И СОНК бара да преговара за платите во културата

СОНК (Синдикатот за образование, наука и култура) е незадоволен од најавеното порамнување на платите за вработените во установите одкултурата, смета дека процесот е нетранспарентен зашто Министерството не ги вклучило во дијалог.


Претседателот на СОНК Јаким Неделков на прес-конференција, која следуваше по работниот состанок со претседатели на синдикални организации на СОНК, рече дека поддржуваат зголемување на плати и други бенефиции за вработените во културата, но дека не знаат како ќе се нивелираат платите зашто СОНК не е вклучен во изготвување на коефициентите.


„Нејасно е дали нивелацијата ќе биде на ниво на спогодба односно анекс-договор со директорот на установата и претседателот на синдикалната организација или ќе биде на национално ниво каде што ќе треба да се направат измени и дополнување на Колективниот договор за култура или носење нов, за што ќе мора и ние да бидеме вклучени“, рече Неделков.