна Жогорку Кеңештин мурдагы төрагасы... Читать дальше...

Жогорку Кеңештин депутаты Акылбек Жапаров экс-президент Алмазбек Атамбаевди кол тийбестиктен ажыратуу боюнча парламенттин чечимине байланыштуу пикирин билдирди. “Алмазбек Атамбаев формалдуу эмес түрдө өлкөнү башкаруу механизмин туу чокусуна чыгарып койду. Мурунку президенттер деле ошентип келген. Бирок бул киши убагында коркутуп-үркүтүү, камоо, Кыргызстандан кууп чыгуу менен сот бийлигин да, мыйзам чыгаруу бийлигин да башкарган. Өкмөттү алты жолу садага чапкан. Чоң насыя алаардын алдында эле өкмөт садага чабылып, анан насыя алынчу. Читать дальше...

Франциянын президенти Эммануэл Макрон Жапониядагы сапары учурунда АКШ президенти Дональд Трампты Иран менен сүйлөшүү жүргүзүүгө, эгер башталып кетсе, Жакынкы Чыгышты кыйроо алып келе турган согушту болтурбай калуу жолдорун издөөгө ынандыруу ниетин билдирди.

27-июнда Ооганстандын президенти Ашраф Ганинин Пакистандагы эки күндүк сапары башталды. Пакистан өкмөтүнүн башчысы Имран Хандын чакыруусу менен барган Гани ооган жергесинде тынчтык орнотуу жараяны, аймактык, эки тараптуу маселелер боюнча сүйлөшүүлөрдү жүргүзмөкчү. Гани менен Хан көзмө-көз жолугуп, аймактагы бейпилдикти, стабилдүүлүктү камыздоо үчүн эки өлкө ортосунда достуктун жана кызматташтыктын жаңы барагын ачуу тууралуу макулдашты. Ооган президенти Панжаб провинциясындагы Лахор шаарындагы бизнес-форумга катышмакчы. Читать дальше...

“Алмазбек Атамбаевдин тегерегинде болуп жаткан азыркы окуялар президент Сооронбай Жээнбековго да сабак болушу керек”. Жарандык активист Динара Ошурахунова мындай пикирин Атамбаевдин экс-президент макамынын алынышы боюнча “Азаттыктын” “Эксперттер талдайт” берүүсүндө сүйлөп жатып билдирди.  “Укук коргоо органдарга келгенде сот, прокуратура кандай чечет, карайт дегенге коомчулук көбүрөөк көңүл бурат... Азыр абал курчуп кеткенге негиз жок. Биз саясий лидерлерди камап, суракка алганга көнүп калдык. Читать дальше...

Мурдагы президент Алмазбек Атамбаев парламенттин аны экс-президент макамынан ажыраткан чечимине карата комментарий берди. Кылмыш иши козголуп калса тергөөгө барбай турганын “Азаттыктын” суроосуна жооп берип жатып билдирди. “Менин адвокатым бар. Эгер прокуратуранын кандайдыр бир суроосу болсо, кат түрүндө берсе жооп беребиз. Бул бийлик турганда эч кандай укуктук чечим кабыл алынбайт. Мага коюлган күнөөнүн баары калп. Тергөө кандай жүрүп жатканын көрүп жатабыз да. Мусакеев менен Матраимовду салыштырып көргүлө... Читать дальше...

Мурдагы президент Алмазбек Атамбаев кол тийбестигинин алынышына байланыштуу тарапташтары митинг уюштурса чогуу чыга турганын билдирди. Ал бул тууралуу учурда Кой-Таштагы үйүндө чогулган тарапташтары менен жолугууга чыккан учурда айтты. “Азаттыктын” суроосуна жооп берген Атамбаев, банк эсебиндеги 33 миң доллардын 30 миңин эки күн мурда алганын, андан башка банк кутусу жок экенин айтты. -Менин 33 миң долларым бар болчу. Эки күн мурда камакка алганга чейин анын 30 миңин алып койдум. Келинчегимдин акчасын камакка алып коюптур. Читать дальше...

