Антикорупциска со два предмети против Мицкоски
Државната комисија за спречување на корупција на денешната седница отвори два предмети против актуелниот лидер на ВМРО-ДПМНЕ Христијан Мицкоски. Едниот предмет се однесува за добивање на 33.000 метри квадратни државно земјиште за изградба на хидроцентрали и доделување концесија за користење вода за производство на електрична енергија со изградба на хидроцентрали на фирмата „Енерго тек“ ДО Скопје.
Другиот предмет се однесува на назначувањето на Мицкоски во септември, 2016 година за директор на АД ЕЛЕМ од страна на надзорниот одбор, а истовремено бил и советник на тогашниот премиер Никола Груевски од областа на енергетиката. ДКСК констатираше дека двата предмети се класичен пример на злоупотреба на функции и судир на интереси.