Во Грција ќе се разгледуваат законите за новите гранични премини со Северна Македонија
Министерството за надворешни работи на Грција ги достави до грчкиот Парламент нацрт законите за отворање на нови гранични премини меѓу Грција и Северна Македонија. Ова уследи по потпишаните договори во Скопје. Ќе се отвораат нови гранични премини кај Мајден и кај Маркова нога.
Согласно потпишаните договори, за изградбата и отворањето на граничниот премин кај Мајден ќе се користат фондови од Европската унија, а во договорот за граничниот премин кај Преспа, вклучени се и членови за подигање на нивото на Канцеларијата за врски во
Скопје во амбасада и на Канцеларијата за конзуларни, економски и трговски работи во Битола на ниво на Генерален конзулат.
Според двата потпишани договори во Скопје, предвидено е да се формира заедничка Комисија на експерти од двете земји со најмногу девет претставници од секоја страна кои ќе бидат надлежни за техничките и правните теми, за функционирањето на граничните премини
и за други прашања од заеднички интерес поврзани со спроведувањето на договорите.