Бишкекте мамлекеттик жана коомдук ишмер Жусуп Абдрахманов тууралуу тартылган толук метраждуу даректүү тасманын бет ачары өттү. Тарыхый инсандын өмүр жолун, ишмердүүлүгүн, жеке тагдырын баяндаган фильм көрүүчүлөрдүн эки ача пикирин жаратты.

Жогорку Кеңештин жалпы жыйынында экс-президент Алмазбек Атамбаевдин кол тийбестигин алуу маселеси каралды. Бул фактор өлкөдөгү коопсуздукка, туруктуулукка кандай таасир тийгизиши мүмкүн?

Мурдагы президент Алмазбек Атамбаевдин Кой-Таштагы үйүндө чогулган тарапташтары бийликке сегиз талап койду. Анда буга чейин түзүлгөн элдик штаб Кыргызстандын өнүгүшү үчүн маселелерди президент Сооронбай Жээнбеков жана азыркы Жогорку Кеңеш чечерине ишенбей турганы айтылган. Алар мамлекет башчы Сооронбай Жээнбековдон парламентке, күч түзүмдөрүнө, сотторго түздөн-түз буйрук берүүсүн токтотууну, “көмүскө башкаруучулардын” саясатка кийлигишүүсүнө жол бербөөгө, “саясий туткундарды” бошотууну талап кылышкан. Читать дальше...

Ошто быйыл 20-мартта жарылуу болгон май куюучу жай кайра ишин жандантып жатканы аймак тургундарын нааразы кылды.

Венесуэладагы орусялык аскерлер өлкөдөн чыгып кетип жатканы маалым болду. Казакстандын Арыс шаарындагы жарылуудан кийин эвакуацияланган кишилер бийликке талап коюшту. Өзбекстанда абакта отурган адамды сабаган эки түрмө сакчысы эки жылга кара жумушка кесилди.

Мурдагы президент Алмазбек Атамбаевдин тушунда Кыргызстанда элдин бийликке ишеними пайда болгон. Мындай пикирин ушу тапта Атамбаевдин Кой-Таштагы үйүндө өтүп жаткан пресс-конференцияда сүйлөп жатып Жогорку Кеңештин депутаты Анвар Артыков билдирди: - Атамбаевдин эмгегин баалайлы. Ал алты жылда болуп көрбөгөндөй туруктуулукту камсыз кылды. Алгачкы жолу элдин бийликке ишеними пайда болгон. Жогорку Кеңеш 27-июндагы жалпы жыйынында Алмазбек Атамбаевди экс-президент макамынан ажыратууну колдоду. Ага депутаттардын 103ү макул болуп... Читать дальше...

Атамбаевди экс-президенттик макамынан ажыратууну депутаттардын 103ү колдоп, алтоо каршы добуш беришти.

АКШнын президенти Дональд Трамп бул саммиттин алкагында эки тараптуу жолугушуудан кеминде сегизди өткөргөнү жатат. Анда Кытайдын төрагасы Си Цзиньпиң, Орусиянын президенти Владимир Путин, түрк мамлекет башчысы Режеп Тайып Эрдоган, Сауб Арабиясынын ханзаадасы Мухаммед бин Салман жана Германиянын канцлери Ангела Меркел менен кездешүү пландалган.  Трамп Жапонияга аттанарда журналисттерге орус президенти Владимир Путин менен «жакшы пикир алышуу болот» деп үмүттөнүп жатканын айтты. Бирок ага «ишиң болбосун» деп каяша айта аларын да кошумчалады. Читать дальше...

