Македонски државјанин киднапиран и убиен во Авганистан
![Македонски државјанин киднапиран и убиен во Авганистан](https://gdb.rferl.org/9085E1DA-B1EE-4A0F-903B-C5FDA2E93E71_cx0_cy14_cw0_w800_h450.jpg)
Авганистанската полиција соопшти дека Македонски државјанин е киднапиран и убиен во главниот град на Авганистан, Кабул. Тој е убиен заедно со уште двајца странци кои работеле за меѓународна компанија за храна во Кабул, објави МИА.
„Индиски, малезиски и македонски државјанин беа киднапирани и убиени, а ги пронајдовме нивните тела", изјави денеска портпаролот на началникот на полицијата во Кабул Хашмат Станекаи, додавајќи дека тројцата работеле во втората по големина компанија за храна и кетеринг во светот Содексо.
Авганистански претставник соопшти дека нивните лични карти биле пронајдени покрај нивните тела и оти сега бараат потврда од фирмата за која работеле.