Уапсени двајца мажи поради нападот врз Амбасадата на САД во Анкара
Турските безбедносни сили денеска приведоа две лица осомничени за нападот врз Амбасадата на САД во Анкара. Шест истрели утрово беа испукани врз Амбасадата на САД од возило во движење. Три куршуми ја погодиле капијата и прозорец од Амбасадата. Во инцидентот никој не е повреден. Полицијата го пронајде и автомобилот со кој беше извршен нападот. Според турската телевизија НТВ, напаѓачите се двајца мажи на возраст од 38 и 39 години. Кај едниот од нив е пронајдени и пиштол, од кој е пукано врз Амбасадата. Читать дальше...