Чүй милициясы облуста ички иштер органдары күчөтүлгөн тартипте иштеп жатат деген маалыматты төгүндөдү. Облустук милициянын басма сөз кызматынын өкүлү Назира Имангазиева күч органдары башаламандык ыктымалдыгына байланыштуу күчөтүлгөн режимге өткөнү тууралуу сөздөр чындыкка дал келбесин "Азаттык" радиосуна билдирди: - Биздин кызматкерлер азыр жумушун күндөгүдөй эле алып барууда. Кой-Таш боюнча айтсак, Аламүдүн районунун Беш-Күңгөй айылында милиция бөлүмү бар. Алар да кадимки тартипте иштөөдө. ... Читать дальше...

Казакстандын Чымкент шаарында жүздөгөн адамдар мечитке барган жолду тосуп алышты.

Түндүк Кореянын  Жогорку даражалуу бир жетекчиси Өзөктүк диалогдорду кайра баштоого аз убакыт калганын  эскерти.

Венесуэланын бийлиги президент Николас Мадуронун жана анын саясий санаалаштарынын көзүн тазалоону максат кылган төңкөрүш аракетин токтотуп калганын жарыялады.

Ирандын парламент башчысынын эл аралык маселесиндеги жардамчысы Трамптын санкцияларына жооп кайтарды.

Орусия ТИМи Манама отурумунда маанилүү маселелер каралбаганын билдирди.

Мурдагы президент Алмазбек Атамбаевдин Кой-Таштагы тарапташтары журналисттерге тоскоолдук кылып, кууп чыкканга аракет кылышты. 27-июнда «Next TV» канылынын журналисти Жоодар Бузумовду сыртка сүйрөп бараткан учур тартылган видео Интернетке тарады. Андан тышкары, «Govori TV» порталынын жетекчилиги да каналдын операторунан тарткан видеолорун көрсөтүүнү талап кылышканын кабарлашты.  Журналисттин каршылыкка кабылганы тартылган видеодо ал «Press» деген жазуусу бар кемселчен жүрөт. Бузумов жөн гана кабарчылык милдетин аткарып жатканын... Читать дальше...

Бүгүн, 27-июнда Жогорку Кеӊеште Кыргызстанда уран, торий кендерин издөө, чалгындоо жана иштетүү максатында жер казынасын геологиялык изилдөө менен байланышкан ишке тыюу салуу жөнүндө мыйзам долбоору каралып, концепциясы добуш берүүгө жөнөтүлдү. Демилгечи депутаттардын бири Алмамбет Шыкмаматовдун айтымында, изилдөө, чалгындоо, иштетүүдөн тышкары аталган кендерди сырттан алып кирүүгө да тыюу салынат, берилген лицензиялар жокко чыгарылат. Мыйзам долбоорунун рекультивация иштерине тиешеси жок экени айтылды. Читать дальше...

Жогорку Кеӊештин «Кыргызстан» фракциясынын депутаты Урматбек Самаев парламенттин Укук тартиби, кылмыштуулук менен күрөшүү жана коррупцияга каршы аракеттенүү боюнча комитеттин төрасынын орун басары болуп шайланды. Ага 86 депутат «макул» деген добушун берди. Комитеттин төрайымы – «Ата Мекен» фракциясынын депутаты Наталья Никитенко. Самаевдин талапкерлиги 25-июнда көрсөтүлгөн. Анын ысымы буга чейин Токмокто кыргыз-казак чек арасындагы аткезчиликке байланыштуу чуулгандуу окуяда аталган. Самаевдин... Читать дальше...

Алмазбек Атамбаевден экс-президент макамын алуу маселесине байланыштуу Орусиянын президенти Владимир Путиндин басма сөз катчысы Дмитрий Песков пикирин билдирип, Москва башка мамлекеттин ички ишине кийлигишпей тургандыгын айтты. Анын сөздөрүн ТАСС агенттиги жарыялады.  27-июнда Жогорку Кеңеш Атамбаевден экс-президент макамын алууну колдоду. Депутаттарга башкы прокурор Өткүрбек Жамшитов баяндама жасап, Атамбаев мамлекетти башкарып турганда ыйгарым укуктарынан аша чапкан бир катар фактылар болгонун белгиледи. Читать дальше...