ИАЕА: Иран сé уште се придржува до нуклеарниот договор од 2015
Иран ја одржува својата нуклеарна програма и се придржува до главните ограничувања наметнати со нуклеарниот договор од 2015 година и покрај повлекувањето на САД од договорот, соопшти Агенцијата на Обединетите нации. Извештајот на Меѓународната агенција за атомска енергија (ИАЕА) објавен денеска, е вториот тримесечен извештај објавен откако претседателот Доналд Трамп во мај го најави повлекувањето на Вашингтон од договорот и повторно воведе санкциите против Техеран. Договорот, познат како Заеднички сеопфатен план за акција, поставува ограничувања за нивото до кое Иран може да збогатува ураниумот и други прашања. Во мај, ИАЕА го критикуваше Иран поради пдолговлекување во врска со таканаречените инспекции за "комплементарен пристап".