Британија предупредува на можен конфликт меѓу САД и Иран
![Британија предупредува на можен конфликт меѓу САД и Иран](https://gdb.rferl.org/ABEB5E87-91FA-41FD-BC07-0E2E999EFD00_cx0_cy13_cw0_w800_h450.jpg)
Британскиот министер за надворешни работи Џереми Хант предупреди дека може „случајно“ да дојде до конфликт меѓу САД и Иран во услови на зголемени тензии меѓу двете земји. Хант ја даде изјавата пред средбата со неговите колеги од Франција и Германија со шефицата за надворешна политика на ЕУ, Федерика Могерини во Брисел на која ќе стане збор за иранскиот нуклеарен договор.
Могерини пред средбата изјави дека ќе продолжат да го поддржуваат договор со сите можни инструменти кои ги имаат на располагање. Техеран минатата недела најави дека нема да ги почитува одредбите од нуклеарниот договор доколку светските сили не ја заштитат земјата од американските санкции.