Либанските безбедносни сили употребија водени топови против демонстрантите кои протестираа во Бејрут поради мерките за штедење, додека либанската влада се соочува со фискална криза. Повеќе од 100 демонстранти се собраа денеска пред седиштето на владата, извикувајќи "крадци, крадци" за време на владината седница на која се прави обид за договор за контроверзното намалување на буџетските трошоци. Демонстрантите се судрија со полицијата, а меѓу учесниците во протестот имаше наставници од јавни и приватни училишта.
Плановите на владата за намалување на буџетските расходи предизвикаа бран на јавно незадоволство по гласините дека на удар на мерките за штедење би можеле да бидат платите на јавниот сектор и социјалните давачки.
Либанската економија се бори со висок долг, зголемена невработеност и забавен раст на БДП. Со спроведените реформи, либанската влада сака да ги одблокира милијардите долари ветена странска помош.
