Москва - Американските обвинувања за мешање се хистерија

Русија ги опиша како „хистерија“ американските обвинувања за руско мешање во американските избори, по наводите на американските разузнавачки агенции дека Москва продолжува со обидите да се меша.


„Не само што оваа хистерија, која трае две години, околу наводното руско мешање кое никогаш не се случило, ги нарушува билатералните односи, туку го прави смешен целиот американски политички систем“, рече портпаролката на руското МНР, Марија Захарова, на денешната прес-конференција.


Повеќе американски разузнавачки агенција ја обвинија Москва дека продолжува со обидите да ги ослабне и подели САД и дека се мешале во претседателските избори во 2016 на кои победи претседателот Доналд Трамп.